Jeremiya

39 Ka mongwaga wa nkokwane wa mo go lawola Kgoši Zedekiya wa Juda, ka kgwedi ya lesome, Kgoši Nebhukhadhinezara* wa Bhabhilona le masole yage ka mokana ga wona ba tlile Jerusalema ke mokane ba yi dukulugela.+

2 Ka mongwaga wa bo 11 wa mo go lawola Zedekiya, ka kgwedi ya kanne, ka letšatši la nkokwane la kgwedi yone, ba wisa lepharo la mutši wone.+ 3 Fote dindhuna ka mokana ga tsona tsa kgoši ya Bhabhilona dya kena, dya segela di dula ga Gheyiti ya Segare,+ dindhuna tsone ne go le Nerighali-šarezere wa gore ke Samoghara, Nebho-sarisekimi wa gore ke Rabhosarisi, Nerighali-šarezere wa gore ke Rabhomaghe* le dindhuna ka mokana ga tsona tsa kgoši ya Bhabhilona.

4 Mo Kgoši Zedekiya wa Juda le masole ka mokana ga wona ma ba bona, ba tšhaba,+ ba tšwa mone mutšing bošego ka pata ya go feta nghadeng ya kgoši, gheyiting ya gore yi gare ga mapharo ka mabedi, ba ya mahlong ka tsela ya Arabha.+ 5 Mara masole ya Makhaladiya ma ba lelekisa ke mokane ma tshwara Zedekiya ku Jerikho polekeng ya kgwaakgwa.+ Ba mo tshwara ke mokane ba mo leya ga Kgoši Nebhukhadhinezara* wa Bhabhilona ku Ribhla+ nageng ya Hamathe,+ ke mokane ba mo ghweba gona. 6 Kgoši ya Bhabhilona ya bolaya barwayi ba Zedekiya a kene a lebelele hala Ribhla, fote kgoši ya Bhabhilona ya bolaya batho ka mokana ga bona ba Juda ba gore ba tseyediwa gedimo.+ 7 Ke mokane a maka gore Zedekiya a popele maahlo ke mokane a mo tlema ka diketane tsa gore di makiwwe ka koporo, a mo yisa Bhabhilona.+

8 Makhaladiya ma wisiye ntlo ya kgoši le dintlo tsa batho,+ ma boya ma wisa le mapharo ya Jerusalema.+ 9 Nebhuzaradane+ wa gore ke ndhuna ya masole o tseya batho bo ne ba šele mone mutšing a ba yisa Bhabhilona bobhantiting, le ba gore ba tšhabele gage le ye mongwana le ye mongwana ye ne a šele.

10 Mara Nebhuzaradane wa gore ke ndhuna ya masole a šiya ba bangwana ba go tihlupegela ka matla, ba gore ne ba se na selo hone nageng ya Juda. Fote ka letšatši lolone a ba neya mašomo ya didhriva le mašomo gore ba thogo bereka gona.+

11 Byalo Kgoši Nebhukhadhinezara* wa Bhabhilona a botsa Nebhuzaradane wa gore ke ndhuna ya masole gore a make tsowa mo di tla ga Jeremiya, o yitseri: 12 “Mo tseye o mo pasope; o sa mo kwaletsi, fote o mo neye se sengwana le se sengwana so a go kgopelang sona.”+

13 Nebhuzaradane wa gore ke ndhuna ya masole, Nebhušazibhane wa gore ke Rabhosarisi,* Nerighali-šarezere wa gore ke Rabhomaghe,* le dindhuna ka moka tsa kgoši ya Bhabhilona dya roma banna 14 gore ba ye ntsha Jeremiya ku Lapeng la ye wa go Pasopa+ ke mokane ba mo yise ga Ghedalaya+ morwayi wa Ahikamo+ morwayi wa Šafane+ gore a mo yise ntlong yage. Byalo a phela hone le batho ba bangwana.

15 Nakwela Jeremiya a kwalediwwe ka ku Lapeng la ye wa go Pasopa,+ Jehova a bolabola naye a re: 16 “Ariye o ye botsa Ebhede-meleke+ wa Leitopiya gore, ‘Tsowa ke tso Jehova wa masole, yene Modimo wa Israyele a di hlayang, o re: “Gana byalo ke leyela mutši wowa dilo tsa go sasamela tsa gore a yi tsa gabutši tso ke di hlayyeng, fote ka letšatši lone o ko di bona di makega.”’

17 “‘Mara ka letšatši lone ke nyoko go phonisa,’ go hlaya Jehova, ‘fote o ka sa yisiwi ga batho bo o ba tšhabang.’

18 “‘Ka gore ke nyoko maka gore o tšhabe, fote o ka sa kgwe ka sabola. O nyoko phonisa lephelo lago,+ ka taba la gore o yye wa tshepela gaka,’+ go hlaya Jehova.”