Thoma ka bo ba Gore Baa di Nyaka go Kwa Ditaba Tsa go Bafala

1. Batho ba maka byang mo ba kwa ditaba tsa go bafala? (Mebereko 13:​47, 48; 16:​14, 15)

BATHO ba go tlala ku botala ba yitseri go kwa nnete ba napa ba nyaka go ba Makreste. (Bala Mebereko 13:​47, 48; 16:​14, 15.) Le lekgono go fo ba ka mokgonone, ba bangwana mo ba kwa ditaba tsa go bafala la mathomo, ba jabola ka matla. Le batho ba gore ba thomisiye ba šupa nkare a ba na taba le molayetsa wa Mmušo, di ka makega gore mo nako yi kene yi sepela ba kwe ba nyaka go tšhuta ka Modimo. Di nyaka re maka ying mo re kraya batho ba gore “ba tlalele” ga tsa gabutši mo re kene re tšhomayela?

2. Mmereko wa rune wa go maka malata wo tshwana byang le wa motho wa go lima?

² Bona mošupetso ke wowa. Mmereko wa rune wa go maka malata wo tshwana le wa motho wa go lima. Mo diyengwa tsa mohlare wo mongwana di butšwiye, ye a limang wa di kga le mo nkare go gongwana mo tšhomong yage o sa lukisa mobu kela o sa gaša. Le rune mo re kraya motho wa gore wa di nyaka go theetsela molayetsa wa rune, re nyaka go yakgoswa re mo gelepa gore a be lelata la Kreste. Mara bo ba gore ba sa jikajika le bona a re ba lisetsi, re ya mahlong re liketsa go ba šupetsa gore molayetsa wo di nyaka ba wo tseyele gedimo. (Joh. 4:​35, 36) Go kwisisa go nyoko maka gore re hlawole mokgwa wa gabutši wa go ba gelepa. Ga hlogotaba yowa, re nyoko tšhuta gore di nyaka re make ying mo re bolabola la mathomo le batho ba gore baa di nyaka go kwa ditaba tsowa tsa go bafala. Re nyoko bona le gore re ka ba gelepa byang gore ba ye mahlong ba gola ka mo ga tso tsa Modimo.

O KA BA GELEPA BYANG BO BA GORE BAA DI NYAKA GO KWA DITABA TSA GO BAFALA?

3. Re ka maka ying mo re kraya motho wa gore wa di nyaka go kwa ditaba tsa go bafala? (1 Makorente 9:26)

³ Mo re kraya batho ba gore ba di nyaka go kwa ditaba tsa go bafala, re nyaka go ba gelepa gore ba thomise go sepela pateng ya gore yi bakiye lephelong. Mo re gahlana le batho ba mošaga wonone, di nyaka re napa re kgopela go tšhuta nabo Bhayibele fote re ba meme megahlanong le mo go le la mathomo re bolabola nabo.—Bala 1 Makorente 9:26.

4. Re hlayisele ka ye mongwana wa gore ne a tikemisele go napa a thomisa go tšhuta Bhayibele.

⁴ Kgopela go tšhuta naye Bhayibele. Ba bangwana bo re bolabolang nabo ba tikemisele go napa ba thomisa go tšhuta Bhayibele. Mo re beyisa, tšatšenngwana ngwannyana ye mongwana o tsere sepukwane sa Tikwise ka Lephelo go ya go Yye! ga sekoloyyane sa dipuku, ke mo go le Labone. Mogageru wa mosadi ye ne a le mone ga sekoloyyane sone o mo hlatollele gore ba ka tšhuta naye Bhayibele mahala ka sepukwane sone. Ngwannyana yene ne a di jabolela fote ba neyana dinombhoro tsa fowunu. Ka nthagonyana ka lona letšatši lolone, ngwannyana yela a ngwalela mogageru wa rune wa mosadi molayetsa, a mmutsisa gore ba ka tšhuta neng. Mo mogageru wa mosadi a mmotsa gore a ka tla ka Mokibela kela ka Lesonto, ngwannyana yela a re: “Ke ntaba o sa tle ka motshwana? A ke make selo.” Ba thomisiye go tšhuta ka Labohlano lolone. Ngwannyana yene o yye mogahlanong la mathomo ka yona beke yonone fote a thomisa go ba le senghana le Jehova.

