LAIBULALE YA PA INTANETI ya Watchtower
Watchtower
LAIBULALE YA PA INTANETI
Cinsenga
ŵ
  • Ŵ ŵ
  • BAIBO
  • MABUKU
  • MISONKHANO
Nsenga Publications (2012-2025)
Fumani
Loŵani
LAIBULALE YA PA INTANETI ya Watchtower
Watchtower
LAIBULALE YA PA INTANETI
Takulandilani.
Ici ni cida cofufuzila zofalisa mu vilaŵilo vosiyanasiyana cokonzewa na Mboni za Yehova.
Kuti mucite daunilodi mabuku, lutani pa jw.org.
Cilengezo
Cilaŵilo calomba camene cilipo: Mbum
  • Lelo

Citatu, July 30

Tingaleke lini kulaŵila za zinthu zeteona na kumvwa.—Mac. 4:20.

Tingatolele cisanzo ca atumwi mwa kupitilizhya kulalikila ngati akulu-akulu a boma atilamula kuti tileke kulalikila. Nase tingankhale na cidalilo cakuti Yehova atiyavye kukwanilisha utumiki wasu. Tingasenge Yehova kuti atiyavye kunkhala otang’a mtima notipasa nzelu kuti atiyavye kulimbana na mavuto. Anyinji a seo tukumana na mavuto monga matenda, kutaikiliwa okondeka ŵasu mu imfwa, mavuto a m’banja, cinzunzo olo mavuto ayakine. Ayakine ovutika cifukwa ca milili na nkhondo. Ndipo izi zucitisha kuti cinkhale covuta kuti akwanishe kupilila. Ngati mukumana na mavuto oteti, mufunika kumuuzhya Yehova mwamumvwila. Mukomuuzhya mwazilili zinthu monga ni mwamungauzhyile muyanu wa pa mtima. Mukonkhala osimikizhya kuti Yehova “acitepo kanthu.” (Sal. 37:​3, 5) Ngati tulimbikila kupemphela, zitiyavye ‘kupilila tikakumana na cisauso.’ (Aro. 12:12) Yehova oziŵa mavuto yakukumana nayo atumiki ŵake ndipo “akumvwa kulila kwao kosenga thandizo.”—Sal. 145:​18, 19. w23.05 5-6 ¶12-15

Kuphunzila Malemba Siku Iliyonse—2025

Cinai, July 31

Nthawi zonse mukosimikizhyila kuti covomelezhyeka kwa Asikulu ni cotyani.—Aef. 5:10.

Ngati tufuna kupanga cosankha cofunika ngako, tufunika “kuzindikila cifunilo ca Yehova” nocita zinthu mokatizhyana na cifunilo camene ico. (Aef. 5:​10, 17) Ngati tupeza mfundo za m’Baibo zamene zukatizhyana na cosankha catufuna kupanga, niye kuti tusakila cisogozo ca Mulungu pa nkhani yamene iyo. Ndipo ngati tuseŵenzesha mfundo zamene izo tikwanishe kupanga zosankha zanzelu. “Muipa” wamene ni mdani wasu Satana, ofuna kuti tikonkhala otangwanika na zinthu za m’calo cakuti tikosoŵa nthawi yotumikila Yehova. (1 Yoh. 5:19) Mkhristu angayambe kuika ndalama, maphunzilo olo nchito pasogolo, m’malo motumikila Yehova. Ngati ocita izi, zingaoneshe kuti osogolelewa na nzelu za calo. Zinthu izi pazeka ni ziipa lini, koma zufunika lini kunkhala pasogolo mu umoyo wasu. w24.03 24 ¶16-17

Kuphunzila Malemba Siku Iliyonse—2025

Cisanu, August 1

Masoka a munthu wolungama ni anyinji, koma Yehova omupulumusa ku masoka onse.—Sal. 34:19.

Pa lemba iyi tupezapo mfundo zofunika ngako ziŵili izi: (1) Ŵanthu olungama okumana na mavuto. (2) Yehova otipulumusa ku mayeselo. Kansi Yehova otipulumusa tyani? Njila imozi yakutipulumusilamo ni mwa kutiyavya kunkhala na maganizo oyenelela okhuza umoyo m’calo cino ciipa. Olo kuti Yehova otilonjeza kuti tipeze cimwemwe pomutumikila, olaŵila lini kuti umoyo wasu ukonkhala uliye mavuto. (Yes. 66:14) Niye cifukwa cake otilimbikisha kuti tikoika maganizo ŵasu pa malonjezo a msogolo pamene tikasangalale na umoyo mpaka kale-kale. (2 Akor. 4:​16-18) Pali pano, yove otiyavya kupilila mavuto yatukumana nayo siku iliyonse kuti tipitilizhye kumutumikila. (Maliro 3:22-24) Kansi tingaphunzilepo cinji pa visanzo va atumiki a Yehova okhulupilika a m’nthawi za m’Baibo na a masiku ŵano? Nase tingakumane na mavuto. Koma ngati tudalila Yehova, yove angatiyavye kupilila.—Sal. 55:22. w23.04 14-15 ¶3-4

Kuphunzila Malemba Siku Iliyonse—2025
Takulandilani.
Ici ni cida cofufuzila zofalisa mu vilaŵilo vosiyanasiyana cokonzewa na Mboni za Yehova.
Kuti mucite daunilodi mabuku, lutani pa jw.org.
  • Cinsenga
  • Pasankoni Ayakine
  • Zamungakonde
  • Copyright © 2025 Watch Tower Bible and Tract Society of Pennsylvania
  • Mfundo Zokhuza Moseŵenzeshela
  • Mfundo Zokhuza Cisinsi
  • Privacy Settings
  • JW.ORG
  • Loŵani
Pasankoni Ayakine