Ditodi Tsa Sepukwane sa Mogahlano wa Maphelelo le Matšhomayelelo

© 2025 Watch Tower Bible and Tract Society of Pennsylvania

JULY 7-13

MAKOLWANE KA TENG GA LENTSU LA MODIMO DIYEMA 21

Ditšhiko Tsa go Maka Gore go Jabodise Mošadhong Wago

w03-SE 10/15 4 ¶5

O ka Segelela Dipheto Tsa Gabutši ka Mokgo Mang?

Go segelela dipheto ka go yakgoswa di ka šupetsa go sa hlalefa. Diyema 21:5 yi re pasopisa ka gore: “Dipolane tsa motho wa gore wa karakara di nyoko phomelela, mara bo ba gore ba fo yakgoswela go maka dilo ba nyoko hlupega.” Mo re beyisa, bo ba gore ba sa gola ba gore ba nabela tsa go kgetisana di nyaka ba sa tabogele go segelela dipheto mo di tla ga taba ya go kenela mošadho. Ka taba la gore ba ka bona nnete ya mantsu ya ma hlayyeng ke William Congreve ye ne a ngwala di derama gana hala ga bo 1700 go segela ga 1800 ya mengwaga ya go feta, mo a re: “Go yakgoswela go šadha, di ka maka gore ba go tlala ba tisole.”

g-SE 7/08 7 ¶2

O ka ba le Mošadho wa go Phomelela Byang?

Tinyanafatse. “Le sa make dilo ka go kokola kela le na le magetla mara le di make le tinyanafatsiye le tseya gore ba bangwana baa le phala.” (Mafilipi 2:3) So se makang gore bo ba gore ba šadhiye ba lwe kela ba sa kwane ke gore a ba leketse go kraya tsela ya go lukisa mathata, so ba se makang ke go šupana ka menwana. Go tinyanafatsa, kela go sa be le magetla, di ka re gelepa gore re kganele kgole le taba ya go tiyemelela le mo re sinnye.

w06-SE 9/15 28 ¶13

“Jabola le Mosadi ye o Šadhiyeng Naye o sa le Mosogana”

¹³ Byalo mo nkare mošadhong gwa gakga, ka taba la ka mokgo bo ba šadhiyeng ba tshwaranang ka gona gee? Phela go lukisa taba yone ke letogo. Mo re beyisa, go ka ba go le ka taba ya gore go sa bolabodisane gabutši go šele go midiye mošadhong fote go le selo sa go dula se makega. (Diyema 12:18) Ka mokgo re kwileng ga hlogotaba ya go feta, go ka ba le maphomela ya gore a yi ya gabutši. Seyema sa ka ho Bhayibeleng se re: “Di kawone go dula mašahleng go phala go dula le mosadi wa go ba le ditshele wa gore fote o yakgoswa a tinega.” (Diyema 21:19) Mo nkare o mosadi wa gore o šadhiye, tiputsise gore, ‘Ayitsano ka mokgo ke titshwarang ka gona di maka gore monnaka di mo thathafele go fetsa nako lenna?’ Bhayibele yi re ga banna ba gore ba šadhiye: “Lune banna, ariyeneng mahlong le nyaka basadi ba lune fote le sa fo ba kwatelanya.” (Makolosi 3:19) Mo nkare o monna wa gore o šadhiye, tiputsise gore, ‘Ayitsano ka mokgo ke titshwarang ka gona di maka gore mosadi waka a nyake go ya ga banna ba bangwana?’ Le mo seyemo se le ka mokgonone, a di rele gore o sepele we maka bonghwahla. Ka taba la gore dilo tsowa di ka makega, byalo di gabutši gore le bolabodisane ka mathata ya lune le sa wutametselane selo.

Tso di Wutammeng ka Bhayibeleng

w05-SE 1/15 17 ¶9

Bona Tso di Nyoko Makang ke Mmušo wa Modimo

⁹ Jeso a go sa le motho wa gore o kalamme bhongholo, mara gana byalo ke Kgoši ya go ba le matšhika. Ba mo hlatolla a kalamme pera—ya gore ka ho Bhayibeleng yi tshwanisela ntwa. (Diyema 21:31) Kutullo 6:2 yi hlaya gore “Ke bonne pera ye tšhwewu fote ye a yi kalammeng ke mo a tshwere mosefo. Modimo o mo neyye fapo ke mokane a ya gore a ye hlula manaba yage.” Go tokegela gana hone, mopisalema Dafita mo a ngwala ka Jeso o yitseri: “Jehova o nyoko yemisa thoka yago ya go lawola gore o sa lawole Siyoni fela, a re: ‘Ariye o ye lawola gare ga manaba yago.’”​—Pisalema 110:2.

JULY 14-20

MAKOLWANE KA TENG GA LENTSU LA MODIMO DIYEMA 22

Ditšhiko Tsa go Yetetsa bo ba Gudisang Bana

w20.10 27 ¶7

Ayitsano ba Nyoko Gola Natso Tsa go Berekela Modimo?