5. Re ka šupetsa byang gore re ya kwisisa mo re kgopela go tšhuta le motho? (Lebelela le dithombhe.)

⁵ Ke nnete gore a re ya yemela gore batho ka mokana ga bona bo ba theetselang molayetsa wa rune ba kwe di ba tšhofa go tshwana le ngwannyana yela. Ba bangwana di ka tseya nako gore ba kwe di ba tikisa. Di ka nyaka re thomisa ditaba ka go bolabola ka taba ya gore motho yene wa nyaka go tšiba ka yona. Mo re ya mahlong re tseya motho yene gabutši fote re šupetsa gore re ya tihlupa ka yene, go se botala o ka kraya re šele re thomisiye go tšhuta naye Bhayibele. Re ka re king mo re kgopela go tšhuta naye? Tla re boneneng gore magageru ya mangwana ya gore ma teya ma tshwarelele ga taba ya go thomisa go tšhuta le batho Bhayibele ma re king.

6. Re ka maka byang gore re thogo ya mahlong re bolabola le motho wa gore wa di jabolela go kwa ditaba tsowa?

⁶ Batšhomayedi le mašupatsela ya mangwana ba hlatolliye gore ga dinaga tse dingwana di ka ba gabutši ka matla mo ba sa berekisi mantsu ya go tshwana le ya gore “go tšhuta,” “go tšhuta Bhayibele” kela “go tšhutisa” mo ba bolabola ka taba ya go tšhuta le motho Bhayibele. Mara ba di bonne gore dya ba berekela mo ba berekisa mantsu ya go tshwana le “go petapeta,” “go bolabola” kela “go tšiba tsa go tla ka Bhayibele.” O ka maka gore motho yene a nyake go kwa tsa go tlala ka fo re, “Wa tšiba di ya makatsa gore ka ho Bhayibeleng go na le diphetolo tsa diputsiso tsa gore di hlupa batho ba go tlala,” kela wa re “Bhayibele a go fo ba puku ya sedumedi; yi re gelepa ga dilo tso re ghulanang natso ka moka matšatši.” O ka tokegela ka gore: “A di tseyi nako; o ka tšhuta se sengwana sa gore se ka go gelepa lephelong ka 10 kela 15 ya diminetsi.” A di nyake o ro šinya o hlaya gore le nyoko bala “beke ye nngwana le ye nngwana” ka gore tsotsone di ka maka gore motho a kwe nkare o tilogetsa ga gore a ka sa kgone le go wona.

7. Ke leng mo ba bangwana ba yyeng ba thomisa go tšhuta nnete ya Bhayibele? (1 Makorente 14:​23-25)

⁷ Mo meme gore a tle mogahlanong. Di šupetsa nkare ka dinako tsa Pawulo wa lepostola, batho ba bangwana ba di bonne gore ba tšhuta nnete ya Bhayibele mo ba thomisa go ya mogahlanong wa Sekreste. (Bala 1 Makorente 14:​23-25.) Le lekgono go fo ba ka mokgonone. Ba go tlala ba ba le senghana sa thina le Jehova ka go yakgoswa mo ba thomisa go tla megahlanong ya rune. Byalo, o ka thomisa go ba mema leng? Puku ya gore Tikwise ka Lephelo go ya go Yye! yi na le ga gore o ka mema motho hala ga setšhuto 10, mara a di nyake o yemela gore o segele ga sekopa sone gore o mo meme. Mo o sa thomisa go bolabodisana le motho yene, o ka mo mema gore a tle mogahlanong ka Lesonto, nakwenngwana o ka mmotsa le ka hlogotaba ya polabolo ya batho ka moka kela so o se kotiyeng ga Setšhuto sa Sewokamelo sa beke yonone.

