Hlompa ba Bangwana

1. Ke ntaba batho ba di jabolela mo ba ba šupetsa gore baa ba hlompa? (Diyema 22:1)

AYITSANO di ya go jabodisa mo ba bangwana ba go šupetsa gore baa go hlompa? Nnete go ka mokgonone. Batho ka mokana ga bona baa di nyaka go hlompiwa. Le pelo yowa yi šala yi ro thibitha mo ba re hlompa. Phela a di re makatse mo Bhayibele yi šinya yi re, “go hlompiwa go phala silva le gholdi”!—Bala Diyema 22:1.

2-3. Ke ntaba go ka sa duli go le moroba go hlompa ba bangwana fote ke bomang bo di nyakang re ba hlompa?

² Phela go ka sa duli go le moroba go šupetsa ba bangwana gore wa ba hlompa. So se makang gore go be ka mokgonone ke gore re dula re bona mo ba kekemisang gona. Fote re phela ga dinako tsa gore batho a ba dheleli ba re tla wo bone. Mara rune a di nyake re tshwana nabo. Ke ntaba? Ka taba la gore Jehova o nyaka gore re šupetse go hlompa ga “batho ba mehlobo ka mokana ga yona.”—1 Pet. 2:17.

³ Wa tšiba di nyoko berekela runebeng mo re ka tšhuta gore di rela ying go hlompa ba bangwana le gore re ka di makamaka byang tsotsone mo re šupetsa (1) ba geru, (2) magageru le (3) bo ba gore a yi ba ka ho phutegong. Re nyoko boya re tšhuta gore re ka šupetsa byang gore re ya hlompa le mo go kene go thathafa.

ANTHE DI RA GORE KING GO HLOMPA BA BANGWANA?

4. Anthe di ra gore king go hlompa ba bangwana?

⁴ Mara o ka go hlatolla byang go hlompa? Mo ba re go hlompa ba rela go nagana ka batho le ka mokgo re ba tshwarang. Mo re di bona gore tso motho a tšibegang ka tsona di gabutši kela o makiye dilo tsa gabutši kela o na le matšhika ya gore a re lawole re mo tshwara ka mokgwa wa go šupetsa gore re ya mo hlompa. Fote a di nyake re timakisanya mo re maka tsotsone, di nyaka re di make re sa tšhofe ke motho.—Mat. 15:8.

5. King so se ka re gelepang gore re šupetse ba bangwana gore re ya ba hlompa?

⁵ Jehova o nyaka gore re hlompe ba bangwana; gabutšibutši, o fo ra gore re hlompe “bo ba yetang mahlong.” (Marom. 13:​1, 7) Mara ba bangwana ba ka fo re, “Ke tikemisele go hlompa motho ye mongwana le ye mongwana solanka a maka tsa gabutši.” Nje ke tsona? Rune malata ya Jehova a re hlompe motho ka taba la gore o makiye ying kela aa maka ying. Re hlompa ka taba la gore ga Jehova re mo nyaka ka matla fote a baa re tshwarela sampoko gore re mo jabodise, re ro di nyaka go maka ka mokgonone.—Još. 4:14; 1 Pet. 3:15.

