Ditodi Tsa Sepukwane sa Mogahlano wa Maphelelo le Matšhomayelelo
© 2025 Watch Tower Bible and Tract Society of Pennsylvania
SEPTEMBER 1-7
MAKOLWANE KA TENG GA LENTSU LA MODIMO DIYEMA 29
Kganela Kgole le Tso Batho ba di Dumelang le Ditšo Tsa Gore a di Tšwe Mangwalong
wp16.06-SE 6, lebhokisi
Mmono wa bo ba Leng Magedimong ya Gore a ma Bonale
Go fo tshwana le mabhantiti ya gore ba ma tlemelele ka diketane, batho ba go tlala ba tlungwele ga tsa masalamose fote baa hlagasela ka taba la madimona. Ba tshepela ga metlemo le ga dihlare tsa masalamose gore di ba pasope. Wa tšiba a di šinyi di nyaka gore le wene o tshwane nabo. Bhayibele yi re kgomoletsa ka go re botsa gore: “Maahlo ya Jehova ma lebelele lefase ka mokana ga lona, gore a thogo šupetsa gore o na le matšhika ga bo ba gore ba mmerekela ka dipelo tsa bona ka mokana ga tsona.” (2 Dikoronika 16:9) Modimo wa mannete Jehova, wa gore o na le matšhika ya gore ma phala ya Sathane, o nyoko go pasopa mo o ka tisamela ka Yene.
Gore Jehova a thogo go pasopa, di nyaka o tšhute ka dilo tso di mo jabodisang ke mokane o di make. Mo re beyisa, ga lekgolo la mathomo la mengwaga, Makreste ya ne ma dula Efeso ma yye ma kgobaketsa dipuku tsa bona tsa go bolabola ka go maka masalamose ke mokane ma di tšhuba. (Mebereko 19:19, 20) Byalo le wene mo o nyaka gore Modimo a go pasope, di nyaka o tšhube metlemo, medimo ya dithombhe, dipuku tsa go bolabola ka go maka masalamose le dilo ka moka tsa go sipidisana le tsa madimona.
Ngangarela Nnete Ditabeng tsa go Yelana le Likgu
13 Mo nkare go na le tso o sa napeng o di kwisisa gabutši ka taba yowa ya ditšo-ditšo, maka gore o bolabole le Jehova ka thapelo, o mo kgopele o na le tumelo gore a go bule maahlo. (Bala Jakobo 1:5.) Ke mokane o nyakolle o kwe gore dipuku tsa rune di re king ka taba yone. Mo nkare di napa di hlupa ka matla, kgopela bagolo ba phutego yo o gahlanelang ga yona. Bona ba ka sa go botse gore o make ying o sa make ying, ba nyoko fo go šupetsa ditšhiko tsa Bhayibele tsa go tshwana le tso go bolabodiwang ka tsona ga hlogotaba yowa. Mo o kene o ya natso ka gonyana ka gonyana, o lokotša ‘monagano wago,’ tsotsone di nyoko maka gore o “thogo bona dilo tsa gabutši le tsa go kekema.”—Maheb. 5:14.
“Ke Nyoko Sepela Nneteng Yago”
12 Ditšo le mekgwa ya gore a yi yelane le Mangwalo. Mašaga, bo re berekang nabo le bo re kenang nabo sekolo ba ka re bitsa kela ba re mema mo ba na le diphathi kela mmereko ka ho gaye. Re ka šupetsa byang gore a re nyake go latelela ditšo le matšatši ya go khutsa ya gore a ma thanakisi Jehova? Tsotsone re ka di maka ka go tigopotsa ka mokgo Jehova a di lebelelang ka gona. Di ka re gelepa ka matla mo re ka bala dipuku tsa rune tsa go hlatolla gore matšatši yane ya go khutsa ma thomisiye kaye kela ma tšwa kaye. Mo re berekisa Mangwalo gore re tigopotse gore ke ntaba re sa kenele tsa matšatši ya go khutsa, re ko di tshepeng gore re sepela tseleng ya gore ‘yi jabodisa Morena.’ (Maef. 5:10) Go tshepa Jehova le Lentsu lage di nyoko maka gore re sa ‘tšhabe batho.’—Diy. 29:25.
Tso di Wutammeng ka Bhayibeleng
“Go Thanaka ga go Timakisa” ¶1
Go Thanaka ga go Timakisa
Ke go thanaka motho ka matla o sa nape o resa, go mmotsa matsaka kela go thanaka motho o feteletsa. Ga go tlala ba di maka mo ba nyaka go jabodisa ye ba mo thanakang fote tsotsone di ka maka gore a be le magetla ka matla. So se makang gore motho a thanake motho ye mongwana ka matla ke gore o ba a nyaka gore motho yene a kwane naye kela a kraye se sengwana ga motho yene, a kwe nkare o mo kolota se sengwana kela a kwe a gapeletsega go mo thanaka. Ga go tlala motho o maka tsotsone go fo re a woke motho ye mongwana. (Diy 29:5) Go thanaka ga go timakisa a yi mahlalefelo ya go tšwa legedimong mara ke ya lefase lowa, ka taba la gore go hlohletsela ke go tinaganela o ntoši, go hlawola batho le go le go timakisa. (Jak 3:17) Go maka dilo o sa nape o resa, go bolabola matsaka, go thanaka ga go timakisa kela go kgotamela motho le go fo nyaka go jabodisa motho o sa rese, Modimo aa di nyake.—2Ko 1:12; Gal 1:10; Ef 4:25; Kol 3:9; Kut 21:8.
SEPTEMBER 8-14
MAKOLWANE KA TENG GA LENTSU LA MODIMO DIYEMA 30
“Maka Gore ke sa Hlupege Fote ke sa Ghanye”
Re ka Napa re ro Jabola mo re na le Lerato la Mošaga Mang?
10 Ke nnete gore ka mokana ga rune re ya yi hloka tšheleta. Yi re gelepa ga dilo tsa go tlala. (Mmo. 7:12) Mara nje di ya kgonega gore motho a jabole le mo a na le tšheleta ye nyana? Ka maatla! (Bala Mmolabodi 5:12.) Morwayi wa Jakehe ye ba reng ke Aghuru, o ngwadiye gore: “Maka gore ke sa hlupege fote ke sa ghanye. O fo nneya tsa go ja tsa go nlekana.” Re ya mo kwisisa mo a re aa nyake go napa a hlupega ka matla. O hlayye gore aa nyake go šinya a yetswa gore a sa poyili Modimo. Mara ke ntaba a kgopele gore a sa ghanye? O ngwadiye gore: “Gore o sa kraye ke šele ke kgotsofele fote ke go phiga ke re, “Jehova ke mang?’” (Diy. 30:8, 9) Le wene o ka fo ba o ba tšiba ba gore Modimo a ba na taba naye ka gore ba tshepiye tšheleta ya bona.
11 Bo ba lelekisang tšheleta ba ka sa jabodise Modimo ka selo. Jeso o yitseri: “A go na motho wa gore a ka ba lelata la beng ka babedi, ka taba la gore o nyoko hloya ye mongwana ke mokane a kwana le ye mongwana kela o nyoko mamarela ye mongwana ke mokane a nyenya ye mongwana. O ka sa di kgone go berekela Modimo wa boya wa nyaka go Ghanya.” Mo a soko bolabola mantsu yawa, o thomisiye ka gore: “Lisetsaneng go tikgobaketsela dilo tsa majabajaba ho lefaseng, ga gore di nyoko ja ke diboko fote di nyoko khura, ga gore le ditsotsi di ka kena dya yetswa. Mara tikgobaketseleneng dilo tsa gabutši ku legedimong, ga gore a go na diboko le mong tsa go maka dilo gore di khure, fote ditsotsi di ka sa kene dya yetswa.”—Mat. 6:19, 20, 24.