⁷ Mo nkare wene le monna kela mosadi wago le nabela go ba le bana, di nyaka le tiputsise gore: ‘Ayitsano ke rune batho ba gore ba tinyanafatsiye ba gore fote ba tlalele ka mo ga tsa Modimo la gore Jehova a ka šinya a re kgeta gore re mo pasopele leseya?’ (Pis. 127:3, 4) Mo nkare o šele o na le bana, tiputsise gore: ‘Ayitsano ke tšhutisa bana baka gore ba sa tshwate go bereka?’ (Mmo. 3:12, 13) ‘Nje ke ya tihlupa ka go tšhireletsa bana baka ga dilo tsa gore di ka ba kwaletsa tso di makegang ho lefaseng la Sathane?’ (Diy. 22:3) O ka sa ro di kgona go ba tšhireletsa ga dilo ka mokana ga tsona tsa go ba ghula tso ba hlakanang natso. Tsone di ka sa kgonege. Mara o ka ba gelepa o kene o ba lefisele pelo ka go ba tšhutisa gore mo ba gahlana le tsa go ba ghula, ba ka maka byang gore Lentsu la Modimo le ba yetetse. (Bala Diyema 2:1-6.) Mo re beyisa, mo nkare lešaga lago le kgeta go lesetsa go rapela Jehova, gelepa bana bago gore ba tšhute ga Lentsu la Modimo gore ke ntaba di le gabutši ka matla gore ba dule ba tshepega ga Jehova. (Pis. 31:23) Kela mo nkare go hlokofele lešaga, šupetsa bana bago ka mokgo ba ka berekisang Lentsu la Modimo gore le ba tiyise fote le ba gelepe gore ba bebe.​—2 Makor. 1:3, 4; 2 Thim. 3:16.

w19.12-SE 26 ¶17-19

Babelegi​—Tšhutisaneng Bana ba Lune Gore ga Jehova ba mo Nyake ka Matla

¹⁷ Tšhutisa bana bago di sa tloga. Di gabutši ka matla gore babelegi ba tšhutise bana bona di sa tloga. (Diy. 22:6) Nagana ka Thimothi wa gore o tsere nako ya go tlala a sepela le Pawulo wa lepostola. Mmane wa Thimothi ye ba reng ke Yunisi le kokwane wage ye ba reng ke Luwisa, ba yye ba mo tšhutisa “go sa le mong meetši.”​—2 Thim. 1:5; 3:15.

¹⁸ Monna ye mongwana ye ba reng ke Jean-Claude le mosadi wage ye ba reng ke Peace ba ku Côte d’Ivoire, ba yye ba kgona go gudisa kobodi ya bana ba bona gore ga Jehova ba mo nyake ka matla fote ba boye ba mmerekele. Ba yye ba gelepa king gore dilo di ba sepelele gabutši? Ba yye ba kopisela ga Yunisi le Luwisa. Ba yitseri, “Re yye ra tšhutisa bana ba rune Lentsu la Modimo ba sa le mong meetši.”​—Dot. 6:6, 7.

¹⁹ Di ra gore king go tšhutisa bana bago Lentsu la Jehova ga “tleletlele”? Ga “tleletlele” yi rela “go tšhutisa le go šihlela taba, o kene o yi boyelela.” Gore babelegi ba thogo maka tsotsone, di nyaka ba dule ba na le bana ba bona. Ka dinako tse dingwana go tšhutisa bana selo ka ssoši o boyelela di ya tinwisa. Mara mo babelegi ba ka sa tinwi, tsotsone di nyoko maka gore go be lula go gelepa bana ba bona go kwisisa Lentsu la Modimo le go le berekisa.

w06-SE 4/1 9 ¶4

Babelegi​—Beyelaneng Bana ba Lune Mošupetso wa Gabutši

Ke nnete gore bana ke bana, fote a ba tshwane, ba bangwana dihlogo tsowa di tlele meetši. (Genesi 8:21) King so babelegi ba ka se makang? Bhayibele yi re: “Bana ba na le mokgwa wa go maka dilo tsa bophokophoko, mara kgati ya go wolola yi nyoko maka gore ba kganele kgole le dilo tsone tsa bophokophoko,”. (Diyema 22:15) Ba bangwana ba tseya taba ya go teya ngwana yi fitele ke nako fote go le go ba hlupegisa. Ke nnete gore Bhayibele a yi dumelelane le bokgohlane le go hlupegisa ba bangwana. Lentsu lowa “Kgati,” ga go tlala le rela go teya, mara ka di nako tse dingwana le rela matšhika ya babelegi ya go wolola bana ba bona ba kene ba šupetsa gore ba ba nyaka, le taba ya gore ba hlupegiye ka matla ka go pasopega ga bana ba bona.​—Maheberu 12:7-11.

Tso di Wutammeng ka Bhayibeleng

w21.08 22 ¶11

Maka Gore Mebereko Yago yi go Natefele

¹¹ Le rune re ka maka gore re nape re jabola ka matla mo re ka tsika ga mmereko wo mongwana le wo mongwana wa gore ba re neyye wona ka ho ga Jehova. “Napa [o] tshwaragana” ka mmereko wa go tšhomayela fote o karakare ga mebereko ya phutego. (Meber. 18:5; Maheb. 10:24, 25) O lukiselele gabutši mo o ya megahlanong ya phutego gore o thogo tiyisa ba bangwana mo o fetola ga tso le ko bang le di tšhuta. Mo nkare ba go neyye gore o tle o beye polabolo ga mogahlano wa gare ga beke, o sa yi tseyele fase. O tshware nako mo ba go kgopele gore o gelepe ka se sengwana ka phutegong, fote o sa fo dumela mara o sa make. Ga mmereko wo mongwana le wo mongwana wo ba go neyang wona, o sa tseye nkare ba kgana ka wene. Karakara gore o be segele ga mmereko wago. (Diy. 22:29) Mo o ka tsika ga mebereko yo o yi makelang Jehova, senghana sago naye se nyoko hluhlutela fote o nyoko napa o jabola ka matla. (Magal. 6:4) O nyoko bona di sa thathafe go jabola le ba bangwana mo ba ba neya mmereko wa gore ke mo o wo nabela.​—Marom. 12:15; Magal. 5:26.

