Ibhoksi Leembuzo

◼ Ngubani okufuze azalise iimbawo eziseencwadini zethu namtjhana ku-Internet?

Ngokujayekileko iincwadi zethu zinesiqetjhana sephepha elingazaliswa lithunyelwe e-ofisini legatja ukubawa iincwadi namtjhana ukuvakatjhelwa boFakazi BakaJehova. Ukungezelela kilokho, i-Web site yethu ethi www.watchtower.org ingasetjenziswa ukubawa isifundo seBhayibhili. Amalungiselelo la asiza abanengi bona bafunde iqiniso. Nokho, kube nemiraro abarhuweleli nebasebenzisa amathulusu la ukwenzela iinhlobo zabo namtjhana abanye amalungiselelo wokufumana isizo elingokomoya.

Abanye i-ofisi legatja elibathumelele iincwadi abangakazibawi banghonghoyilile, banamazizo wokobana ihlanganwethu iyabatlhorisa begodu ibafake irhelweni elithileko lokuthumela izinto. Abarhuweleli abafumene umlayezo wokuyokuvakatjhela umuntu ongakazibaweli yena mathupha ukuvakatjhelwa bazifumene basebujamweni obumbi umuntu loyo nekaveza ukusilingeka kwakhe. Ngalokho, iimbawo ezenziwa ku-Web site yethu namtjhana ngesiqetjhana sephepha kufuze zivele kubantu abanekareko ngokwabo ingasi bona umrhuweleli azenzele abanye. Nekubonakala bona iimbawo ezinjalo zenzelwe omunye umuntu, ngokujayekileko i-ofisi legatja alizitjheji.

Ngalokho-ke, singasisiza njani ngokomoya isihlobo namtjhana umuntu esimjayeleko? Newungathanda bona afumane iincwadi, kubayini ungamthumeli zona ngokunqophileko njengesipho? Nekanekareko namtjhana athanda ukuvakatjhelwa boFakazi kodwana ungazi bona ungathintana njani nabadala bebandla lendawo ahlala kiyo, kufuze uzalise iforomo elithi Siza Ulandelele (S-43-ZU) ulinikele unobhala webandla lenu, yena uzoliqalisisa begodu alithumele e-ofisini legatja. (Ibandla ngalinye kufuze lihlale linamaforomo la aneleko.) Nokho, nengabe umuntu onekareko usejele, namtjhana endaweni esiza abantu abasebenzisa kumbi iindakamizwa, nofana esibhedlela, akukafuzi uthintane ne-ofisi legatja esikhundleni sakhe. Kunalokho, ungamkhuthaza bona athintane nabazalwana abavakatjhela indawo leyo namtjhana atlolele i-ofisi legatja.