12 Ba go tlala ba di bonne gore go phela lephelo la lula go maka gore ba jabole fote ba ba le nako ya go tlala ya go berekela Jehova. Jack wa ku United States o yye a rekisa ntlo yage ya bhazabhaza le ditolo tsage ka taba la gore ke mo a nyaka gore a kgone go phayona le mosadi wage. O re: “Ke mo di thathafa go šiya ntlo ya rune le dilo tsa rune. Mara, ke fetsiye mengwaga ya go tlala ke dula ke boya gaye ke tubiye ka taba la tso di makegiyeng mmerekong. Mara mosadi waka yene ke mo a fo dula a jabodiye ka gore ke mošupatsela. O fo kwa a titeya sekguba a re: ‘Nna ke na le mininjere wa go ba phala ka moka!’ Gana byalo le nna ke mošupatsela, re berekela mininjere ka wwoši, Jehova.
w87-SE 5/15 30 ¶8
Mo o Tšhaba Jehova o Nyoko Jabola
◆ 30:15, 16—Mešupetso yowa yi re king gabutšibutši?
Yi re šupetsa gore motho wa go ba le dipawo aa kgotsofale. Dikgoopa tsa go nwa madi di dula di nyaka go nwa madi ya go tlala go tshwana le batho mo ba nyaka tšheleta kela go lawola. Go fo tshwana le lebitla (Sheol), a le kgotsofale, le fo dula le yahlamme le yemela go kgwisa batho. Mosadi wa gore aa belege ‘o llela’ bana. (Genesi 30:1) Dipoleke tsa go ba le kgwaakgwa di nwa meetši ya pula mara di fo boyela di woma. Fote mollo wa go tšhuba dilo tso ba di lahleleng ga wona, wo dura ka matla la gore wo šinya wo tšhuba dilo tsa gore di thina nawo. Le batho ba go ba le dopawo ba fo ba ka mokgonone. Mara batho ba gore ba hlalefisa ke Modimo a ba kutšetsele ke mokgwa wone wa go tinaganela ba ntoši.
w11-SE 6/1 10 ¶4
Motho a ka Maka Byang Gore a Phele ka so a Nang Naso?
Mo o nyoko reka, thomisa ka go beya tšheleta. Di ka fo šupa nkare ke mokgwa wa botala, mara mo motho a thomisa ka go beya tšheleta gore a thogo reka, o šupetsa gore o hlalefiye fote a ka sa be le mathatha ya ditšheleta. Tsotsone di gelepiye ba go tlala gore ba sa kene dikolotong le gore ba sa be le mathatha ya dikoloto di tlang nawo, ya go tshwana le go tikraya ba šele ba patela tšheleta ya go tlala. Bhayibele yi re tšhotšhwane yi ‘hlalefiye’ ka gore yi kgobaketsa “tsa go ja ka nako ya go buna” gore yi thogo ba natso ka motshwana.—Diyema 6:6-8; 30:24, 25.
Napa o ro Naama o be Sevakaši sa Jehova go ya go Yye!
18 Wa tšiba di ka ba gabutši ka matla gore re tinyakolle rune beng gore re tikwa byang mo di tla ga taba ya tšheleta. Tiputsise gore: ‘Ayitsano ke dula ke nagana ka matla ka tšheleta ke boya ke nagana le gore nka reka ying ka yona? Mo ke yadima tšheleta, ayitsano ke ya nanankela gore ke yi busetse ke fetsa ka gore motho ye a nkadimmeng aa yi jaga? Ayitsano taba ya gore ke na le tšheleta yi maka gore ke titseye nkare nna ke nna fote yi maka le gore di nthathafele go neya ba bangwana dilo? Ayitsano ke yahlula magageru ke re ma kwana le dilo tsa majabajaba ka taba la gore ma na le tšheleta? Ayitsano ke lwela go nghanelana le magageru ya gore ma ghannye ke mokane ka nyemula magageru ya gore maa tihlupegela?’ Jehova o re thulele lešuba la gore re be divakaši tsage. Mara re ka dula re le divakaši tsa Jehova mo re ka maka so re ka se kgonang gore re sa kwane le tšheleta ka matla. Mo re ka maka ka mokgonone, Jehova a ka sa tsoge a re lahliye!—Bala Maheberu 13:5.
Tso di Wutammeng ka Bhayibeleng
w09 4/15 17 ¶11-13
Dilo Tso Jehova a di Makiyeng di Šupetsa gore o Hlalefiye
11 Pela ke phoolwane ye nyana ya gore re ka tšhuta se sengwana ga yona. (Bala Diyema 30:26.) Nkare ke mmutla wo mogolo mara yona ke ye kopana, yi na le ditsebe tsa kgokolo le mawotonyana ya ma kopana. Phoolwane yowa ye nyana yi dula matlapeng. Maahlo ya yona ya go bona gabutši maa yi berekela fote mašubašuba ya hone matlapeng ma maka gore yi kgone go wutamela diphoolwane tsa gore di ka yi kwaletsa. Dipela di makiwwe ka mokgwa wa gore a di na bothatha le go dula di tlele polekeng ka yyoši, tsotsone di maka gore di dule di pasopegiye fote di kwa go belabela mo go le marega.
12 Re ka tšhuta ying ga pela? Sa mathomo, phoolwane yowa yi fo dula yi tilukiselele kotsi. Yi berekisa maahlo ya yona ya go bona gabutši gore yi bone diphoolwane tsa gore di ka yi kwaletsa di sa le kgole, fote yi kganela thina le mašuba ya gore yi ka tšhabela ga wona gore yi phone. Le rune di nyaka re tlalele ka matla ka mo ga tso tsa Modimo fote re dule re ntshiye maahlo dikwakweng gore re thogo bona dikotsi tso di tleleng mo lefaseng la Sathane. Petro wa lepostola o pasopisiye Makreste a re: “Le duleneng le ntshiye maahlo dikwakweng, le sa kobole! Ka gore lenaba la lune Diyabolo, o yinghayingha go tshwana le tawu ya go bopa, o nyaka go kgwisa ye mongwana.” (1 Pet. 5:8) Nakwela Jeso a le ho lefaseng o yye a dula a ntshiye maahlo dikwakweng gore Sathane a sa mo woke wa kraya a sa sa tshepega. (Mat. 4:1-11) Jeso o ma beyisele gabutši malata yage!
13 Se sengwana so re ka se makang ke go maka gore tso Jehova a re neyang tsona di re berekele. Taba ya go bala Lentsu la Modimo le ya go ya megahlanong ya phutego a di nyake re yi beyela ka thoko. (Llu 4:4; Maheb. 10:24, 25) Go tokegela gana hone, go fo tshwana le pela ya gore yi kgona go dula le tse dingwana polekeng ka yyoši, le rune di nyaka re dule re mamarelanne le magageru gore “re thogo tiyisana.” (Mrm. 1:12) Mo re jabolela ka mokgo Jehova a re pasopang, re šupetsa gabutši gore re yema le mopisalema Dafita mo a re: “Jehova ke letlapa laka le poleke ya gore ke tšhabela ga yona, ke yene a mphonisang. Modimo waka ke letlapa laka la gore ke tšhabela ga lona.”—Pis. 18:2.
