Jeremiya
40 Lentsu la Jehova la tla ga Jeremiya ka nthago ga mo Nebhuzaradane+ wa gore ke ndhuna ya masole a mo lokolliye Rama.+ O mo tsere hone a tlemiwwe matsogo ka diketane fote ne a le gare ga batho ka moka ba gore ba tseyiwwe Jerusalema le Juda ba yisiwa bobhantitng ku Bhabhilona. 2 Byalo, ye wa gore ke ndhuna ya masole o tsere Jeremiya a re gage: “Jehova Modimo wa rune o hlayye go sa le botala gore mutši wowa wo nyoko tlela ke tsa go sasamela, 3 fote Jehova o ba leyele tsona go ya ka mokgo a hlayyeng, ka taba la gore lune batho le sinyele Jehova fote a le ya mo theetsela. Nka taba lo dilo tsowa di le makegele.+ 4 Gana byalo ke ya go lokolla fote ke go tlemolla tso ba go tlemmeng ka tsona ho matsogong. Mo nkare o nyaka go ya le nna Bhabhilona, koriye, nko ya ke go pasopa. Mara mo nkare a o nyake go ya le nna Bhabhilona, o sa yi. Bona! Naga ke yowa mo mahlong gago. Ariye mo o nyakang gona.”+
5 Mo Jeremiya a soko bane a jika, Nebhuzaradane o yitseri: “Boyela ga Ghedalaya+ morwayi wa Ahikamo+ wa gore ke morwayi wa Šafane,+ wa gore kgoši ya Bhabhilona yi mo hlawodiye gore a wokamele mitši ya Juda ke mokane o dule naye mone bathong; kela wene o ye mo o nyakang go ya gona.”
Ye wa gore ke ndhuna ya masole a mo neya tsa go ja, a mo neya le se sengwana ke mokane a mo lisetsa a sepela. 6 Byalo Jeremiya a ya ga Ghedalaya morwayi wa Ahikamo ku Mizipa,+ a segela a dula naye le batho bo ne ba šele hone nageng.
7 Mo go ya go ya, ba go wokamela masole ka mokana ga bona bo ne ba le ku nageng le banna bo ne ba le nabo ba di kwelela gore kgoši ya Bhabhilona yi hlawodiye Ghedalaya morwayi wa Ahikamo gore a lawole naga le gore o mo hlawodiye gore a wokamele banna, basadi le bana gare ga batho ba gore ne ba tihlupegela hone nageng ba gore a baa ba yisa Bhabhilona.+ 8 Byalo ba tlile ga Ghedalaya ku Mizipa.+ Go tlile Išimayele+ morwayi wa Nethanaya, Johanani+ le Jonathane barwayi ba Kareya, Seraya morwayi wa Thanihumethe, barwayi ba Efayi wa Lenetofa le Jezaniya+ morwayi wa Lemayakha le banna bo ne a le nabo. 9 Ghedalaya morwayi wa Ahikamo morwayi wa Šafane o makiye kano nabo le banna bone a re: “Le sa tšhabe go berekela Makhaladiya. Dulaneng mone nageng le berekele kgoši ya Bhabhilona, ke mokane dilo di nyoko le sepelela gabutši.+ 10 Nna ke nyoko dula Mizipa gore ke le yemelele ga Makhaladiya ya gore ma tla ga rune. Mara lune le tipeyeleneng wayini, le kgobaketse diyengwa le makgura fote le tšhele dilo tsone ga go tšhela ke mokane le dule ga mitši yo le yi hludiyeng.”+
11 Fote Majuda ka mokana ga wona ya gore ke mo ma le ku Mowaba, Amoni le Edomo le ya gore ke mo ma le ga dinaga tse dingwana ka mokana ga tsona, ma di kwelela gore kgoši ya Bhabhilona yi makiye gore go šale paranyana hone Juda, fote o hlawodiye Ghedalaya morwayi wa Ahikamo wa gore ke morwayi wa Šafane gore a ba wokamele. 12 Byalo Majuda ka mokana ga wona ma thomisa go boya ma tšwa ga dipoleke ka mokana ga tsona tso ne ma palakanne ga tsona, ke mokane ma tla ga naga ya Juda, ga Ghedalaya ku Mizipa. Fote ba kgobaketsa wayini le diyengwa tsa selemo tsa go tlala ka matla.
13 Johanani morwayi wa Kareya le dindhuna tsa masole ka mokana ga tsona tsa gore ne di le ku nageng, ba tla ga Ghedalaya ku Mizipa. 14 Ke mokane ba re gage: “Nje wa di tšiba tsa gore Bhaalisi kgoši ya Maamoni+ o romele Išimayele morwayi wa Nethanaya gore a tl’le go bolayeng?”+ Mara Ghedalaya morwayi wa Ahikamo aa ba tshepa.
15 Ke mokane Johanani morwayi wa Kareya a bolabola le Ghedalaya ka makhukhung ku Mizipa a re: “Ke nyaka go bolaya Išimayele morwayi wa Nethanaya, fote go ka sa tšibi motho. Ke ntaba a tshwanele a go bolaye, fote ke ntaba batho ka mokana ga bona ba Juda ba gore o ba hlekeletsiye ba tshwanele ba palakane, fote le batho bo ba šeleng ba Juda go fele ka bona?” 16 Mara Ghedalaya+ morwayi wa Ahikamo a re ga Johanani morwayi wa Kareya: “O sa di make tsotsone, ka taba la gore tso o di bolabolang ka Išimayele ke matsaka.”