Landelela Ngokurhabako

Solo kwenziwa iZinzolwazi yethu, iimbawo zeemfundo zeBhayibheli ezenziwa ku-Inthanethi zande ngendlela erarako. Ezinye iimbawo zenziwe ngokulandela amagadango amatjha wokufakaza tjhatjhalazi. I-ofisi legatja lizidlulisa msinya khulu iimbawezi. Ngokwesibonelo, nengabe isibawo senziwe ku-jw.org, abadala abasesimini yomuntu obawe isifundo bazokufumana umbiko ovela e-ofisini legatja ngemva kwamalanga amabili. Nokho, umbiko wesimini utjengisa bona ezinye iimbawo zalabo ababawa isifundo seBhayibheli akhenge ziphendulwe bekwaba maveke amanengi. Singaqinisekisa njani bona isizwelo linikelwa msinyana ngaphambi kobana ikareko yomuntu itjhabalale?—Mar. 4:14, 15.

Nengabe umuntu ongahlali esiminenu atjengisa ikareko, msinyana zalisa iforomo elithi Siza Ulandelele (S-43-ZU) ulinikele unobhala msinyana newuya esifundweni iveke elandelako. Unobhala kufuze athumele imininingwana ebandleni elifaneleko namkha ayithumele e-ofisini legatja elangeni linye nofana amabili asebenzisa ikunupe yeBandla ku-jw.org. Abadala kufuze bahlole iZinzolwazi qobe. Nebafumana imininingwana yokobana bathinte othileko, kufuze balandelele msinyana. Nanyana ngimuphi umrhuweleli ebambawa bona aye lapho kufuze akuqale njengento eza qangi. Nengabe umuntu loyo akekho ekhaya, mhlamunye ungamtjhiyela isiqetjhana sephepha esinemininingwanakho.