SEPTEMBER 15-21
MAKOLWANE KA TENG GA LENTSU LA MODIMO DIYEMA 31
Tso re di Tšhutang ga Mayele ya Mmane a ma Botsang Morwayi Wage
w11-SE 2/1 19 ¶7-8
Tšhutisa Bana Bago Mokgwa wa Gabutši wa go Titshwara
Ba tšhutise nnete ka tsa ka mapaying. Di nyaka o ba pasopise. (1 Makorente 6:18; Jakobo 1:14, 15) Mara, Bhayibele yi re tso tsa ka mapaying ke selo sa gabutši sa gore Modimo o ro se neya batho, a yi re ke molabo wa gore wo berekisa ke Sathane. (Diyema 5:18, 19; Koša ya Solomoni 1:2) Mo o ka fo botsa bana bago ka dikotsi tsa gona fela, tsotsone di nyoko maka gore taba yowa ba sa yi tseyi gabutši fote ba ka sa yi tseyi ka mokgo mangwalo ma yi hlatollang ka gona. Ngwannyana ye mongwana wa France ye ba reng ke Corrina o re: “Babelegi baka ne ba šihlela ka matla taba ya bonghwahla fote tsotsone di makiye gore taba ya go maka tsa ka mapaying ke sa yi tseyi gabutši.”
Maka gore bana bago ba tšibe nnete ka moka ka taba ya go maka tsa ka mapaying. Mmane ye mongwana wa ku Mexico o re: “Ke liketsiye go botsa bana baka gore taba ya go maka tsa ka mapaying ke taba ya go bafala fote ke hlago, Modimo o yi neyye batho gore ba yi jabolele. Mara ke taba ya mošadhong. Yi ka maka gore re jabole kela ya maka gore re kwe go baba, di fo ya ka gore re yi berekisa ka mokgo mang.”
ijwhf hlogotaba 4 ¶11-13
Go Bolabola le Bana ka Mokgete
Wene thomisa ditaba. Papa ye mongwana wa ku Britain o re: “Bo ba gore ba sa gola ba ka fo sa kwisisi taba yo ya mokgete gore yi bereka byang.” Ke butsisiye morwayi waka wa go ba le mabala ya mengwaga gore taba yowa ya go nwa mokgete o yi bona yi lukiye kela go se yona. Ke mo re fo tipolabolela re tiketliye, tsotsone di mo gelepiye gore a sa tšhabe go bolabola ka mokgo a yi bonang.”
Mo o ka fo fela o bolabola ka taba yowa ya mokgete, yi ka mo yelela ga ngwanene. Bolabola ka yona mo o kene o mo tšhutisa ka dilo tse dingwana tsa ho lephelong go tshwana le go dula a pasopegiye pateng le tsa ka mapaying, di ko ya ka gore ngwanene ke ye mokaye.
Ba beyele mošupetso. Bana ba tshwana le dipontši, ba nopa se sengwana le se sengwana, fote bo ba go nyakolla ba krayye gore bana ba kopisela babelegi ba bona ka matla. Tsotsone di ra gore mo wene o nwa mokgete mo o nyoko fodisa hlogo, ngwanago o nyoko tseya gore mokgete o yalafa mathata. Byalo mmeyele mošupetso wa gabutši. Di nyaka wene o kale.
g17.6 9 ¶5
Go Tšhutisa Bana go Tinyanafatsa
Ba tšhutise go sa konane. Šupetsa ngwanago gore ‘mo o neya batho ba bangwana dilo, di jabodisa ka matla go phala mo ba neya wene.’ (Meb 20:35) Byang mara? Le ka ngwala letheto le le ka babedi, la batho ba gore le ka ba yela ditolo, la ba kalamisa koloi ya lune kela la ba lukisela dilo. Ke mokane o sepele le ngwanago mo o kene o gelepa ba bangwana ba bona. Maka gore ngwanago a di bone gore mo o gelepa ba bangwana, pelo yago yi napa yi ro kgehlemela fote o jabola ka matla. Mo o maka ka mokgonone o ko ba o beyela ngwanago mošupetso wa gabutši ka matla mo di tla ga taba ya go tinyanafatsa.—Tšhiko ya Bhayibele: Lluka 6:38.
Tso di Wutammeng ka Bhayibeleng
w92 11/1 11 ¶7-8
Matšhutiselo ya Botala
7 Ku Israyele, mo ba tšhutisa bana ke mo ba ba thoma go sa le ba banyana, ba tšhutisa ke papa wa bona le mmane wa bona. (Dotoronoma 11:18, 19; Diyema 1:8; 31:26) Ga Dictionnaire de la Bible ya Sefora, ye mongwana wa go tšhutela Bhayibele ye ba reng ke E. Mangenot o ngwadiye gore: “Mo ngwana a thomisa go bolabola ke mo ba mo tšhutisa mantsu ya manyana ya molawo. Mmane wage ke mo a boyelela temanyana ka yyoši gatleletlele, mo a bona gore o yi tshwere ke mo a mmotsa ye nngwana. Ka nthago ke mo ba ngwala ditemanyana tsa gore ngwanene o di tshwere ka hlogo ke mokane ba mo tshwarisa tsona. Ka mokgonone ke mo ba mo tšhutisa go bala, fote mo a šele a gudiye ke mo a ya mahlong a bala molawo wa Morena le go ghayela ka wona.”
8 Tsotsone di rela gore mo ba ba tšhutisa, ne go le taba ya gore dilo tso ba ba tšhutisang tsona ba tshwanele ba di tshware ka hlogo. Tso ba di tšhutiyeng tsa go yelana le melawo ya Jehova le mokgwa wo a berekisanang le batho ka wona ne di tshwanele di kenelele ka ku tengteng ga dipelo. (Dotoronoma 6:6, 7) Ne di nyaka ba ghayele ka tsona. (Pisalema 77:11, 12) Ke mo go na le mokgwa wa go gelepa ba banyana le ba bagolo gore ba tshware dilo ka hlogo. Gana hone ne go kena le mantsu ya ne ba ma ngwadiye ma lategetsana go ya ka dihlaka, ditema tsa go letegetsana tsa koša tsa gore ne di thomisa ka dihlaka tsa go sa tshwane, tsa go lategetsana (go tshwana le Diyema 31:10-31); alliteration (ke mantsu ya go thomisa ka dihlaka tsa go tshwana kela ya gore ma kwagala go tshwana mo o ma bala); le ka mokgo ba berekisiyeng dimbhoro ka gona go tshwana le sekopa sa mafelelo sa tema 30 ga lengwalo la Diyema. Re na le mošupetso wa gabutši wa ka mokgo ne ba ngwala Seheberu ku botala, go leng Khalenda ya Gezer, ya gore bo ba go tšhutega ne ba nagana gore ngwana wa sekolo ne a titlwayetsa ka yona go tshwara dilo ka hlogo.
