PHUNZILO 11

Kulaŵila Mwaumoyo

Aroma 12:11

MALIZU ACIDULE: Kulishani cidwi nolimbikisha omvwishila mwa kulaŵila mwaumoyo.

Laŵilani na mzimu wa nkhani yamene iyo. Pamukonzekela nkhani yanu, ganizilani za kufunika kwa uthenga wamene uyo. Iziŵeni bwino nkhani yamuŵelenga kuti mukaifotokoze mofumila pansi pa mtima.
Ganizilani omvwishila ŵanu. Ganizilani mwamene uthenga wati mukaŵelenge olo kuphunzisa ukapindulishile omvwishila. Lingililani mwamene uthenga wanu ungayokulishila ciyamikilo ca omvwishila ŵanu.
Laŵilani mwaumoyo. Ilaŵileni mwaumoyo. Seŵenzeshani magesica noonesha pacinso mwamumvwila mumtima.

Samalani kuti musasokoneze omvwishila cifukwa coseŵenzesha magesica amozi na amozi. Mukoseŵenzesha magesica mwatanthauzo. Laŵilani mwaumoyo pophunzisa mfundo zofunika ngako nolimbikisha omvwishila kuti acitepo kanthu. Pewani kulaŵila mokuwa ngako mu nkhani yonse kuyopela kuti mungaŵeŵeshe omvwishila.