JULY 21-27

MAKOLWANE KA TENG GA LENTSU LA MODIMO DIYEMA 23

Ditšhiko Tsa go re Yetetsa ga Taba ya go Nwa Mokgete

w04-SE 12/1 19 ¶5-6

Bang le mo o Kgerang ga Taba ya go Nwa Mokgete

⁵ Ayitsano ke go sinya mo motho a nwa mokgete ka tsela ya gabutši? Batho ba bangwana ba šupetsa ba sa tlayili le mo ba kukutlela mokgete ka matla. Le mo gole ka mokgonone, re ko ba re titshwere ka lebelebele mo re nagana gore tsone di ka sa re kwaletse. (Jeremiya 17:9) Ga go tlala, ba bangwana ba feleletsa ba topela ka taba la “go kwana le wayini ka matla.” (Tito 2:3) Caroline Knapp wa go ngwala dipuku o hlayye se sengwana ka taba ya go topela, o yitseri: “Di makega ka gonyana ka gonyana ka mokgwa wa gore wo wutamme.” Phela mokgete ke molabo wa go loba ba go tlala!

⁶ Jeso o re pasopisiye a re: “Mara le tipasopeneng gore le sa kraye dipelo tsa lune di kgahleletsa ke go šekela ka tsa lephelo, go ja ka matla le go nwa ka matla wa kraya letšatši lone le tla le sa tilibele, fote letšatši lone le nyoko tshwana le molabo ho ga lune. Ka gore le nyoko tlela batho ka mokana ga bona ba gore ba dula lefaseng ka mokana ga lona.” (Lluka 21:34, 35) Motho mo a kene a nwa mokgete a ka kwa a teya ke mandukulugane le go kwa a tshwata, tsowa di ka makega le mo a soko bane a tlayila​—re ra ho mmeleng le ka tsela ya go tshwanisela. Byalo mo nkare letšatši la Jehova le go kraya o tlayidiye gee?

it-1-E 656

Go Tlayila

Dilo tsa gore Bhayibele a yi di dumele. Bhayibele a yi dumelelane nayo taba ya go nwa mokgete go segela o tlayila. Wa go hlalefa ye a ngwadiyeng Diyema, o maka gore mo re nagana re bone sethombhe sa dilo tso di ka re makegelang mo re ka nwa mokgete ka matla kela go tlayila. O re pasopisa ka gore: “Ke mang wa gore wa hlupega? Ke mang wa gore wa šekela? Ke mang wa go ba le ditshele? Ke mang wa go kokola? Ke mang wa gore o f’lo tikraya a kwalele a sa sinya selo? Ke mang wa gore maahlo yage a ma boni gabutši? Ba gore ba tseya nako ya go lefa ba nwa wayini; ba gore ba nyakana le wayini ya go tlayilana. O sa nabetsi ke bokhubedu bya wayini, mo yi kene yi gadimela ka teng ga komitši [wayini yone yi goga maahlo, ya gadimela], fote yi natefela mo o yi nwa [ya kwagala mo yi kene yi phologela ho ga segologolo]. Ka gore yi fetsa yi go loma go tshwana le noga, fote yi ntsha tšhefu go tshwana le marabye [yi ka go lwadisa (mo re beyisa, o ka ba le bolwele bya matshwafo) le bya monagano (o ka topela), fote mokgete wo ka go bolaya]. Maahlo yago ma nyoko bona dilo tsa gore a di šiyo [mokgete wo lawola ka mokgo o naganang, wo dunghanya mabyoko; ka mokgo o titshwarang ka gona gwa tšhentšha; o bona dilo tsa gore a di šiyo; o thomisa go nagana ka dilo tsa gore aa yi nnete tsa go tshwana le ditori tsa go tshegisa tsa gore ke matsaka; motho wa gona o titshwara ka mokgwa wa gore a wo gabutši], fote pelo yago yi nyoko maka gore o nagane dilo tsa go tšwa pateng [fote dilo tso a di naganang le go di nabela wa di maka].”​—Diy 23:29-33; Hos 4:11; Mat 15:18, 19.

Wa go ngwala o ya mahlong a re botsa ka tso di makegang ga motho wa go tlayila o re: “Fote o nyoko tshwana le motho wa gore o patlamme gare ga lewatle [wa gore o thomisa go nwelela, fote mafelelong wa yidibala kela go timega], Go tshwana le motho wa gore o kwayele ku malenghelengheng ya sekepe [sa gore se teya ke maphoto ya lewatle se ya ka ho le ka ho, maphelo ya bo ba go tlayila ma kotsing ka taba la gore go ka makega se sengwana le se sengwana, se ka tšhayisa, se ka dukuluga kela tse dingwana]. ‘Ba ntudiye, mara a ke ya kwa selo, ba nteyye mara a ke sa gopola selo [go hlaya motho wa go tlayila, nkare o bolabola a ntoši; ne a sa tšibi tso ne di makega fote ka mokgo ba mo wolodiyeng ka gona go mo kwisiye go baba ka matla]. Ke nyoko tsoga neng mara? Gore ke ye nweng fote [o nyaka go yetsela gore go tlayila go fele ho mmeleng, mara ke lebhantiti la mokgete fote o di yemele ka maahlo ya makhubedu gwe nweng mo a tsoga fote].’” O nyoko hlupega, ka gore o fetsa tšheleta ya go tlala a reka mokgete fote aa sa tshepega fote o šitega le go maka mmereko wage.​—Diy 23:20, 21, 34, 35.