SEPTEMBER 22-28
MAKOLWANE KA TENG GA LENTSU LA MODIMO MMOLABODI 1-2
Ariye Mahlong o Tšhutisa Leloko la go Latela
w17.01-SE 27-28 ¶3-4
“Dilo Tso o di Tšhutise Banna ba go Tshepega”
3 Ba go tla ba rune re kwana le mmereko wa rune fote re nyaka go ya mahlong re kene re wo maka. Mara sa go baba ke gore go tlugisela ka Adamo, batho baa tsofala gwa tla ba bangwana. (Mmo. 1:4) Matšatši yawa, taba yowa yi bakele Makreste ya mannete mathatha. Mmereko wa batho ba Jehova wo yeketsegiye fote wo fo ya wo kene wo gola. Mo re kene re maka mmereko wa nyuwane go ba le mekgwa ya nyuwane ya go maka dilo, mekgwa yone ga go tlala yi berekisa thekinoloji ya go tšhentšha ka go yakgoswa. Ba bangwana ba gore ba šele ba gudiye di ka ba thathafalela go sipidisana nayo. (Lluka 5:39) Le mo go se ka mokgonone, bo ba gore ba sa gola ba na le matšato fote ba na le matšhika go phala bo ba gore ba gudiye. (Diy. 20:29) Mo ba bagolo ba tšhutisa bo ba gore ba sa gola mmereko, di šupetsa gore baa nyakanana fote ba maka gabutši.—Bala Pisalema 71:18.
4 Bo ba go wokamela ba ka thathafalela ke go neya bo ba gore ba sa gola mmereko. Ba bangwana ba tšhaba gore ba ka šala ba se na mmereko. Ba bangwana ba tšhoga gore bo ba gore ba sa gola ba ka sa make dilo gabutši go tshwana nabo. Ba bangwana ba ka re a ba na nako ya go ba tšhutisa mmereko. Bo ba gore ba sa gola ba tshwanele gore ba lefise pelo mo ba sa ba neyi mmereko.
Tso di Wutammeng ka Bhayibeleng
it “Mmolabodi” ¶1
Mmolabodi
Lentsu la Seheberu la Qo·heʹleth (la gore le rela “Wa go gahlanisa; Wa go kgobaketsa”) le hlatolla gabutši tso ne di maka ke kgoši ga mmušo wa Israyele. (Mmo 1:1, 12) Ke mo go le mmereko wa ye wa go lawola go maka gore batho ba gore ba tineyele ga Modimo ba dule ba le ngata ka yyoši mo ba kene berekela Modimo wa bona wa gore ke Kgoši ya mannete. (1Mg 8:1-5, 41-43, 66) Gore kgoši yi lukiye, ne di bonala mo yi maka gore setšhaba se rapele Jehova. (2Mg 16:1-4; 18:1-6) Solomoni wa go gahlanisa batho, ke mo a šele a yi makiye taba yowa ya go gahlanisa Maisrayele tempeleng le banghana ba bona ba go tšwa ba sepela. Ga puku yowa ne a nyaka go kgobaketsa batho ba Modimo, gore ba lisetse go maka dilo tsa lefase lowa tsa go sa re selo, ba tle ba berekele Modimo ye ba tineyeleng gage. Lentsu lo le berekisiwweng ga Dibhayibele tsa rune tsa Sekgowa ba le tsere ga hlatollo ya lentsu la Qo·heʹleth ga Septuagint ya Segerika, la gore ke Ek·kle·si·a·stesʹ (Mmolabodi), ya gore yi rela ‘motho wa phutegong (phutego; mogahlano).’
SEPTEMBER 29–OCTOBER 5
MAKOLWANE KA TENG GA LENTSU LA MODIMO MMOLABODI 3-4
Tiyisa Thapo Yago ya Gore ba yi Lugiye ga Kararo
ijwhf hlogotaba 10 ¶2-8
Tšiba mo Thekinoloji yi Kgerang
● Mo batho ba gore ba šadhiye ba berekisa thekinoloji gabutši, yi ka ba berekela mošadhong wa bona. Mo re beyisa, banna ba bangwana le basadi ba bona ba yi berekisa gore ba thogo bolabodisana motshegare mo ba se ggoši.
“Molayetsa wo monyana wa go fo re ‘Ke go nyaka ka matla’ kela ‘Ke go gupudiye,’ wo ka go tikisa pelo.”—Jonathan.
● Mo thekinoloji yi sa berekisiwi gabutši yi ka sinya mošadho. Mo re beyisa, ba bangwana ba fo dula ba berekisa difowunu tsa bona, sosone se maka gore ba sa be le nako ya bo ba šadhiyeng nabo.
“Ke nagana gore go na le dinako tsa gore monnaka ne a ka nyaka go bolabola le nna hala ke sa berekisi fowunu.”—Julissa.
● Ba bangwana ba re ba ka kgona go bolabola le bo ba šadhiyeng nabo ba kene ba berekisa difowunu. Sherry Turkle wa go tšhutela mekgwa ya batho o re tsowa ke “matsaka ya ma bolabodiwang ka taba ya go maka dilo tsa go tlala ka nako ka yyoši.” Di šupa nkare mo motho a kgona go maka dilo tsa go tlala ka nako ka yyoši, gabutšibutši tsotsone a di mmerekele. O re gabutšibutši, “mo re tokega mmereko ga wo re šeleng re thomisiye go wo maka, re ka sa wo make gabutši.”
“Di ya njabodisa mo ke bolabola le mmonnaka, mara di hlupa mo a šele a tshwere ka ho le ka ho. Mo a maka ka mokgonone, ke fo kwa nkare o tinyaka a le ntoši le fowunu yage.”—Sarah.
Taba ke gore: Thekinoloji yi ka maka gore mošadho wago wo be gabutši kela ya wo sinya, di fo ya ka gore o yi berekisa byang.
“O sa Lisetsi go Gotetsa “Mollo wa Jah”
12 Bo ba gore ba šadhiye ba ka ba yekisela ka mokgo mang ga Akhwila le Phrisilla? O fo nagana ka dilo tsa go tlala tso wene le ye o tseyanneng naye di nyakang le di maka. Ayitsano le ka sa make dilo tsone le le ggoši wa lisetsa go di maka o le ntoši? Mo re beyisa, Akhwila le Phrisilla ne ba tšhomayela ggoši. Ayitsano o dula o maka polane ya gore o make ka mokgonone? Phela Akhwila le Phrisilla ne ba bereka ggoši. Di ka makega gore wene le ye o tseyanneng naye le sa thewogele poleke ka yyoši, mara ayitsano le ka sa bereki mmereko wa ka ho gaye le le ggoši? (Mmo. 4:9) Mo le gelepana ga mebereko ye mengwana le nyoko fo kwa le le batho ba go tshwarisana fote le nyoko thulegela ke lešuba la gore le bolabole. Robert le Linda ba fetsiye mengwaga ya go teya ka ku ga 50 ba šadhiye. Robert o re: “Ke nnete gore a re na nako ya go tlala ya gore re fokatse ggoši. Mara mo ke hlatswa ditša ke mokane mosadi waka a tla a di sola kela mo ke le ka tawong ke bereka nghating ya rune a tla a bereka le nna, tsotsone di maka gore ke jabole ka matla. Mo re maka dilo ggoši tsotsone di maka gore re mamarelane. Go nyakanana ga rune go napa go ya mahlong go hluhlutela.”
13 O sa lebale gore go fo ba ggoši a di nape di rela gore le nyoko ba ngata ka yyoši. Mosadi ye mongwana wa ku Brazil o yitseri: “Matšatši yawa re dula re tshwaraganne tsa gore di ka ba lula go nagana gore re ba re fetsa nako re le ggoši ka taba la gore re dula ntlong ka yyoši. Ke di bonne gore di nyaka re maka tsa go feta go fo ba ggoši nje. Fote di nyaka ke sa yi takisi maahlo nako ya ye ke tseyanneng naye.” Lebelela gore Bruno le mosadi wage Tays ba maka byang gore ba sa takisane maahlo. Bruno o re: “Mo go šele go le nako ya rune, re beya difowunu tsa rune ku kgole ke mokane ra tikwisa ka nako ya go ba ggoši.”