8. Mo re mema motho megahlanong, king tso re ka mmotsang tsona? (Jesaya 54:13)

⁸ Mo o mema motho wa gore wa jabolela megahlanong, mo hlatollele ka mokgo megahlano ya rune yi fapanang ka gona le dikereke tso ne a tlwayele go ya ga tsona. Mo ye a tšhutisiwang Bhayibele a sa thomisa go bona ka mokgo Sewokamelo se tšhutiwang ka gona mogahlanong, o butsisiye ye a mo tšhutisang Bhayibele gore, “Anthe ye a gapang Sewokamelo o tšiba mabitso ya batho bowa ka moka?” Mogageru wa mosadi o mo fetodiye ka gore, ka mokana ga rune re liketsa ka matla go tšiba mabitso ya batho bo ba leng ga phutego ya rune, go fo tshwana le mo re tšiba mabitso ya mašaga ya rune. Ke mokane ye ba tšhutang naye Bhayibele o yitseri ga kereke ya bona a ba tšibanane ka mabitso. Fote re ka hlatollela motho yene ka mokgwa wo mongwana wa go šupetsa gore megahlano ya rune yi fapana mo di tla kaye le dikereke tse dingwana. (Bala Jesaya 54:13.) Re ya mogahlanong gore re thogo rapela Jehova, re tšhute gage le gore re thogo tiyisana. (Maheb. 2:12; 10:​24, 25) Nka taba lo megahlano ya rune ba yi makeleng gore yi thogo re tšhutisa fote ga yona a go kenakene menyanya ya ditšo. (1 Makor. 14:40) Diholo tsa rune ba di yagiye ka mokgwa wa gabutši ka taba la gore re yela go tšhuta. Ka taba la gore a re kenakene ditaba tsa dipolotiki fote le go bolabolanya ka tsona aa re make. Fote a re phigisane mo re sa bone dilo go tshwana. Di ka mmerekela ka matla ye a tšhutisiwang Bhayibele mo o ka fo mo šupetsa vidiyo ya gore, Go Makega Ying ka Holong ya Mmušo? Ka mokgonone o ko ba a lekiye ka gonyana gore go makega ying megahlanong ya rune.

9-10. Mo re mema motho gore a tle mogahlanong, re ka maka byang gore a di tshepe tsa gore re ka sa mo gapeletsi gore a tšhele letsogo ga wona? (Lebelela le sethombhe.)

⁹ Ba bangwana ba fo jikajika mo ba tshwanele ba tle megahlanong, ka taba la gore ba tšhaba gore re ka ba kgopela gore ba lisetse kereke ya bona ke mokane go be Dihlatse tsa Jehova. Mara, maka gore motho yenene a di tshepe ka go mmotsa gore re jabolela go ba le divakaši fote a re gapeletsi motho gore go be ye mongwana wa rune kela go tšhela letsogo megahlanong. Mitši ka mokana ga yona yi lokolugiye gore yi ka tla re ra le mong bo ba gore ba na le bana ba banyana. Ga megahlano ya rune bana a ba ba tšhutise tsa bona ba ntoši. Mara babelegi le bana ba dula ggoši fote ba tšhuta ggoši. Ka mokgonone babelegi baa di tšiba gore bana ba bona ba pasopegiye le gore ba tšhuta ying. (Dot. 31:12) Aa re kolekisi meneyelo kela go neyela ka dienvolopo. Mara re theetsela tso Jeso a di hlayyeng mo a re: “Modimo o le neyye mahala, le lune le sa patedisi.” (Mat. 10:8) Fote o ka mmotsa le gore a di nyake a šinya a reka dikobo tsa go tura gore a thogo ba gona megahlanong. Modimo aa lebelele ka mokgo motho a leng mara o lebelela pelo.—1 Sam. 16:7.

¹⁰ Mo motho yene a tla megahlanong, maka so o ka se kgonang gore a tikwe a le mong gaye. Mo tšibise ga bagolo le ga batšhomayedi ba bangwana. Mo a ka fo tikwa a le mong gaye di ka makega gore a boye fote. Ka nako ya mogahlano mo nkare aa na Bhayibele lebelela naye ga yago fote o mo šupetse gore re sipidisana ka mokgo mang le ye a beyang polabolo kela tso re di tšhutang.

