Jeremiya
13 Tsowa ke tso Jehova a mputsiyeng tsona: “Ariye o tirekele lepanta la linene fote o le tleme mo masekeng, mara o sa le tlungwetsi teng ga meetši.” 2 Byalo ke rekiye lepanta lone ka mokgo Jehova a mputsiyeng ka gona ke mokane ka le tlema mo masekeng. 3 Fote lentsu la Jehova la tla gaka la mabedi la re: 4 “Tseya lepanta lo la gore o le rekiye fote o le tlemme, o tlogamele o ye Eforate, o le wutametse sekgaleng se senyana sa letlapa.” 5 Byalo ke yye, ka le wutametsa ku thina le Eforate, ka mokgo Jehova a mputsiyeng ka gona.
6 Mara ka nthago ga matšatšinyana, Jehova o yitseri gaka: “Tlogamela, o sepele o ye ku Eforate, o ye tseya lepanta lela la gore ke yitseri o le wutetse.” 7 Byalo ke yye Eforate ka segela ke yepa lepanta lela ke mokane ka le tseya mo ne ke le wutametsiye gona, mara lepanta lone ne le sinyegiye; ne le ka sa sa bereka selo.
8 Ke mokane lentsu la Jehova la tla gaka la re: 9 “Tsowa ke tso Jehova a di hlayang: ‘Go fo tshwana le lepanta lone, ke nyoko sinyanya Juda ya gore yi na le magetla le Jerusalema ya gore yi napiye yi topela ka go ba le magetla.+ 10 Batho bowa ba dipelo tse diphifadu ba go gana go ntheetsela,+ ba go maka tsa go tšiba ke bona ka tšhinghi,+ ba go rapela medimo ye mengwana, ba yi berekela fote ba yi kgotamela, ba nyoko tshwana le lepanta lowa la gore a le na mmereko.’ 11 ‘Akere motho o tlema lepanta ho masekeng, le nna ke makiye gore batho ka mokana ga bona ba ntlo ya Israyele le batho ka mokana ga bona ba ntlo ya Juda ba mamarele ho gaka go tshwana nalo,’ go hlaya Jehova, ‘ke mo ke nyaka gore go be batho baka,+ ba go ba le lebitso laka,+ ba go nthanaka, le ba gore ba bafele ka matla. Mara a baa ntheetsela.’+
12 “Fote di nyaka o ba botse molayetsa wowa, o re, ‘Tsowa ke tso di hlayang ke Jehova Modimo wa Israyele, o re: “Pitsa ye nngwana le ye nngwana ye kgolo le tshwanele le yi tlatseneng ka wayini.”’ Ke mokane bona ba nyoko go fetola ka gore, ‘Anthe a re di tšibi tsa gore pitsa ye nngwana le ye nngwana ye kgolo yi tshwanele yi tlatsiwe ka wayini?’ 13 Ke mokane wene o ba botse gore, ‘Tsowa ke tso Jehova a di hlayang: “Gana byalo ke nyoko maka gore batho ba naga yowa ka mokana ga bona ba tlayile,+ gana hone go kena le magoši ya gore ma duli setulong sa Dafita sa go lawola, maprista, baporofeta le batho ka mokana ga bona ba Jerusalema. 14 Mara ke nyoko maka gore ba ghulanane, tso di nyoko tlelang bopapa di nyoko tlela le barwayi ba bona,” go hlaya Jehova.+ “Nka sa ba kwele go baba kela go ba llela kela go ba lisetsa ke sa ba wolole fote a go na selo sa gore se nyoko nthibela gore ke fetse ka bona.”’+
15 Kwanneng, le theetseleneng gabutši.
Le sa be le magetla, ka gore tsowa di hlayye ke Jehova.
16 Thanakaneng Jehova Modimo wa lune
A soko bane a maka gore go be letshwifi
Le lune le soko bane le phikega ga thaba ya gore go tlemme letshwifi.
Lune le nyoko nabela gore go khanye,
Mara yene o nyoko maka gore go fifale;
Yene o nyoko maka gore go fifale ka matla.+
17 Mara mo le ka gana go theetsela,
Ke nyoko lla ka makhukhung ka taba la mokgwa wa lune wa go ba le magetla.
Ke nyoko lla ka matla, fote maahlo yaka ma nyoko tšwa dinepedi tsa go tlala,+
Ka taba la gore morape wa Jehova+ ba wo yisiye bobhantiting.
18 Botsa kgoši le mmane wa kgoši+ o re, ‘Phologa ga setulo sa go hlompega,
Ka gore fapo yago ya go bafala ba nyoko tseya mone hlogong yago.’
19 Digheyiti tsa mitši ya ka lebowa ba di kwadiye, a go na ye a ka di bulang.
Majuda ka mokana ga wona ba ma yisiye bobhantiting, a go na le ye a šeleng.+
20 Yemisaneng maahlo ya lune le boneneng bo ba tlang ba tšwa lebowa.+
Wo kaye morape wa lune wa dinku tsa go bafala wo ba le neyyeng wona?+
21 Le nyoko re king mo le wolola
Ke batho ba gore ne le nyaka go nghanelana nabo ku mathomisong?+
Ayitsano le ka sa tshware ke lešoko, la go tshwana le la mosadi mo a belega ngwana?+
22 Mo o ka hlaya ka pelo o re, ‘Anthe ke ntaba dilo tso di tlela nna?’+
Roko yago yi tleroganne ku tlase ka taba la gore o sinnye ka matla+
Fote le direthe tsago di kwalele.
23 Ayitsano Lekhuše* le ka tšhentšha khala ya letlalo la lona, kela ayitsano lepogo le ka tšhentšha matlwaratlwara ya lona?+
Mo nkare dya kgonega, di ra gore le ka kgona go maka dilo tsa gabutši,
Lune ba gore le digele ka go maka dilo tsa go befa.
24 Byalo ke nyoko ba tlalaganya go tshwana le mo lehlaka le tseya ke moya wa go tšwa polekeng ya kgwaakgwa.+
25 Lowa ke lefa lago, ke sekopa so ke go kupeleng sona,” go hlaya Jehova,
26 Byalo ke nyoko go tšola sekheti sowa
Batho ba go bonela wa tšeba,+
27 Ba nyoko bona le bonghwahla+ byo o bo makang, mekgwa yago ya go nabela tsa ka mapaying,
Le taba yago ya go tšebisa ya go rekisa mmele.
Mekgwa yone yago ya go silikisa
Ke yi bonne ku memmotong le ku mašomong,+
Wene Jerusalema, o ko tikweleng!
Anthe o nyoko maka dilo tsowa tsa go sa yela go segela leng?”+