14 Mara mo nkare wene le ye o šadhiyeng naye a di le jabodisi go fetsa nako le le ggoši gee? Di ka makega gore a le jabolele dilo tsa go tshwana kela le ya tshwatisana. Le ka maka byang? Nagana ka taba yela re šeleng re bolabodiye ka yona ya mollo. Mollo a wo fo thomisa wo tshwara di sa tloga. Di nyaka o tšhela mahlare ka gonyana ka gonyana. Ke ntaba le lune le sa thomisi ka go fetsa nako ye nyana le le ggoši letšatši le lengwana le le lengwana? Le makeneng tsa gore di le jabodisa ka mokana ga lune le sa make tsa gore di nyoko tsosa ditshele. (Jak. 3:18) Mo le ka thomisa ka gonyana, taba ya lune ya go nyakanana yi nyoko ya yi gola fote.
O sa Lisetsi go Gotetsa “Mollo wa Jah
3 Gore “mollo wa Jah” wo dule wo sa timi di nyaka monna le mosadi wage ba karakare ka matla gore ba be le senghana sa go tiya le Jehova. Senghana sa go tiya so ba nang naso le Jehova, se ka gelepa ga mošadho wa bona ka mokgo mang? Mo bo ba šadhiyeng ba tseyela gedimo senghana so ba nang naso le Papa wa bona wa legedimong, ba dula ba tikemisela go maka tso ba ba yetetsang ka tsona tsa gore di ba gelepa gore ba kganele kgole le dilo tsa gore di ka ba bakela mathatha ya gore ma ka šepisa taba ya bona ya go nyakanana. (Bala Mmolabodi 4:12.) Bo ba nang le senghana sa go tiya le Jehova ba karakara ka matla gore ba yekisele mekgwa yage ya go tshwana le go kwelana go baba, go lefisa pelo le go tshwarelana. (Maef. 4:32–5:1) Mo bo ba tseyanneng ba na le mekgwa yone, di ba lula gore go nyakanana ga bona go fo ya go hluhlutela. Mogageru wa mosadi ye ba reng ke Lena, wa gore o na le mengwaga ya go teya ka ku ga 25 a šadhiye o re, “Di lula gore o mo nyake ka matla le go mo hlompa motho wa gore o tlalele ga tso tsa Modimo.”
Tso di Wutammeng ka Bhayibeleng
it “Go Nyakanana” ¶39
“Go Nyakanana”
“Nako ya go Šupetsa Batho Gore Re ya ba Nyaka.” Batho ba gore a ba make tsona kela ba go maka tsa go befa, Jehova aa ba nyake. Modimo o nyaka batho ka mokana ga bona go segela bona beng ba tišupetsa gore a ba mo nyake. Ke mokane go segela nako ya gore a sa sa ba nyaka. Jehova Modimo le Jeso Kreste ba kwana le tsa go loka fote ba hloyye tsa go befa. (Pis 45:7; Heb 1:9) Batho ba gore ba hloyye Modimo, a yi bona ba gore o ka ba šupetsa gore wa ba nyaka. A di gelepe ka selo go ya mahlong o nyaka batho ba mohlobo wone ka gore ba hloyye Modimo fote a di ba hlupe. (Pis 139:21, 22; Jes 26:10) Byalo Modimo o ba hloyye fote o beyye nako ya gore a tle a fetse ka bona.—Pis 21:8, 9; Mmo 3:1, 8.
OCTOBER 6-12
MAKOLWANE KA TENG GA LENTSU LA MODIMO 5-6
Ka Mokgo re ka Šupetsang Gore re Hlompa Modimo wa Rune ye Mogolo
w08-SE 8/15 15-16 ¶17-18
Šupetsa Gore ga Jehova o mo Tseyela Gedimo ka go mo Hlompa
17 Mo re rapela Modimo re tshwanele re šupetse gore re ya mo hlompa. Mmolabodi 5:1 yi re: “O tipasope mo o ya ntlong ya Modimo wa mannete.” Moše le Jošuwa ba yitseri ba role dimphašane tsa bona mo ba le ga poleke ya go hlawolega. (Ek. 3:5; Još. 5:15) Ne di nyaka ba make ka mokgonone go šupetsa gore baa hlompa. Maprista ya Maisrayele ne ma tshwanele ma yapare dibhrukwane tsa linene gore ma sa šale ma yitsa.” (Ek. 28:42, 43) Ne di maka gore ma sa kraye ma tšulegiye mo ma bereka aletareng. Moprista ye mongwana le ye mongwana ne di nyaka a latelele mokgwa wa go hlompa wa Modimo.
18 Ga taba ya go rapela Modimo ka serithi go kena le taba ya go mo hlompa le go mo tseyela gedimo. Gore motho a hlompiwe, o tshwanele a hlompe. A di nyake re timakisa mo re re re ya hlompa, re maka nkare re ya resa. Mara di nyaka di tšwe pelong ga gore go bona ke Modimo, re sa fo makela gore batho ba re bone. (1 Sam. 16:7; Diy. 21:2) Go hlompa go nyaka di be mading, di nyoko bonagala ka mokgo re titshwereng ka gona, ka mokgo re tseyang dilo ka gona, ka mokgo re berekisanang ka gona le batho ba bangwana, ka mokgo re titseyang le ka mokgo re tikwang ka gona. Motho di nyaka a šupetse gore wa hlompa ka dinako ka moka ga tso a di makang le tso a di bolabolang. Mo di tla ga taba ya go titshwara, go yapara le go tilukisa, re dula re gopola mantsu ya Pawulo wa lepostola ya gore: “A re nyake go phiriketsa motho, gore ba sa sole mmereko wa rune wa go tšhomayela; byalo re tišupetsa re le malata ya Modimo.” (2 Makor. 6:3, 4) Re ‘thanakisa tso di tšhutisang ke Modimo wa rune ye a re Phonisang.’—Titosi 2:10.
w09-SE 11/15 11 ¶21
Maka Gore Dithapelo Tsago di Phele, ka go Bala Bhayibele
21 Jeso ne a rapela di mmaba fote a šupetsa gore o na le tumelo. Mo re beyisa, nakwela a tsosa Lazaro, “Jeso o lebelele gedimo a re: ‘Papa, ke leboga gore o nkwile. Go bolabola nnete, ke ya tšiba tsa gore o dula o ntheetsela.’” (Johane 11:41, 42) Ayitsano dithapelo tsago di tšwa pelong fote di ya šupetsa gore o na le tumelo? Tšhuta ka thapelo ya Jeso ya mošupetso, o nyoko bona gore mantsu ya mangwana ya a ma berekisiyeng ma gadimisa lebitso la Jehova, go tla ga Mmušo wage le gore go makege tso a di nyakang. (Mat. 6:9, 10) Ghayela ka tso o nyoko di hlayang mo o rapela. Ayitsano dithapelo tsago di ya šupetsa gore o hlupegiye ka Mmušo wa Jehova, go maka tso a di nyakang le go gadimisa lebitso lage? Go nyaka di šupetse.
w17.04-SE 6 ¶12
“So o se Tshepisang, o se Make”
12 Mo o kolobetsiwa a di rele gore o fetsiye. Byalo re nyaka go ya mahlong re berekela Modimo re kene re tshepega go ya ka mokgo re mo tshepisiyeng. Ke so se makang gore re tiputsise gore: ‘Go tlugisela ke kolobetsiwwe, ayitsano ke ya gola ga tso tsa Modimo? Ayitsano ke ya mahlong ke berekela Jehova ka pelo yaka ka mokana ga yona? (Makol. 3:23) Ayitsano ke ya rapela, ke bala Lentsu la Modimo, ke ya megahlanong ya phutego fote ke maka so nka se kgonang gore ke dule ke tšhomayela? Kela go na le mo ke gayelang gona ga tso tsa Modimo?’ Petro wa lepostola o hlatolliye gore mo re ka ya mahlong re tiyisa tumelo ya rune ka go tšiba Modimo, re tiyisela fote re tshepega ga Modimo di nyoko maka gore re sa bate ga tso tsa Modimo.—Bala 2 Petro 1:5-8.