MAKA TSOWA MO LE THOMISA GO TŠHUTA BHAYIBELE

11. O ka šupetsa ka mokgo mang gore o hlompa nako ya motho ye o tšhutang naye?

¹¹ King so di nyakang re dula re se gopola mo re tšhuta Bhayibele le motho ye mongwana? Hlompa nako ya motho yene fote o dule o di kwisisa gore o ko fela a ba le tso a tshwaraganang ka tsona. Mo re beyisa, tshwara nako yo le kwanneng gore le nyoko thomisa go tšhuta ka yona, le mo nkare batho ba poleke yo o dulang ga yona a ba kwane le go segela ka nako. Go tokegela gana hone, di ka ba gabutši ka matla gore mo o sa ya la mathomo, o sa lefisi setšhuto sone. Batšhomayedi ba bangwana ba gore ba tšhutiye Bhayibele le batho ba go tlala ba re di gabutši ka matla gore o yakgoswe o fetsa setšhuto sone, le mo nkare motho yene o sa na a nyaka go kwa tsa go tlala. Barena, o sa bolabolanye ka matla. Lisetsa ye o tšhutang naye a bolabole ka mokgo yene a tikwang.—Diy. 10:19.

12. King so di nyakang re di segelela mo re thomisa setšhuto sa Bhayibele?

¹² Di sa fo re psyee, so di nyakang o tikemisele go se maka ke go gelepa ye o tšhutang naye gore a tšibe Jehova le Jeso le gore a ba nyake ka matla. Tsotsone o di maka ka go mo šupetsa tso Lentsu la Modimo le di hlayang, o sa mmotse tso wene o di naganang le go mo kganyisela gore wene o tšiba Bhayibele go segela kaye. (Meber. 10:​25, 26) Ga go tlala mo Pawulo wa lepostola a tšhutisa, ke mo a libisa tso a di tšhutisang ga Jeso Kreste, yene ye Jehova a mo rommeng gore a tle a re gelepe gore re thogo tšiba Modimo le go mo nyaka ka matla. (1 Makor. 2:​1, 2) Pawulo o makiye le gore di be lekgwaying gore ke mong selo se segolo go gelepa malata ya nyuwane gore ma be le mekgwa ya go bafala ya gore ba yi tshwanisa le gholdi, silva le matlapa ya gore ba ma tseyela gedimo. (1 Makor. 3:​11-15) Ga mekgwa yone ya gore ba yi tseyela gedimo go kena le tumelo, go hlalefa, go tšiba sa gabutši le sa gore a yi sa gabutši, le go tšhaba Jehova. (Pis. 19:​9, 10; Diy. 3:​13-15; 1 Pet. 1:7) Yekisela mokgwa wa Pawulo wa go tšhutisa ka go gelepa bo o tšhutang nabo gore ba be le tumelo le senghana sa thina le Papa bona wa ku legedimong wa gore fote wa nyakanana.—2 Makor. 1:24.

13. Re ka šupetsa ka mokgo mang gore re lefisiye pelo fote re ya kwisisa mo re kene re gelepa bowa ba gore baa jabolela? (2 Makorente 10:​4, 5) (Lebelela le sethombhe.)

¹³ Kopisela mokgwa wa Jeso wa go tšhutisa ka go šupetsa gore o lefisiye pelo le gore wa kwisisa. Kganela kgole le go mmutsisanya diputsiso tsa gore di maka gore a tikwe a tšebiye. Mo nkare go na le taba ya gore ya mo thathafela go yi kwisisa, a di hlokege gore le fo gagarela ga yona. Mara, le ka ya mahlong ka setšhuto sone ke mokane le ko boyeng ga taba yone ka nthago. O sa mo gapeletsi gore a yamogele taba yo o mo tšhutisang go soko bane go le nako—mo neye nako ya gore nnete yi thogo mila ka ho pelong yage. (Joh. 16:12; Makol. 2:​6, 7) Bhayibele yi re dilo tsa matsaka tso ba di tšhutisang di tshwana le “dilo tsa gore di tsikiye” tsa gore di nyaka re di “wisa.” Ka mmolabolo wo ba ngwadiyeng Bhayibele la mathomo ka wona, Bhayibele howa yi berekisiye mantsu ya go hlatolla sethombhe sa go bolabola ka sewokamelo sa gore di nyaka ba se psyitlanye. (Bala 2 Makorente 10:​4, 5.) Di ka fo sa be lula gore ye o tšhutang naye Bhayibele a lomoge ga dilo tsa gore ke botala a di dumela. Byalo, di nyaka re mo gelepe gore a thomise ka go tiyisa tshepo yage ga Jehova. Ke mokane di nyoko mo fefogela gore a lisetse dilo tso ne a midiye midu ga tsona tsa gore ne a dumela.—Pis. 91:9.