Tso di Wutammeng ka Bhayibeleng

w04-SE 11/1 31 ¶2

Diputsiso Tsa bo ba Šeleng ba Badiye

Mo re beyisa, go nona ka matla go šupetsa gore motho o ja ka matla, mara a yi nako ka moka go leng ka mokgonone. Ba bangwana ba nonne ka matla ka taba la malwele. Ba bangwana ba ro tseyela. O sa lebale gore go nona ka matla go makega ho mmeleng, hala go ja ka matla go le tso re tipotsang tsona gore re di make. Mo ba hlatolla go nona ka matla ba re ke “go ba le makgura ya go tlala ho mmeleng,” hala go ja ka matla ba go hlatolla go le “go ba le dipawo.” Motho gore o ja ka matla a di yi ka gore mmele wage wo gudiye go segela kaye mara ka mokgo a titshwarang mo a bona tsa go ja. Motho a ka ba a le gabutši kela a se na mmele mara a ja nkare ba mo lelekisa. Go tokegela gana hone, taba ya go bona motho gore o nonne tsa gabutši kela o yemegiye, yi fapana go ya ka dinaga.

JULY 28–AUGUST 3

MAKOLWANE KA TENG GA LENTSU LA MODIMO DIYEMA 24

Tilukiselele Mayemo ya go Thathafa ya ku Mahlong

it-2-E 610 ¶8

Go Hlupegisiwa

Makreste ma jabodisa ke patela yo ma nyoko yi krayang ku mahlong mo ma kene ma tiyisela. Jeso mo a bolabola ka patela yowa o yitseri: “Go jabola bo ba go hlupegisiwa ka taba la gore ba lukiye, ka gore Mmušo wa magedimo ke wa bona.” (Mat 5:10) Go tšiba ka tshepo ya go tsusiwa ga bakgu le go tšiba ka Ye a nyoko makang gore tsogo yowa yi kgonege dya ba tiyisa. Di maka gore ba dule ba tshepega ga Modimo le mo bo ba go ba hlupegisa ba ba tshosetsa ka go nyaka go ba bolaya. Go šupetsa gore ba na le tumelo ga tso lekgu la Jeso le di makiyeng, ba lisetsiye taba ya go tšhaba go bolayiwa. (Heb 2:14, 15) Makreste di nyaka ma tseyele gedimo ka mokgo ma naganang, mo ma nyaka go dula ma tshepega le mo ma gahlana le seyemo sa go ma kgahleletsa. “Ariyeneng mahlong le nagana go tshwana le Kreste Jeso, wa gore . . . o yye a theetsela go segela a kgwela phateng ya mohlupego.” (Flp 2:5-8) “Le mo ba kene ba mo poyila o yye a tiyisela mo a le phateng ya mohlupego gore a thogo jabola ku mahlong.”​—Heb 12:2; lebelela le 2Ko 12:10; 2Mt 1:4; 1Pe 2:21-23.

w09-SE 12/15 18 ¶12-13

Dula o Jabodiye le mo o Ghulana le Tsa go Sasamela

¹² Diyema 24:10 yi hlaya gore: “Mo o ka kgongwela ka dinako tsa mo o kgahleletsegiye, o nyoko tapega matšhika.” Seyema se sengwana se re: “Mo pelo yi baba yi maka gore motho a kgongwele.” (Diy. 15:13) Makreste ya mangwana ka taba la gore ma kwisiwwe go baba ka matla ma lisetsiye le mong go bala Bhayibele, ma lisetsa le go ghayela ka lentsu la Modimo. Dithapelo tsa bona a di sa tšwa pelong fote ba ka thomisa go sa sa tigahlanisa le magageru ya mangwana. Gabutšibutši, go dula re kgongwele di ka re kwaletsa.​—Diy. 18:1, 14.

¹³ Ka nthoko ye nngwana, go tseya dilo gabutši di nyoko re gelepa gore re lebelele dilo tso di makegang lephelong la rune tsa go ka maka gore re jabole. Dafita o ngwadiye gore: “Ke jabodisa ke go maka tso o di nyakang, wene Modimo waka.” (Pis. 40:8) Mo go makega tsa go kwisa go baba ho lephelong, sa gore re ka sa tsoge re se makiye ke go lisetsa go latelela letheto la rune la morapelo. Gabutšibutši, sehlare sa go yalafa go kgongwela ke go maka tso di re jabodisang. Jehova o re botsa gore re nyoko jabola mo re bala lentsu lage ka moka matšatši. (Pis. 1:1, 2; Jak. 1:25) Ga Mangwalo ya go Hlawolega le mo re ya Megahlanong ya Sekreste, re kraya “mantsu ya gabutši” ya gore ma ka re tiyisa fote ma maka le gore re jabole.​—Diy. 12:25; 16:24.

w20.12 15

Diputsiso Tsa bo ba Šeleng ba Badiye

Diyema 24:16 yi re: “Wa go loka a ka šinya a wa ga kašupa, mara o nyoko tlogamela fote.” Ayitsano taba yowa yi rela motho wa gore o sinya ga tleletlele mara Modimo a fo mo tshwarela?

Gabutšibutši, temanyana yowa a yi reyane. Mara, yi bolabola ka motho wa gore o fo dula a kgahleletsa ke mathatha ya mohlobohlobo kela dilo tsa go sasamela mara a fo tlogamela fote, tsotsone di rela gore motho yene wa tiyisa.

Byalo, Diyema 24:16 a yi bolabole ka taba ya mo motho a “wa” tsela tsa gore o šitega go titshwara ke mokane a sinya, mara yi rela mo motho a gahlana le mathatha kela tsa go mo phiriketsa, le mo go ka ba ga tleletlele. Ga lefase lo re phelang ga lona la gore le tlele ka batho ba go ba le dipelo tse diphifadu, motho wa go tilokela a ka lwala kela a tlela ke mathatha ya mangwana. O ka kraya ba mmušo ba mo maka lešidi ga motho yene. Mara di nyaka a di tshepa tsa gore Modimo o nyoko ba naye fote o nyoko mo gelepa go lwa le tso di mo robang gore a thogo phomelela. Tiputsise gore: ‘Nje a ke soko di bona tsa gore ga go tlala batho ba gore ba berekela Modimo, dilo di feleletsa di ba sepelela gabutši?’ Ke ntaba? A re kamake gore “Jehova o thega batho ka mokana ga bona ba gore baa wa fote ka mokana ga bona ba gore baa šekela, wa ba tlogamedisa.”​—Pis. 41:1-3; 145:14-19.

