Jeremiya
12 Wene Jehova+ o lukiye, mo ke llela gago ka nnete o šupetsa gore o lukiye,
Le mo ke bolabola nago ka ditaba tsa go yahlula.
Anthe ke ntaba batho bo ba go sa loka ba phomelela,+
Fote ke ntaba bo ba go ba le bošakašakane ba sa šekele ka selo?
2 Ke wene o ba gašiyeng ke mokane ba mila.
Ba gudiye fote ba ba le diyengwa.
Ba fo dula ba bolabola ka wene, mara ka ho dipelong tsa bona a ba na taba nago.+
3 Mara Wene Jehova,+ o ntšiba gabutši fote wa mpona;
O nyakolliye pelo yaka fote wa di tšiba tsa gore ke tineyele gago.+
Ba hlawole go tshwana le mo ba hlawola nku gore ba ye yi bolayeng,
Fote o ba beyele ka thoko go segela ka lešatši lo o tl’le ba bolayang ka lona.
4 Anthe naga yowa yi nyoko woma go segela neng
Le dimilane tsa tšhomo ye nngwana le ye nngwana di nyoko puna go segela neng?+
Ka taba la batho ba go sa loka bo ba dulang ga yona,
Diphoolwane le dinonyane go fediye ka tsona.
Ka gore ba yitseri: “A ka sa di boni tso di nyoko go re makegela.”
5 Mo nkare le tinwisa ke go lelekisa ke banna ka mawoto,
Nje le bona nkare le ka šiya dipera?+
Le kwa le tšhireletsegiye ga poleke ya gore yi bebiye,
Mara le nyoko maka byang mo le le mošuteng wa mašahla ya gore ma thina le Jorodane?
6 Ka gore le mong bobhuti ba lune ba gore ke ba mutši wa papa wa lune,
Ba le sipidiye ka fase.+
Ba yahlamelanya ba kene ba le nabelela tsa go befa.
Le mo ba ka le botsa dilo tsa gabutši,
Le sa ba tshepi.
7 “Ke lahliye mutši waka;+ ke šiyye diphahlo tsaka.+
Batho baka ba gore ke ba nyaka ka matla ke lisetsiye manaba gore ma ba hlasele.+
8 Yewa wa gore ke lefa laka o ntšhentšhele, o šele a tshwana le tawu ya ku mašahleng.
O bopiye ho gaka.
Byalo ka thomisa go mo hloya.
9 Lefa laka le ntshwanela le nonyane ya go ba le dikhalakhala ya gore yi ja dinonyane tse dingwana;
Dinonyane tse dingwana tsa gore di ja dinonyane tse dingwana dya yi kgobakanela gore di yi hlasele.+
Tlanneng, tlanneng lune diphoolwane tsa go tshosa ka mokana ga tsona tsa ku mašahleng,
Tlanneng le je.+
10 Batho ba go tlala ba go disa ba sinnye mašomo yaka ya didhriva;+
Ba gatelannye sekopa sa naga yaka.+
Ba makiye gore sekopa sa naga yaka yo ke yi nyakang ka matla go šale go le poleke ya gore a go sa dula motho.
11 A go sa le naga ya selo.
Yi womelele;
Fote mo ke yi lebelela ke fo bona go le lešupi;+
Naga ka mokana ga yona ba yi makiye lešupi,
Mara a go na le motho ka wwoši wa gore o tseyela taba yone hlogong.+
12 Bo ba go sinyanya ba tlile ga dipata ka mokana ga tsona tsa gore di sinyegiye tsa go bhukulela ku mašahleng,
Ka gore sabola ya Jehova yi suwelanya gore yi fetse ka batho ka mokana ga bona ba mone nageng.+
Aa šiyo wa gore o kwa a bebiye.
13 Ba gašiye korong, mara go midiye metlwa.+
Ba karakariye ka matla, mara a dya ba gelepa ka selo.
Ba nyoko tšebisa ke tso ba nyoko di bunang
Ka taba la gore Jehova o kwatiye ka matla.”
14 Tsowa ke tso Jehova a di hlayang ka bayagelane baka ka mokana ga bona ba dipelo tse diphifadu, ba gore ba tikisa naga yo ke yi neyyeng batho baka ba Israyele gore go be ya bona:+ “Ke ba ntsha mone nageng ya bona,+ fote ba ntlo ya Juda ke nyoko ba tobolla gana hone ga bona. 15 Mara mo ke fetsa go ba ntsha mone ga yona, ke nyoko ba kwela go baba fote, ke mokane ke nyoko busetsa ye mongwana le ye mongwana ga lefa lage le ga naga yage.”
16 “Mo ba ka tšhuta go maka dilo ka mokgo batho baka ba makang le go tshepisa ka lebitso laka ba re, ‘Solanka Jehova a sa phela!’ go fo tshwana le ka mokgo ba yyeng ba tšhutisa batho baka go tshepisa ka Bhaali, le bona ke nyoko ba tseya go le batho baka. 17 Mara mo ba ka gana go di maka, ke nyoko ntsha setšhaba sone, ka se tobolla ka boya ka fetsa ka sona,” go hlaya Jehova.+