6. Ayitsano di ya kgonega go hlompa motho wa gore yene aa go hlompe? Hlatolla. (Lebelela le sethombhe sa ka tawong.)

⁶ Ba bangwana ba ka tiputsisa gore, ‘Ayitsano di ya kgonega go hlompa motho wa gore yene aa go hlompe?’ Eya. Tseya ka mešupetso ke yowa. Phela Kgoši Sawulo o yye a poyilanya morwayi wage Jonathane gare ga batho. (1 Sam. 20:​30-34) Mara le mo go le ka mokgonone, Jonathane o f’lo ya mahlong a hlompa papage a boya a mo thega mo ba le ntweng go segela ka letšatši lo papage a kgwileng ka lona. (Ek. 20:12; 2 Sam. 1:23) Moprista ye Mogolo ye ba reng ke Eli o yye a fo re Hanna o tlayili a sa tlayila. (1 Sam. 1:​12-14) Mara, Hanna o yye a bolabola le Eli a kene a šupetsa gore wa mo hlompa, le mo yi le gore le yene Eli ditaba tsage ne di tšibega ku Israyele tsa gore o yye a šitega go wolola barwayi bage a kene a le moprista ye mogolo. (1 Sam. 1:​15-18; 2:​22-24) Fote ba bangwana ku Athene ne ba rogelela Pawulo wa lepostola ba re, anthe “o re king yenewa.” (Meber. 17:18) Le mo go le ka mokgonone, Pawulo o yye a bolabola nabo a kene a šupetsa gore wa ba hlompa. (Meber. 17:22) Mešupetso yowa yi napa yi di beya lekgwaying gore mo ga Jehova re mo nyaka ka matla, taba ya go nyaka go mo jabodisa yi ka re tšhofa gore re sa fo šupetsa ba bangwana gore re ya ba hlompa mo go le mothebenene fela, mara le mo go thathafa. Tla re boneneng gore ke mang ye di nyakang re mo hlompa fote ke ntaba.

HLOMPA BA GENU

7. King so se ka makang gore di re thathafele go tshwara ba geru ka mokgwa wa go šupetsa go hlompa?

⁷ Ntshitshire. Re fetsa nako ya go tlala re na le ba geru. Tsotsone di maka gore re ba tšibele. Ba bangwana ba lwala la gore re kwa di re thathafela gore re ba pasope kela ba šekedisa tse dingwana tsa mohlolo. Ba bangwana ba ka hlaya kela ba maka dilo tsa gore di re kwisa go baba ka matla. Phela gaye ke ga gore motho a naame a tshwane le moreke wa šuping mara ba bangwana ba ka fo thomisa mešikašika ya bona ya go tshwarana ka mokgwa wa go šupetsa go dhelela. Ke mokane wa kraya tsotsone di maka gore le go bolabodisana ba sa sa bolabodisana. Go fo tshwana le mo bolwele bo maka gore dilo tsa ho mmeleng di sa kgone go bereka ggoši, go sa hlompe go ka maka gore ka ho mutšing go šarakane, go sa be le go berekisana. Mara ka taba la gore malwele ya mangwana maa yalafega, di ra gore le ka ho mutšing re ka tšhuta taba ya go šupetsa go hlompana.

8. Ke ntaba re tshwanele re hlompane ka ho mutšing? (1 Thimothi 5:​4, 8)

⁸ Ke ntaba o tshwanele o hlompe? (Bala 1 Thimothi 5:​4, 8.) Ga lengwalo la mathomo lo Pawulo a le ngwaleleng Thimothi, o hlayye ka mokgo re tshwaneleng re pasopane ka ho mutšing. O hlatolliye gore a di nyake ka ho mutšing re hlompana ka taba la gore di ro re tlema gore re make ka mokgonone mara go be ka taba la gore re “tineyele ga Modimo.” Phela tsotsone di rela gore re maka ka mokgonone ka taba la gore ga Jehova re mo nyaka ka matla fote di fo tshwana le mo re mmerekela. Jehova ke yene a makiyeng gore go be le mutši. (Maef. 3:​14, 15) Byalo, mo re šupetsa go hlompa ga bo ba leng ka ho mutšing, re ba re hlompa Ye a thomisiyeng mutši, Jehova. Phela yi napa yi ro yela taba ya gore ke ntaba re tshwanele re hlompane ka ho mutšing!