MO BA THOMISA GO TLA MEGAHLANONG

14. Bo ba gore ba sa thomisa go tla megahlanong ya rune re tshwanele re ba tshware byang?

¹⁴ Jehova o nyaka gore re tshware batho ka mokana ga bona gabutši di sa yi ka gore ba tšwa kaye, ke ba setšo sa mošaga mang ba na le sekwetše kela dho. (Jak. 2:​1-4, 9) Byalo, bo ba gore ba sa thomisa go tla megahlanong ya rune re ka ba šupetsa ka mokgo mang gore re ya ba nyaka?

15-16. Re ka ba gelepa ka mokgo mang bo ba gore ba sa thomisa go tla megahlanong ya rune gore ba tikwe ba yamogelegiye?

¹⁵ Batho ba bangwana ba tla megahlanong ya rune ka taba la gore ba nyaka go bona gore go makega ying ga yona kela ka taba la gore ye mongwana wa gore o dula ga poleke ye nngwana o ba hlohletsele gore ba tle ga megahlano yone. Byalo, mo re bona motho wa gore o sa thomisa go tla ga mogahlano wa rune re sa mo kganyele re bolabole naye. Maka gore a tikwe a yamogelegiye. Mmitse gore a dule nago. Lebelela naye ka Bhayibeleng yago le ga kgatiso yo yi tšhutiwang kela le mo neyeneng tsage. Go tokegela gana hone, maka gore a tikwe a lokolugiye. Morene mongwana wa gore ne a vakašele Holong ya Mmušo o butsiye mogageru ye a mo yamogeleng gore ne a tšhugiye ka taba la gore ne a sa yapara go tshwana nabo. Mogageru yene o yye a maka gore a tikwe a lokolugiye ka go mo hlatollela gore rune Dihlatse Tsa Jehova le mo re yapara ka mokgo mo re tla megahlanong mara re fo titshwanela le batho ka moka. Morenene ka nthago o yye a feleletsa a kolobetsiwwe mara a sanka a lebala ka mokgo mogageru yene a yyeng a maka gore a tikwe a lokolugiye. Tso di nyakang re di pasope ke tsowa: Mo re bolabola le bo ba re vakašeleng mo mogahlano wo soko thoma kela ka nthago, re ba šupetse gore re ya ba jabolela mara re sa nape re tšhela dinko ga ditaba tsa gore a di re nyake.—1 Pet. 4:15.

¹⁶ Se sengwana so se ka makang gore bo ba re vakašeleng ba kwe ba yamogelegiye ke gore re šupetse gore re ya hlompa mo re bolabodisana, re fetola le mo re bolabola se sengwana ga mogahlano wa rune sa gore se bolabola ka ba gore a yi Dihlatse kela ka tso ba di dumelang. Kganela kgole le mantsu ya gore ma ka ba kwatisa kela ya gore ma ka maka gore ba nape ba yi yya. (Tito. 2:8; 3:2) Mo re beyisa, re ka sa bolabole ka tso ba di dumelang ka mokgwa wa go šupetsa go dhelela. (2 Makor. 6:3) Ga taba ya mošaga wonone, di nyaka magageru ya gore ma beya dipolabolo ma pasope ka matla. Fote ma ko ba ma šupetsa gore le bo ba gore a yi Dihlatse a ma ba takisi maahlo ka go hlatolla gabutši mantsu ya gore di ka ba thathafela gore ba ma kwisise.

17. King so re nyakang go se segelela mo re kraya bo “ba gore ba tlalele ga lephelo la go ya go yye” ku tšhomong?

¹⁷ Mmereko wa rune wa go maka malata o napa o yakgoswa ka matla mo matšatši ma kene ma takamela fote re ya mahlong re nyaka batho “ba gore ba tlalele ga lephelo la go ya go yye.” (Meber. 13:48) Mo re ba kraya, re sa jikajike go kgopela go tšhuta nabo Bhayibele kela go ba mema gore ba tle megahlanong. Mo re maka ka mokgonone, re ka di kgona go ba gelepa gore ba make se sengwana sa gore se ga pata “ya gore yi bakiye lephelong.”—Mat. 7:14.