Tso di Wutammeng ka Bhayibeleng

w09-SE 10/15 12

Diputsiso Tsa bo ba Šeleng ba Badiye

Ka dinako tsa Bhayibele, mo monna a nyaka go “ba le mutši wa yene mong,” kela a nyaka go šadha, di nyaka a tiputsise gore, ‘Ayitsano nko kgoneng go pasopa mosadi waka le bana bo re ka bang nabo?’ Mo a soko bane a ba le mutši, ne a na le mmereko wo a tshwaneleng a wo make, wa go pasopa mašemo kela go buna. Bhayibele ya Today’s English Version yi beya temanyana yowa ka mokgo: “O sa yage ntlo yago kela wa ba le mutši go segela mašemo yago ma lukiye gore ma ka buniwa, fote o sa kamake gore o nyoko kgona go tiphidisa.” Ayitsano tšhiko yowa yi sa bereka le lekgono?

Eya. Monna wa gore o nyaka go šadha di nyaka a tšibe gore o nyoko pasopa ba mutši wage byang. Mo nkare o sa philegiye gabutši di nyaka a bereke. Ke nnete gore monna a di nyake a fo berekela ba mutši wage fela. Lentsu la Modimo le hlaya gore monna wa go šitega go pasopa ba mutši wage ka tso ba di gayelang, ga ka mokgo ba tikwang, le ga tso tsa Modimo o phala kgole ke monna wa go se na tumelo! (1 Tim. 5:8) Mo mosogana a tilukiselela go nyaka go šadha kela go ba le mutši, di nyaka a tiputsise diputsiso tsowa: ‘Ayitsano nko kgoneng go neya ba mutši waka tso ba di gayelang? Ayitsano ke butšwiye tsa gore nko di kgoneng go ba hlogo ya mutši? Ayitsano nko di kgoneng go maka mmereko waka wa go tšhuta Bhayibele le mosadi waka le bana ba rune?’ Lentsu la Modimo le yi šihlela ka matla taba ya gore monna a make mmereko wage.​—Dot. 6:6-8; Maef. 6:4.

Byalo mosogana wa gore o nyaka go šadha di nyaka a ghayele ka tšhiko yo yi leng ga Diyema 24:27. Le kgareba yi nyoko ba yi maka gabutši mo yi tiputsisa gore ayitsano nko kgoneng go maka mmereko wo wo makang ke mosadi le mmane. Bo ba gore ba sa kgetisana le bona ba ka tiputsisa diputsiso tsa go tshwana le tsowa mo ba nagana ka go ba le bana. (Lluka 14:28) Go berekisa ditšhiko tsowa tsa gore ba di hlohletsele di ka gelepa malata ya Modimo gore ma sa robege dipelo mara go jabodise ka mutšing wa bona.

AUGUST 4-10

MAKOLWANE KA TENG GA LENTSU LA MODIMO DIYEMA 25

Ditšhiko Tsa go re Yetetsa mo re Bolabola

w15-SE 12/15 19 ¶6-7

Berekisa Lleme Lago Gabutši

⁶ Mantsu ya ma leng ga Diyema 25:11 ma šihlela taba ya gore di nyaka re kgete nako ya gabutši ya go bolabola: “Ma fo tshwana le maapola ya gholdi ya gore ma teng ga sitša sa silva.” Phela ka go fo nagana fela wa di bona gore maapola ya Gholdi ma ka ba ma bafele byang. Byalo go ma beya ka teng ga sitša sa silva di maka gore ma bafale ka matla. Mo re kgeta nako ya gabutši ya go bolabola tsotsone di ka maka gore mantsu ya rune ma jabodise ba bangwana. Byang mara?

⁷ Tso re di hlayang go ka ba tso batho ba nyakang go di kwa, mara mo re sa kgete nako ya gabutši ya go bolabola, ba ka sa ro kota selo ga tso re di hlayang. (Bala Diyema 15:23.) Mo re beyisa, ka March 2011 hala bohlabela bya Japan go sinyegiye toropo ka moka, ka taba la go tekateka ga lefase le mogogola. Batho ba go teya ka ku ga 15 000 ba lahlegele ke maphelo ya bona. Le mo Dihlatse Tsa Jehova tsa gana hone polekeng di yamegiye ga dikotsi tsone, di yye dya tseya nako yone go le lešuba la go kgomoletsa batho ba gana hone di berekisa Bhayibele. Batho ba go tla ba gana hone polekeng ke mo ba tlalele ga morapelo wa Sebhuda fote ba sa tšibi selo ka tsa ka Bhayibeleng. Magageru ma di bonne tsa gore ka nthago ga mo go sa tšwa go makega mogogola ke mo go se nako ya gabutši ya go bolabola ka tsogo ya bakgu. So ba se makiyeng ke go ba kgomoletsa le go ba hlatollela ba berekisa Bhayibele gore ke ntaba batho ba gore a baa sinya selo ba makegela ke dikotsi tsowa.