9. Monna le mosadi wage ba ka šupetsana byang gore baa hlompana? (Lebelela le dithombhe.)

⁹ O ka šupetsa byang gore wa hlompa? Monna wa gore o hlompa mosadi wage o mo šupetsa gore ke mong lekolwane mo ba le ntoši le mo ba le gare ga batho. (Diy. 31:28; 1 Pet. 3:7) A ka sa tsoge a mo yisiye letsogo, go mo poyilanya gare ga batho kela le mong go mo tseya nkare ke tšiya ya toto. Mogageru ye mongwana wa gore ba re ke Ariela wa go dula ku Argentina o re: “Ka taba la gore mosadi waka aa titsosenyana gabutši, ka dinako tse dingwana o hlaya mantsu ya gore maa nhlaba. Mo a maka tsotsone, ke liketsa ka matla gore ke gopole gore tsowa a yi tsona tso a nyakang go di hlaya. Fote ke gopola 1 Makorente 13:5 ya gore yi n’gelepa gore ke mo fetole nkene ke šupetsa gore ke ya mo hlompa fote ke sa kukumusa dikana.” (Diy. 19:11) Mosadi o šupetsa go hlompa monnage mo a mmolabola gabutši ga ba bangwana. (Maef. 5:33) O kganela kgole le taba ya go poyilapoyilanya monnage a boya a mmitsa ka mabitso ya gore a yi wona; ka taba la gore wa di tšiba gore mokgwa wone a wa loka, wo ka maka gore tsa mošadho di tšhipe. (Diy. 14:1) Mogageru ye mongwana wa mosadi wa ku Italy wa gore monnage o hlupa ke taba ya go šekela o re: “Ka dinako tse dingwana, ke bona nkare monnaka o napa a ya takataka ka taba la go šekela. Ku botalanyana, tso ne ke di hlaya le ka mokgo ne ke pepagana ka gona ho sefahlegong ne di fo šupetsa gore a ke mo hlompe. Mara ke di bonne gore mo ke dula ke na le batho ba gore ba bolabola ka ba bangwana ba šupetsa gore baa ba hlompa tsotsone di ntšhofiye gore ke hlompe monnaka.”

10. Bo ba gore ba sa gola ba ka šupetsa ka mokgo mang gore ba hlompa babelegi ba bona?

¹⁰ Lune ba gore le sa gola, theetselaneng melawo yo babelegi ba lune ba le beyeleng yona ka ho mutšing. (Maef. 6:​1-3) Šupetsa gore wa hlompa mo o bolabola le babelegi bago. (Ek. 21:17) Mo babelegi bago ba kene ba tsofala ba nyoko go hloka ka matla. Maka so o ka se kgonang gore o ba pasope. Lebelela mošupetso wa María wa gore papage a yi Hlatse ya Jehova. Mo papage a thomisa go lwala o yye a maka gore di thathafele María gore a mo pasope. O yitseri: “Ke yye ka rapelela gore ke sa fo re ke ya mo hlompa ga papa mara ke šupetse ka tso ke di makang. Ke yye ka fetsa ka gore mo Jehova a nkgopela gore ke hlompe babelegi baka, di ra gore o ko nneya matšhika ya gore ke make ka mokgonone. Mo nako yi kene yi ya, ke di bonne gore a di nyake gore papaka a tšhentšhe mekgwa yage gore nna ke thogo mo šupetsa gore ke ya hlompa.” Mo re hlompa ba bangwana ka ho gaye le mo ba fela ba kekemisa, re šupetsa gore re hlompa Jehova ye a makiyeng gore go be le mutši.

HLOMPA MAGAGERU

11. King so se ka makang gore go thathafe go tshwara magageru ka mokgwa wa go šupetsa go hlompa?

¹¹ Ntshitshire. Magageru ma wa ma tsoga gore ma phele ka mokgo Bhayibele yi ma tšhutisang mara ka dinako tse dingwana go fo kena phehli ke mokane ba sa re tshware gabutši, ba re naganela dilo tsa go befa ba boya ba ro re kena matolong. Mo mogageru a ka maka gore go be “le so se ka makang gore ye mongwana a kokole,” re nyoko mo hlompa re re king phela. (Makol. 3:13) Mara re nyoko gelepa king barena gore re fo ya mahlong re kene re hlompa?