Tso di Wutammeng ka Bhayibeleng
Diputsiso Tsa bo ba Šeleng ba Badiye
Mmolabodi 5:8 yi bolabola ka motho wa go lawola wa gore o maka gore lephelo le babele batho ba go tihlupegela fote o ba maka lešidi. Motho yene wa go lawola di nyaka a gopole gore go na le motho ye a leng ka kgakala gage kela wa gore wa mo phala ka matšhika wa gore o dula a mo lebelele. Fote go ka fo ba go na le ba bangwana ba gore ba ka kgakalakgakala ga bona. Sa go kwisa go baba ke gore ka mokana ga bona bo ba go lawola o ka kraya ba na le dipelo tse diphifadu fote ba maka batho lešidi ga dilo tsa go tlala.
Le mo dilo di ka re kwisa go baba byang, re kgomoletsa ke taba ya gore Jehova o ‘kene o lebelele le mong bo ba go lawola’ ba memmušo ya batho. Re ka kgopela Modimo gore a re gelepe ke mokane tsa go re roba ra di bošela gage. (Pis. 55:22; Mafil. 4:6, 7) Re ya di tšiba tsa gore “maahlo ya Jehova ma kene ma talakanya lefase lo ka mokana ga lona gore a thogo šupetsa gore o na le matšhika ga batho ba gore ba mo nyaka ka dipelo tsa bona di felegelele.”—2 Dikor. 16:9.
Gabutšibutši, Mmolabodi 5:8 yi fo re gopotsa nnete ye nngwana ka batho bo ba lawolang mmušong; nnete yone ke ya gore go dula go na le ye mongwana wa gore o ka kgakala ga bona. Ka matlamatla, temanyana yowa yi re gopotsa taba ya gore Jehova ke yene ye a leng ka kgakalakgakala ga bo ba go lawola ka mokana ga bona, eya, o roba ku Malenghelengheng. Gana byalo o lawola a berekisa Morwayi wage, Jeso Kreste, wa gore ke Kgoši ya Mmušo. Jehova ke yene mong wa Matšhika ka Moka fote o lebelele dilo ka mokana ga tsona, o lukiye fote aa makane lešidi, le Morwayi wage o fo tshwana naye.
OCTOBER 13-19
MAKOLWANE KA TENG GA LENTSU LA MODIMO MMOLABODI 7-8
“Go ya Mutšing wa Gore Baa Lla di Gabutši”
it “Go Lla” ¶9
“Go Lla”
Nako ya go LLa. Mmolabodi 3:1, 4 yi re “go na le nako ya go lla, go na le nako ya go tshega; go na le nako ya go gotla, go na le nako ya go bina.” Mo re lebelela ka mokgo batho ba hlokofalang ka gona, motho wa go hlalefa o dula a nagana ka “lephelo le likgu,” aa nagane ka go tijabodisa. (Mmo 7:2, 4; tshwanisa le Diy 14:13.) Byalo, motho wa go hlalefa o berekisa lešuba lowa gore a šupetse batho gore o ba kwela go baba le go ba kgomoletsa, aa fo di takisa maahlo gore a thogo tijabodisa. Tsowa di mo gelepa gore a sa libale gore le yene a ka fo hlokofala le gore a mo tseye gabutši Ye a Makiyeng Dilo.
Kgahlolla bo ba Nang le Tso di ba Kgahleletsiyeng
15 Mogageru ye mongwana ye ba reng ke William, wa gore o kgwele ke mosadi mengwaga ya go fela o re: “Ke di jabolela ka matla mo batho ba bolabola ka tsa lephelo la mosadi waka, di napa di nšupetsa gabutši gore mosadi waka ke mo ba mo nyaka ka matla fote ba mo hlompa. Ka mokgo ne ba ntiyisa ka gona di n’gelepiye la go sa hlayisege. Ke tikwa ke yenele, ka taba la gore mosadi waka ke mo go le lekolwane,” fote o n’gelepiye ka matla ho lephelong. Mogageru ye mongwana wa mosadi ye ba reng ke Bianca yene o re: “Ke kwa ke kgomoletsega mo ba rapela le nna ba boya ba bala lengwalo le nna. Di n’gelepa ka matla mo ke kwa ba bolabola ka monnaka fote ba ntheetsela mo ke bolabola nabo.”
w17.07-SE 16 ¶16
‘Lla le bo ba Llang’
16 O sa yi tseyi ka gonyana taba ya go rapelela le go rapela le bo ba gore ba hlokofalele ke ye ba mo nyakang. Le mo go thathafa go hlaya ka mokgo o tikwang mo o rapela ga mayemo ya mošaga wonone, go hlaya tso di leng ka ho pelong, kela go lla le go sa kgone go bolabola gabutši mo a rapela, di ka mo tiyisa ka matla motho ye wa gore o hlokofalele ke ye a mo nyakang. Dalene o hlaya gore: “Mo magageru ya basadi ma tla go tl’le nkgomoletseng, ke ma butsisa gore ayitsano ba ka kgona go nrapelela. Mo ba thomisa go rapela, ga go tlala o kraya ba šitega go bolabola mara ka nthago ga mo ba šele ba bolabodiye ka gonyana, ba thomisa go bolabola gabutši fote ba hlaya thapelo ya go tšwa pelong ya gore ya tikisa. Tumelo ya bona ya go tiya, go nyakanana ga bona le taba ya gore ba hlupegiye ka matla ka nna di maka gore tumelo yaka yi tiyelele.”
w17.07-SE 16 ¶17-19
‘Lla le bo ba Llang’
17 Mo batho ba hlokofalela ke motho ye ba mo nyakang ka matla, seyemo sone a se ba kgahlaletse go tshwana. Byalo, maka gore o dule o krayega, o sa fo krayega ka nako yonone ya gore go tlele batho fela mara o krayege le ka nthago ga dikgwedi mo batho ba šele ba sipidiye. “Monghananghana o šupetsa gore wa nyakanana ka dinako ka moka, fote o tshwana le bhuti wa gore o ka tisamela ka yene mo go na le tsa go sasamela.” (Diy. 17:17) Magageru ma ka kgomoletsa ye mongwana le ye mongwana solanka a sa na a kwa go baba.—Bala 1 Mathesalonika 3:7.
18 O sa libale gore bo ba gore ba hlokofalele ke bo ba ba nyakang ba ka thunuga ke matšatši ya gore ne ba ma tseyela gedimo, dikoša tse dingwana, dithombhe, dilo tso ne ba di maka ggoši, kela monkgo wo mongwana, modumo, kela mo go segela nako ye ngwana mo mongwageng. Dilo tso motho wa gore o hlokofalele ke ye a šadhiyeng naye a di makang la mathomo a le ntoši, tsa go tshwana le go ya mogahlanong wo mogolonyana kela Segopotsong, di ka mo kwisa go baba ka matla. Mogageru ye mongwana o re: “Ne ke nagana gore mo go segela letšatši lo re šadhiyeng ka lona di nyoko thathafa, le gore di ka sa be lula. Mara gore ke sa be ntoši, magageru ma makiye monyanya nyana fote ne ba bitsiye le banghana baka ba thina.”