w15-SE 12/15 21 ¶15-16

Berekisa Lleme Lago Gabutši

¹⁵ Ka mokgo re bolabolang di nyoko šupetsa gore tso re di hlayang re di tseyela gedimo. Mo Jeso a bolabola a le sinagogeng ya polekeng ya gabo ku Nazareta, batho ke mo ba “makatsa ke mantsu ya go natefa ya ma tšwang molomong wage.” (Lluka 4:22) Mantsu ya go natefela ma tikisa pelo fote ma jabodisa ba bangwana. Gabutšibutši, mantsu ya go natefa ma ka hlohletsela batho ba bangwana. (Diy. 25:15) Re ka yekisela Jeso ka go hlupega ka batho ba bangwana, go ba naganela, le go tseyela gedimo ka mokgo ba tikwang. Go bona ka mokgo mogoba wo yyeng wa garagara gore wo thogo mo theetsela mo a bolabola, Jeso o yye a wo kwela go baba fote “a thomisa go wo tšhutisa dilo tsa go tlala.” (Mareka 6:34) Le mo ba mo rogelela, Jeso a sanka a ba fetola ka go ba kgwasolanya.​—1 Pet. 2:23.

¹⁶ Go bolabola gabutši di ka re thathafela mo ye re bolabolang naye re mo tšiba gabutši. Re ka tikwa re lukulugiye. Tsone go ka ba nnete mo re bolabola le ba geru kela banghana ba rune ba ka ho phutegong. Ayitsano senghana so Jeso ne a le naso le malata yage ne go le thikithi ya gore a ba kgwasolanye mo a bolabola nabo? Le ka mbhitšane! Mo malata yage ma phigisana ka gore ke mang ye mogolo ga bona, Jeso o ba gelepiye ka go bolabola nabo gabutši fote a berekisa mošupetso wa sengwananyana. (Mareka 9:33-37) Bagolo ba ka berekisa mošupetso wa Jeso mo ba wolola mogageru ka go sa mo “kgwasolanye.”​—Magal. 6:1.

w95-SE 4/1 17 ¶8

Re ka Nyakanana ka Matla le go Makelana Dilo Tsa Gabutši ka Mokgo Mang?

⁸ Mo re kene re berekela Modimo, re ka beyelana mošupetso wa go nyakanana. Jeso ne a tiyisa bo ne ba mo theetsela. Ke mo a kwana le mmereko wa go tšhomayela fote ne a jabolela go wo maka. O yitseri ke tsa go ja tsage. (Johane 4:34; Maroma 11:13) Ba bangwana ba ka kgona go yekisela matšato yage. Ke ntaba le wene o sa šupetse mara gore o jabodisa ke mmereko wa go tšhomayela? O kene o kganela kgole le taba ya go ba le magetla, botsa ba bangwana tsa go jabodisa tso di yyeng dya go makegela ka ho phutegong. Mo o kene o bereka ggoši le ba bangwana, ba gelepe gore ba thogo bona gore a go na sa go jabodisa go phala go bolabodisana le batho ba bangwana ka ye a re Makiyeng, Jehova.​—Diyema 25:25.

Tso di Wutammeng ka Bhayibeleng

it-2-E 399

Go Temeka

Motho o temeka ka taba la go ba le tumelo le matšhika. Aa fo tseyatseyega kela a thomisa go sa sa nagana gabutši. Mara motho wa go sa temeke o gayela tumelo, aa titshepe, wa hlakahlakana, fote o dumela se sengwana le se sengwana. Mo seyema se hlatolla motho wa go sa temeke se re: “Motho wa gore aa kgone go tilawola mo a kwatiye, o tshwana le mutši wa gore mapharo ya gona ma pshyayeganne.” (Diy 25:28) O fo dulela go nagana ka dilo tsa go tšwa tseleng, tsa gore di ka maka gore a feleletse a sinnye.

AUGUST 11-17

MAKOLWANE KA TENG GA LENTSU LA MODIMO DIYEMA 26

Kganela Kgole le “Motho wa Sephokophoko”

it-2-E 729 ¶6

Pula

Dinako. Dinako tsa Naga yo ne ba ba Tshepisiye yona, go leng selemo le marega, ne di tseyiwa go le nako ya kgwaakgwa le nako ya pula. (Tshwanisa Pis 32:4; Koš 2:11.) Go thomisa bogareng bya April go segela ga October pula a yine ka matla. Ka nako yone ya go buna pula ya hloka. Diyema 26:1 le yona yi šupetsa gore ka nako ya go buna, pula ke mo yi gayela. (Tshwanisa 1Sa 12:17-19.) Ka dinako tsa dipula, pula a yi fo dulela go na mara yi na le matšatši ya yona. Ka taba la gore ke dinako tsa go bata, go nela ke pula di maka gore o kwe go batela. (Ez 10:9, 13) Byalo, go nyakega ntlo ya gabutši ya gore ya belabela.​—Jes 4:6; 25:4; 32:2; Job 24:8.

w87-SE 10/1 19 ¶12

Go Wolola go Maka Gore go be le Diyengwa Tsa go Beba

¹² Ga batho ba bangwana dya hlokega gore motho a tiyise letsogo, go ya ka mokgo Diyema 26:3 yi hlayang: “Sebepu ke sa go teya pera, tomu ke ya bhongholo, fote kgati ke ya mokolo wa diphokophoko.” Ka dinako tse dingwana Jehova ke mo a lisetsa setšhaba sa Israyele se tlela ke mathata ka taba la gore ne ba sa theetsele: “Ke mo ba sa theetsele lentsu la Modimo; a ba yisa felo ka tso di nyakang ke Ye wa Malenghelengheng. O dumelele gore ba tlele ke tsa go sasamela gore ba thogo tinyanafatsa; ba phiriketsegiye, fote ke mo go se na motho wa go ba gelepa. Ba kgopele Jehova gore a ba gelepe mo di ba kgahleletsiye; o ba phonisiye mathatheng ya bona.” (Pisalema 107:11-13) Le mo go le ka mokgonone, ba bangwana ba diphokophoko ba tiwomisa dihlogo mo ba ba wolola: “Motho wa gore o fo thathafisa molala le mo ba mo wolodiye gatleletlele, o nyoko re a sa tilibele, a robega la gore a sa sa fola.”​—Diyema 29:1.