12. Ke ntaba go le taba ye kgolo go šupetsa magageru gore re ya ma hlompa? (2 Petro 2:​9-12)

¹² Ke ntaba o tshwanele o hlompe? (Bala 2 Petro 2:​9-12.) Ga lengwalo la mabedi lo Petro a le ngwadiyeng, o hlayye gore ba bangwana ga phutego ya Sekreste ya ku botala ba bolabodiye ka bagolo ba Makreste “bo Modimo a ba tseyelang gedimo,” ka mokgwa wa go šupetsa go sa ba hlompe. Byalo mangeloyi ya gore ma yye ma di bona tsotsone ne ma fo re king? “Mahlong ga Jehova,” a sanka ma hlaya le mong selo sa go befa ka batho bone. Ye lune! Mangeloyi yawa ya go yenela ma yye ma fo kgeta go sa bolabole selo ka batho bowa ba go ba le magetla. Mara ma yye ma fo di lisetsela Jehova gore go be yene a ba yahlulang a boya a ba wolola. (Marom. 14:​10-12; tshwanisa le Juda 9.) Le rune re ka tšhuta ga mangeloyi. Phela mo re di kgona go hlompa bo ba go re phigisa di ra gore di ka sa re šiti go hlompa magageru. Di nyaka re liketse ka matla gore re ma hlompe. (Marom. 12:10) Mo re maka ka mokgonone di fo šupetsa gore ga Jehova re ya mo hlompa.

13-14. Re ka maka byang gore re šupetse bo ba leng ka ho phutegong gore re ya ba hlompa? Beyisa. (Lebelela le dithombhe.)

¹³ O ka šupetsa byang gore wa hlompa? Mo bagolo ba tšhutisa ba bangwana, ba dula ba maka tsotsone ka mokgwa wa go šupetsa go nyakanana. (Filim. 8, 9) Mo o nyaka go wolola ye mongwana maka tsotsone gabutši o sa mo wolole mo di sa go kgahleletsiye. Magageru ya basadi ma ka tšhela letsogo ga taba ya go gelepa bo ba leng ka ho phutegong gore ba hlompane, ba sa kwane le go seba kela go sinya ba bangwana mabitso. (Tito. 2:​3-5) Ka mokana ga rune re ka šupetsa gore re hlompa bagolo ka ho phutegong ka go berekisana nabo le go ba thanaka ka mmereko wo mogolo wo ba wo makang wa go tshwara megahlano, go yeta mahlong ga mmereko wa go tšhomayela ba boya ba gelepa bo ba go “keketlela.”—Magal. 6:1; 1 Thim. 5:17.

¹⁴ Mogageru ye mongwana wa mosadi ye ba reng ke Rocío o yye a kwa di mo thathafela go hlompa mogolo ye mongwana wa gore o yye a mo yeletsa. O re “Ne ke kwatiye ka taba la gore ke kwile nkare aa bolabola le nna gabutši. Ne ke sa bolabole gabutši ka yene mo ke le gaye. Ke yye ka liketsa go titshwara mara ne ke fo kwa nkare aa nyake go n’gelepa ka boya ka sa di tseyi tso ne a n’yeletsa ka tsona.” King so se gelepiyeng Rocío? O hlatolliye gore: “Mo nkene ke bala Bhayibele ke yye ka bala 1 Mathesalonika 5:​12, 13. Mo ke di bona gore ga mogageru yewa a ke mo hlompe ke yye ka thomisa go kikita ke lekwalo. Ke yye ka rapela Jehova ka boya ka nyakolla ga dikgatiso tsa rune gore ke kraye so se ka n’gelepang gore ke tšhentšhe mokgwa wowa waka. Ke yakgoswiye ke di bona gore bothatha a bo na mogageru yewa mara nna ke fo ba ke tihlupela ke magetla. Gana byalo ke ya kwisisa gore mo nka sa tinyanafatse di ka sa be lula gore ke hlompe ba bangwana. Phela ke sa na ke lwa mong ntwa gore ke nape ke hlompa ba bangwana mara ke ya tshepa gore Jehova o titeya sekguba ka nna mo a mpona ke karakarela go maka tsotsone.”