19 O sa libale gore bo ba gore ba hlokofalele ke ye ba mo nyakang ba nyaka go tiyisiwa, a di nyake re ba tiyisa mo go na le monyanya fela. Junia o hlaya gore: “Ga go tlala mo re ba gelepa kela re fetsa nako re le nabo le mo go se na monyana di ka ba tiyisa. Dilo tsone tsa gore re di maka re sa di polana ba di tseyela gedimo ka matla fote di ya kgomoletsa.” Ke nnete gore re ka sa tlose go baba mo ba go kwang kela go thiba sekgala sela se šiyyeng ke ye a hlokofeleng, mara re ka ba kgomoletsa ka go maka se sengwana gore re ba gelepe. (1 Johane 3:18) Gaby o re: “Ke leboga Jehova ke sa fetsi gore o berekisiye bagolo gore ba nkgomoletse nakwela di nkgahleletsiye. Ba makiye gore ke kwe gore Jehova o na le nna fote o nnyaka ka matla.”
Tso di Wutammeng ka Bhayibeleng
“Batho ba ko di Tšibeng Gore le Malata Yaka”
18 Ka dinako tse dingwana di ka nyaka gore re bolabole le mogageru wa gore o re thunugiye. Mara di ko ba gabutši mo re thomisa ka go tiputsisa diputsiso tsa go tshwana le gore: ‘Ayitsano ke tšiba ditaba ka moka?’ (Diy. 18:13) ‘Nje di ka makega gore ne a sa tikemisela go nthonoga?’ (Mmo. 7:20) ‘Ayitsano le nna a sanka ka di maka tsotsowa?’ (Mmo. 7:21, 22) ‘Mo nka ya gage, nje di ka sa nape di totometsa?’ (Bala Diyema 26:20.) Mo re ka tineya nako ya gore re nagane ka diputsiso tsowa, re ko di boneng gore go nyakanana go nyoko re tšhofa gore re fitise taba yone.
OCTOBER 20-26
MAKOLWANE KA TENG GA LENTSU LA MODIMO MMOLABODI 9-10
Di Tseye Gabutši Dintshitshiri Tso o Gahlanang Natso
w13-SE 8/15 14 ¶20-21
O sa Tsoge ‘o Kwatele Jehova’
20 Sola ye a nang le molato. Ke ntaba di nyaka re maka ka mokgonone? Ka taba la gore ka dinako tse dingwana ke rune re tileyelang mathatha. Mo nkare ke rune re tileyelang mathatha, re sa yi takisi maahlo taba yone. (Magal. 6:7) Re sa sole Jehova ka mathatha ya rune. Ke ntaba di sa kwagale go maka tsotsone? Nagana ka mošupetso ke wowa: Koloyi yi ka kgona go taboga ka matla. Tla re fo re dhrayiva o sepela ga pata ya gore ya jika, o tšhela lekgura ka matla a napa a fetelela ke mokane a tšhayisa. Ayitsano re ka sola ye a makiyeng koloyi yone? Awwa, re ka sa mo sole! Go fo ba ka mokgonone le ka rune, Jehova o re makiye gore re kgone go tikgetela. Mara o re neyye melawo gore re thogo segelela dipheto tsa gabutši. Byalo ke ntaba re ka sola Ye a re Makiyeng ka taba la tso re sa di makang gabutši?
21 Ke nnete gore a yi mathatha ka moka ya gore re ro tileyela kela ya gore ma maka ke gore a re ya maka dilo gabutši. Dilo tse dingwana di makega ka taba la gore ‘re fo tlela ke dilo nje ka nako ya gore a ra yi yemela.’ (Mmo. 9:11) Le mo go le ka mokgonone, re sa libale gore Sathane Diyabolo ke yene a makang gore re makegele ke dilo tsa go sa loka. (1 Johane 5:19; Kut. 12:9) Ke yene lenaba la rune—a yi Jehova!—1 Pet. 5:8.
Jehova o ma Tseyela Gedimo Malata Yage ya go Tinyanafatsa
10 Go tinyanafatsa go maka gore lephelo la rune le be lula. Ka nakwenngwana mo re kene re phela, re ka fo tshwariwa lešidi kela ra bona ba bangwana ba tshwariwa lešidi. Kgoši Solomoni, monna wa go hlalefa, o yitseri: “Ke bonne malata ma kalamme dipera, mara magoši ma tisepelela ka mawoto go fo tshwana le malata.” (Mmo. 10:7) Ga go tlala, batho ba gore ba hlalefiye a ba thanakiwi. Mara bowa ba gore a ba tšibi selo, ke bona ba gore ba thanakiwa ka matla. Le mo go le ka mokgonone, Solomoni o hlayye gore re sa šekele ka matla ka dilo tsa lephelo lowa, fote re sa hlupege mo dilo di sa sepele gabutši. (Mmo. 6:9) Mo re tinyanafatsiye, re nyoko yamogela lephelo ka mokgo le leng ka gona fote re ka sa kokole.
w11-SE 10/15 8 ¶1-2
Ayitsano go Tijabodisa Gwa Gelepa?
KA MO Bhayibeleng, re kraya ditaba tsa go šupetsa gore Jehova aa nyake gore re fo phela mara o nyaka gore re jabolele lephelo. Mo re beyisa, Pisalema 104:14, 15 yi hlaya gore Jehova o maka “gore go mile tsa go ja nageng le wayini ya gore yi maka gore pelo ya motho yi jabole, makgura ya gore ma gadimisa sefahlego, le sekgwa sa gore se neya motho matšhika.” Ke nnete gore Jehova o maka gore dimilane di gole gore go be le mabele, makgura le wayini gore re thogo phela. Mara wayini yi maka gore ‘pelo yi jabole.’ Yi phala le tso di nyakegang gore re thogo phela fote yi maka gore re jabole ka matla. (Mmo. 9:7; 10:19) Eya, Jehova o nyaka gore re jabole, dipelo tsa rune di “jabole.”—Meber. 14:16, 17.
2 Byalo, a di nyake re kwa nkare re ya sinya mo re beya nako ka thoko ya gore ‘re lebelele dinonyane tsa ku magedimong’ le “mabhlomu ya dilili ya ku mašahleng” kela re maka dilo tse dingwana gore re yimuluge re boye re make gore lephelo la rune le jabodise. (Mat. 6:26, 28; Pis. 8:3, 4) Lephelo la gabutši ‘ke so Modimo a re rufiyeng ka sona.’ (Mmo. 3:12, 13) Mo re tseya nako ya go tijabodisa go le so Modimo a re rufiyeng ka sona, tsotsone di nyoko maka gore re yi berekise ka mokgwa wa gore wo nyoko jabodisa Ye a re Nneyyeng dilo tsowa.
Tso di Wutammeng ka Bhayibeleng
it “Go Seba, Go Sinya Batho Mabitso” ¶4, 8
Go Seba, Go Sinya Batho Mabitso
Go seba go ka feleletsa go sinya ba bangwana mabitso, tsotsone di ka kwaletsa motho ye le mo sebang. Tsotsone re di bona ga mantsu ya go hlalefisa ya ma leng ga Mmolabodi 10:12-14: “Mantsu ya sephokophoko ma mo leyela dilo tsa go befa. Mantsu ya mathomo ya ma tšwang ka ho ganong gage ke ya bophokophoko. Mantsu yage ya mafelelo ke ya go sa yi ka tsela fote ma mo leyela tsa go sasamela. Mara sephokophoko sowa se fo ya mahlong se kene se bolabola.”