it-2-E 191 ¶4

Segole, Kela go Golofala

Ka mokgo seyema sowa ba se berekisiyeng ka gona. Kgoši ya go hlalefa Solomoni o hlayye gore “Motho wa go tshepa sephokophoko gore se nyoko maka mmereko wo a se neyyeng wona o tshwana le motho wa go tikwaletsa mawoto, [a tigolofatsa].” Monna ye a hirang sephokophoko gore se mo makele mmereko wa tigolofatsa. A go jiki o nyoko bona mmereko wage wo a wo thomisiyeng wo sinyega, fote o nyoko ba a tikwaletsa.​—Diy 26:6.

Tso di Wutammeng ka Bhayibeleng

it-1-E 846

Sephokophoko

Go fetola sephokophoko ka tsela ya gabutši kela “go ya ka bophokophoko bya sona” tsela tsa gore o feleletsa o bolabola ka mokgo se bolabolang go ka šupetsa gore re ba re dumelelana le mantsu ya sephokophoko sone kela ditsela tsa sona. Gore re sa tshwane le sephokophoko, di nyaka re berekisa tso di leng ga seyema sowa sa gore: “O sa fetole sephokophoko go ya ka bophokophoko bya sona.” Ka nthoko ye nngwana, Diyema 26:4, 5 yi šupetsa gore re ka fetola sephokophoko “go ya ka bophokophoko bya sona” ka mokgwa wa go liketsa go kwisisa ka mokgo se naganang, go se šupetsa gore tso se di hlayang sa fafahla, fote le go se šupetsa gore phetolo ya sona yi fapana kgole le tso se di bolabolang.

AUGUST 18-24

MAKOLWANE KA TENG GA LENTSU LA MODIMO DIYEMA 27

Ka Mokgo di re Berekelang ka Gona mo re na le Banghana ba go Hlalefa

w19.09 5 ¶12

Jehova o ma Tseyela Gedimo Malata Yage ya go Tinyanafatsa

¹² Motho wa go tinyanafatsa wa theetsela mo ba mo kgala. Tseya ka mošupetso ke wowa: O fo nagana o le mogahlanong wa phutego. Ke mokane mo o kene o bolabola le magageru ya go tlalanyana gana hone, ye mongwana o fo go gogela ka thoko ke mokane o go botsa gore o na le tsa go ja mo menong. Nnete o nyoko fo kwa o tšebiye. Mara nje ne o ka sa jabole gore o go butsiye? Gabutšibutši ne o ko kwa nkare ye mongwana nke a yakgoswiye a go botsa! Byalo le rune di nyaka re tinyanafatse mo mogageru a šupetsa gore o na le lešiši la go re kgala. Motho yene re napa re mo tseya go le monghana ye mogolo, fote a re mo tseye go le lenaba.​—Bala Diyema 27:5, 6; Magal. 4:16.

it-2-E 491 ¶3

Moyagelane

Le mo go le ka mokgonone, tumelo le go tshepela ga motho ye mongwana, le go nyaka mayele ga motho yene go bolabodiwa ka tsona ga Diyema: “O sa lahle monghana wago kela monghana wa papago fote o sa kene ntlong ya bhuti wago ka letšatši la mo o makegela ke tsa go baba. Moyagelane wa gore o mo thina o kawone go phala bhuti wa gore o kgole.” (Diy 27:10) Ye a ngwadiyeng howa ne a rela monghana wa thina wa gore re mo tseyela gedimo fote mo re nyaka go gelepiwa ka se sengwana re ka ya gage go na le go ya ga wa genu, mo nkare wa genu o kgole, di ka makega gore a sa kgone go go gelepa kela mayemo ma sa mo dumelele.

w23.09 10 ¶7

Lune ba Gore le sa Gola, le Nabela go Phela Lephelo la Mošaga Mang?

⁷ So re ka se tšhutang ga dipheto tsa go kekema tsa Jehowaši ke gore di nyaka re kgete banghana ba gore ga Jehova ba mo nyaka ka matla fote ba nyaka go mo jabodisa—banghana ba mošaga wonone ba nyoko re gelepa gore re make dilo tsa gabutši. Re ka nghanelana le ba gore ke ba bagolo ga rune kela ba gore re ba feta ka mengwaga. O sa lebale gore Jehowaši ke mo go le ye monyana ka matla ga monghanage Jehoyada. Ga banghana bo o ba kgetiyeng, di nyaka o tiputsise gore: ‘Ayitsano ba n’gelepa gore ke tiyise tumelo yaka ga Jehova? Nje ba nhlohletsela gore ke phele ka melawo ya Modimo? Ayitsano ba bolabola ka Jehova le dilo tso ba di tšhutang ka ho Bhayibeleng? Ayitsano baa yi hlompa melawo ya Modimo? Ayitsano ba fo kwalakwala taba kela ba na le lešiši la go n’wolola mo ke keketlela?’ (Diy. 27:5, 6, 17) Go bolabola nnete, mo nkare banghana bago a ba mo nyake ga Jehova, a o ba hloke. Mara mo nkare o na le banghana ba gore ba mo nyaka ka matla ga Jehova, napa o ba ngangarele—ba ko dula ba go gelepa!​—Diy. 13:20.