HLOMPA BO BA GORE A YI BA KA HO PHUTEGONG

15. Ke ntaba di ka re thathafela go hlompa bo ba gore a yi ba ka ho phutegong?

¹⁵ Ntshitshire. Ga go tlala re gahlana le batho ku tšhomong ba gore ba fo tišupa gore nnete ya Bhayibele a ba kwane nayo. (Maef. 4:18) Ba bangwana a ba nyake go kwa ka molayetsa wa rune. Batho ba bangwana bo re berekang nabo kela bo re kenang nabo sekolo ba ka re tshwara go baba fote di ka makega gore bo re ba berekelang kela mathitšere ya rune le mo re makiye mmereko ba fo bona nkare a re ya maka selo. Phela tsotsone di ka maka gore tsa go ba hlompa di fo ya di kene di kgunyela fote ra thomisa go sa sa ba tshwara gabutši.

16. Ke ntaba go le taba ye kgolo go hlompa bo ba gore a yi ba ka ho phutegong? (1 Petro 2:12; 3:15)

¹⁶ Ke ntaba o tshwanele o hlompe? Sa lebale gore Jehova o kene o lebelele gore re ba tshwara byang bo ba gore a yi ba ka ho phutegong. Petro wa lepostola o yye a gopotsa Makreste gore di ka makega gore mekgwa ya wona ya gabutši yi tšhofe ba bangwana gore ba “gadimise Modimo.” O ba butsiye gore le yemelele tso le di dumelang “le bebiye le šupetsa gore le hlompa ka matla.” (Bala 1 Petro 2:12; 3:15.) Le mo di nyaka gore Makreste ma yemelele tso ma di dumelang ga ba go lawola kela ga ye mongwana le ye mongwana, di nyaka ma dule ma šupetsa gore maa hlompa. Jehova o kene o lebelele fote o theetsele tso re di hlayang le ka mokgo re di ntshang ka gona. Phela yone ke yona yi re tlemang gore re ba tshware ka mokgwa wa go šupetsa go ba hlompa bo ba gore a yi ba ka ho phutegong!

17. Re ka ba šupetsa ka mokgo mang gore re ya ba hlompa bo ba gore a yi ba ka ho phutegong?

¹⁷ O ka šupetsa byang gore wa hlompa? Mo re tšhomayela a re nyake go maka gore ba bangwana ba tikwe nkare a baa hlalefa ka taba la gore a ba tšibi dilo tsa go tlala tsa ka ho Bhayibeleng. Mara re nyaka go ba lebelela ka mokgo Modimo a ba tseyelang gedimo ka gona fote ba re phala. (Hagh. 2:7; Mafil. 2:3) Mo ye mongwana a go rogelela ka taba la so o se dumelang, kganela kgole le taba ya go busetsa kela go bolabola mantsu ya go šupetsa nkare rune re hlalefiye bona ke diphokophoko. (1 Pet. 2:23) Mo nkare o hlayye selo sa gore o tisolela sona, o fo kgopela tshwarela ka go yakgoswa. O ka šupetsa ka mokgo mang gore wa ba hlompa bo o berekang nabo? Bereka ka matla fote o liketse go ba le mokgwa wa gabutši ga bo o berekang nabo le ga bo o ba berekelang. (Tito. 2:​9, 10) Di ka makega gore batho o sa ba jabodisi mo o tshepega kela o bereka ka matla mara so re se tšibang ke gore Modimo o nyoko jabola la go sa hlayisege.—Makol. 3:​22, 23.

18. Ke ntaba di le gabutši ka matla gore re hlompe ba bangwana?

¹⁸ Go na le tsa go tlala tso di re tšhofang gore re šupetse ba bangwana gore re ya ba hlompa! Re di bonne gore mo re šupetsa gore re ya hlompa ka ho gaye, re ba re hlompa Mong wa mutši, Jehova. Go fo tshwana le mo re hlompa magageru, re ba le hlompa Papa wa rune wa legedimong. Fote mo re hlompa bo ba gore a yi ba ka ho phutegong re ba re maka gore di be lula ga bona gore ba gadimise kela ba hlompe Modimo wa rune wa go bafala ka matla. Le mo ba bangwana ba sa re hlompe, re sa yi ka bona, koriyeneng mahlong re ba hlompa. Ke ntaba? Ka taba la gore Jehova o nyoko re rufa ra šala re bafele. O re tshepisiye gore: “Ke nyoko hlompa bo ba nhlompang.”—1 Sam. 2:30.