Le mo ka dinako tse dingwana go seba go ka kwaletsa motho kela gwa sa mo kwaletsi (le mo nkare go ka feleletsa ka go sinya batho mabitso kela gwa feleletsa go le ka mokgonone), go sinya batho mabitso go kwaletsa ka matla fote go dula go kwisa batho go baba le go maka gore ba sa kwane. O ka fo ba o tikemisele go kwaletsa motho kela o sa tikemisela. Le mo go le ka mokgonone, motho wa gore o sinya batho mabitso o sinya senghana sage le Modimo, ka taba la gore ‘go maka gore bobhuti ba sa kwane’ go wela ga dilo tsa gore Modimo o di hloyye. (Diy. 6:16-19) Lentsu la Segerika la go rela gore “motho wa go sinya batho mabitso” kela “go hlayela motho matsaka” ke di·aʹbo·los. Lentsu lone ba le berekisiye ka mo Bhayibeleng mo ba rela Sathane “Diyabolo,” wa go sinya Modimo lebitso. (Joh. 8:44; Kut. 12:9, 10; Gen. 3:2-5) Tsotsone di šupetsa gore taba ya go sinya batho mabitso yi thomme ke mang.
OCTOBER 27–NOVEMBER 2
MAKOLWANE KA TENG GA LENTSU LA MODIMO MMOLABODI 11-12
Dula o Philegiye Fote o Jabolele Lephelo
g-SE 3/15 13 ¶6-7
Moya wa go Yela le Letšatši—Dilo Tsa Hlago “Tsa go Tlosa Dilo Tsa go sa Nyakege ho Mmeleng”?
Letšatši le lona le na le dilo tsa hlago tsa go maka gore re sa lwalalwale. Puku ya Journal of Hospital Infection yi hlatolla gore “dilo tse dinyananyana tsa gore re phela natso tsa gore di maka malwele ya gore re ma kraya mo re wona a di kgone go phela ga gore go na le letšatši.”
Taba yowa yi ka go berekela ka mokgo mang? Di ka nyaka gore o fele o tšwela ka tawong, o fetse nakonyana o worela letšatši fote o teyele ke moya. Di nyoko go berekela.
Le Tseyele Gedimo Lephelo lo Modimo a go Neyyeng
6 Le mo Bhayibele go se puku ya gore yi re botsa gore re tilekelele ka mokgo mang gore re thogo philega kela ya go re botsa gore re je tsa mošaga mang, yi re botsa tsa go tlala tso Jehova a di naganang ga ditaba tsa mošaga wonone. Mo re beyisa, o re hlohletsela gore re “kganele kgole le dilo tsa go kwaletsa” tsa gore di ka sinya mmele wa rune. (Mmo. 11:10) Bhayibele yi re re sa kwane le go ghimbha ka matla kela go gaputlela mokgete ka taba la gore dilo tsone, le go re bolaya di ka re bolaya. (Diy. 23:20) Jehova o nyaka gore re be le mokgwa wa go titshwara mo di tla ga taba ya gore re nyoko ja byang fote ra nwa byang.—1 Makor. 6:12; 9:25.
7 Ke rune beng bo re ka segelelang sepheto sa go šupetsa gore re ya mo leboga ga Modimo gore o re neyye lephelo ka go berekisa monagano wa rune gabutši. (Pis. 119:99, 100; bala Diyema 2:11.) Mo re beyisa, re nyoko šupetsa ka go kgeta gabutši tso re di jang. Mo nkare go na le tsa go ja tso re kwanang natso ka matla mara di re lwadisa, di nyaka tsa go ja tsa mošaga wonone le go di lebelela re sa di lebelele. Fote re šupetsa gore re berekisa monagano gabutši, mo re sa tikone boroko, re tiwolola ka moka matšatši, re dula re yediye runebeng fote re sa tshwatele taba ya go yedisa ka mutšing ga rune.
‘Di Nyaka le Make Tso Lentsu le di Hlayang’
2 Rune malata ya Jehova re batho ba gore ba jabodiye. Ke ntaba mara? Ke dilo tsa go tlala tso di makang gore re be ka mokgonone mara sa go napa se di phala ka moka ke gore re bala Lentsu la Modimo ka moka matšatši re boya re liketsa ka mokgo re ka kgonang gore re di make tso re di tšhutang.—Bala Jakobo 1:22-25.
3 Di re berekela ka mekgwa ya go tladisa mehlolo mo re ‘maka tso lentsu le di hlayang.’ Se sengwana ke gore mo re berekisa tso re di tšhutang, re di tšiba gabutši gore re ba re jabodisa Jehova. Ke mokane tsotsone di maka gore le rune re jabole. (Mmo. 12:13) Mo re latelela tso Lentsu la Modimo le re yetetsang ka tsona, senghana sa rune le bo re dulang nabo ka ho mutšing se napa se hluhlutela fote re napa re ba le senghana sa go tiya ka matla le magageru ya ka ho phutegong. Tsotsone o yye wa di bona di makega mo o kene o phela. Go tokegela gana hone, re kganela kgole le mathatha ya go tlala ya gore ma tlela bo ba gore a ba nyake go theetsela tso Jehova a di hlayang. Phela di fo ba lekgwaying gore re yema le Kgoši Dafita. Ga koša yage, mo a šele a bolabodiye ka molawo wa Jehova, tso a re yetetsang ka tsona le ka mokgo a yahlulang, o notelele ka gore: “Mo motho a yi berekisa, o rufega ka matla.”—Pis. 19:7-11.
Tso di Wutammeng ka Bhayibeleng
it “Go Hlohletsela” ¶10
Go Hlohletsela
Bohlatse bo šupetsa gore banna bo Modimo a ba berekisiyeng go ngwala Mangwalo ne go sa fo ba diroboto, tsa gore di fo maka tso ba di botsang. Re bala ka Johane wa lepostola gore tso ba di wunyulliyeng ‘tsa gore di tšwa ga Modimo,’ ba berekisiye lengeloyi mo ba mo šupetsa “dilo tso di yemelang ke tso di sa nyoko makegang” ke mokane ‘Johane ke mo go le hlatse ya dilo ka mokana ga tsona tso Modimo a di hlayyeng le tso Jeso Kreste a di hlayyeng, le ya dilo ka mokana ga tsona tso a di bonneng.’ (Kut 1:1, 2) Ke “moya wa go hlawolega” wo wo šupetsiyeng Johane “tso ne di nyoko makega ka letšatši la Morena” fote ba mmutsiye gore: “Ngwala sowa o se bonang ga lengwalo la go phutiwa.” (Kut 1:10, 11) Byalo Modimo o bonne di le gabutši go dumelela bo ba ngwalang Bhayibele gore ba berekise menagano ya bona go kgeta mantsu ya go hlatolla tso ba di bonneng ga mmono (Hab 2:2), a kene a ba yetetsa gabutši gore tso ba di ngwalang di sa fo korola fela kela go ba nnete mara di sipidisane le tso Jehova a nyakang go di segelela. (Diy 30:5, 6) Go šupetsa gore ye ne a ngwala ne a karakara, re di bona ga tso ba di hlayyeng ga Mmolabodi 12:9, 10, gore ke mo a ghayela, a nyakolla, le go lukiselela gabutši “mantsu ya go natefa gore a thogo ngwala nnete ya gore ke mong yona.”—Tshwanisa le Llu 1:1-4.