Tso di Wutammeng ka Bhayibeleng

w06-SE 9/15 19 ¶12

Tsa go Tšwa ga Puku ya Diyema

27:21. Go thanakiwa go maka gore o bone so motho a leng sona. Motho gore wa tinyanafatsa re mmona mo a leboga Jehova mo ba mo thanaka fote tsotsone di mo hlohletsela gore a ye mahlong a mo berekela. Mara motho wa gore aa tinyanafatse mo ba mo thanaka o tikwa a le kawone go phala ba bangwana.

AUGUST 25-31

MAKOLWANE KA TENG GA LENTSU LA MODIMO DIYEMA 28

Motho wa Pelo ye Phifadu le wa go Loka ba Fapana ka Ying?

w93-SE 5/15 26 ¶2

Ayitsano o Tshepa Jehova ga Dilo ka Moka?

“Ba go loka ba na le lešiši go tshwana le tawu ye nyana.” (Diyema 28:1) Ba šupetsa gore ba na le tumelo, ba tikokotlele ka Lentsu la Modimo, fote ba ya mahlong ba berekela Jehova ba šišimele le ga mayemo ya go beya maphelo ya bona kotsing.

it-2-E 1139 ¶3

Go Kwisisa

Bo ba gore ba jikela Modimo. Motho wa go dulela go sinya o thomisa go sa sa tshepela ga Modimo mo di tla ga taba ya go segelela dipheto le mo a maka dipolane. (Jobo 34:27) Motho wa mošaga wonone o dumelela pelo yage yi mo lahletsa go maka tsa go sa loka. (Pis 36:1-4) Le mo a maka nkare o rapela Modimo, o kgeta go yetisa tso batho ba bangwana ba di hlayang, aa yetisi tsa Modimo mahlong. (Jes 29:13, 14) Wa tiyemelela ga tso a di makang tsa go tšwa pateng, o tipotsa gore “wa kgana” (Diy 10:23) fote o fo ya a topela, aa na taba le ba bangwana, o nagana tsa bophokophoko, ka go nagana gore Modimo aa di bone tsa go sinya tso a di makang, ka mantsu ya mangwana o re matšhika ya Modimo ya go nagana a ma bereke. (Pis 94:4-10; Jes 29:15, 16; Jer 10:21) Gabutšibutši ka mokgo a phelang le ka mokgo a makang dilo, go fo tshwana le mo a re, “Jehova aa šiyo” (Pis 14:1-3) fote ‘o napa a lebala ka yene.’ Ka taba la gore aa yetetse ke ditšhiko tsa ka Bhayibeleng, aa kgone go yahlula gabutši, go bona mathatha gabutši, go pombhola mahlaya ka moka, kela go segelela dipheto tsa gabutši.​—Diy 28:5.

it-1-E 1211 ¶4

Go Tshepega

Re ka di kgona go dula re tshepegiye ga tso tsa Modimo mo re ka sa tisamele ka matšhika ya rune beng mara ka go ba le tumelo ya go tiya le go tisamela ka Jehova le matšhika Yage ya go re phonisa. (Pis 25:21) Modimo o tshepisa gore o nyoko “pasopa” le go ba “legawu,” ga bo ba sepelang ka go tshepega. (Diy 2:6-8; 10:29; Pis 41:12) Go dula ba karakarela go jabodisa Jehova di maka gore ba dule ba jabodiye mo maphelong ya bona, le gore ba thogo segelela tso ba di polanneng ba sa šitise ke selo. (Pis 26:1-3; Diy 11:5; 28:18) Le mo Jobo a di bonne gore ba go se na molato ba ka hlupegisiwa, ka taba la go lawola ga ye wa pelo ye phifadu fote ba ka kgwa go tshwana le ye wa pelo ye phifadu, Jehova o re wa di tšiba tso di makegelang bo ba go se na selabi fote o ba tshepisa gore lefa la bona go nyoko ba la go ya go yye, lephelo la bona le nyoko beba ku mahlong, fote ba nyoko rufiwa. (Job 9:20-22; Pis 37:18, 19, 37; 84:11; Diy 28:10) Go fo tshwana le Jobo, ke go tshepega go seng go ghanya, tso di makang gore motho a tseyediwe gedimo kela go hlompiwa. (Diy 19:1; 28:6) Phela bana ba go ba le babelegi ba mošaga wone ba jabodiye (Diy 20:7), ba tšhuta mošupetso wa gabutši wa go phela ga papa wa bona, le go berekela ke taba ya gore papa wa bona o tšibega ka tsa gabutši le gore ba mo hlompa.

Tso di Wutammeng ka Bhayibeleng

w01-SE 12/1 11 ¶3

O ka Kganela Kgole le Dilo Tsa Gore di ka Maka Gore o sa sa Berekela Modimo

Go titshepa ka matla. Batho ba go tlala ba gore dipelo tsa bona di yye dya sa sa bereka gabutši ke ba gore ne ba tipona kela ba titseya ba philegiye gabutši ho mmeleng mo ba so ko makegela ke dilo tsone. Ga go tlala ne ba yi tseyela fase taba ya go ya sepetlele kela gwe pombholiweng fote tsotsone ne di ba tshegisa ka taba la gore ba bona di sa hlokege. Go fo ba ka mokgonone ga ba bangwana ba gore ke botala go le Makreste, ba nagana gore a go na so se ka ba makegelang. Ba ka yi tseyela fase taba ya go tipombhola ga tso tsa Modimo, go šinya go segela letšatši la kotsi. Di nyaka re dula re gopola tšhiko yo Pawulo wa lepostola a bolabodiyeng ka yona ga taba ya go titshepa ka matla, mo a re: “Ye a tipotsang gore o yemme, a pasope gore a sa we.” Tso di ka re gelepang ke go gopola gore a re ya felegelela fote di nyaka re dula re tipombhola ga tso tsa Modimo.​—1 Makorente 10:12; Diyema 28:14.