1925​—⁠Lekgolo la Mengwaga ya go Fela

MO TSO NE RE DI YEMELE DI SA MAKEGE

Bo ba go Tšhuta Bhayibele ba go tlala ba bona ne ba tseya gore ka 1925 lefase ne go nyoko ba Pharadeyisi. Ke ntaba mara? Mogageru Albert Schroeder, wa gore ka nthago go yye gwa ba ye mongwana wa ba Mogoba wa go Lawola, o hlayye gore: “Ne re tseya gore ka 1925 bo ba go tlotsiwa ba nyoko ya legedimong ke mokane bo ba gore baa tshepega ba go tshwana le Abhrahama, Dafita ba nyoko tsusiwa ba phela ho lefaseng.” Byalo, mo ba bona tsotsone di sa makege ba bangwana ba bona ba yye ba kgongwela.—Diy. 13:12.

Le mo nkare ne ba tšebiye, bo ba go Tšhuta Bhayibele ba go tlala ba bona ba yye mahlong ba tšhomayela. Ba yye ba thomisa go di bona gore go tšhomayela ka Jehova ke wona mmereko wa go tseyediwa gedimo wo ba tshwaneleng ba wo make. Tla re lebeleleneng ka mokgo ba yyeng ba berekisa wayilisi gore ba thogo tšhomayelela batho ba go tlala.

GO THOMISA GO BA LE DITIŠI TSA WAYILISI TSA GO TLALA

Ka 1924 batho ba go tlala ne ba theetsela setiši sa wayilisi sa WBBR. Ke mokane ka 1925 bo ba go Tšhuta Bhayibele ba yye ba yaga setiši se sengwana sa wayilisi, gana byalo ne se le thina le Chicago, Illinois. Lebitso la setiši sone sa nyuwane ne go le, WORD. Ralph Leffler wa gore o yye a gelepa go yaga setiši sone o yitseri, le mo go bata ka malobana ya mo go kgana setiši sone, batho ba go tlala ba go tšwa ga dipoleke tsa kgole ne ba theetsela setiši sowa. Mo re beyisa mutši wo mongwana wa gore ne wo dula go feta gana hala ga 5 000 ya dikhilomitha ku Pilot Station, Alaska, wo yye wa theetsela mo re sa thomisa go tšhomayela ka wayilisi. Ka nthago ga mo wo fetsiye go theetsela, mutši wone wo yye wa ngwalela bo ne ba bereka ga setiši sone lengwalo la go ba leboga gore ba lukiselele letheto la gore le yye la ba tiyisa le go ba gelepa gore ba tšibe tsa go tlala ka Modimo le ka Bhayibele.

Sewokamelo sa December 1, 1925, se hlatolla gore ke ntaba batho ba go tlala ne ba kgona go theetsela letheto lone. Se yitseri: “WORD ne go le se sengwana sa di setiši tse dikgolo hala United States. Le batho ba go dula marophong ya bohlabela le bodikela bya United States ne ba theetsela setiši sowa. Ba go tlala ba gore a sanka ba kwa nnete ne ba jabolela go theetsela setiši sowa.”

Ka dinako tsotsone bo ba go Tšhuta Bhayibele ne ba karakara ka matla gore ba berekise wayilisi go tšhomayela ditaba tsa go bafala hala Canada. Ka 1924 ba yye ba yaga setiši sa CHUC hala Saskatoon, Saskatchewan. Ne go le mong setiši sa mathomo sa gore se bolabola ka sedumedi hala Canada. Ka 1925 setiši sowa ne tshwanele gore se rulele go nngwana. Byalo, Watch Tower Society yi yye ya tlosa setiši sone hone ke mokane sa rurela ga moyago wo mongwana wa botala wa hala Saskatoon wa gore ba wo rekiye fote ba wo lukisa.

Ye barena, setiši sowa re se leboga ka matla ka taba la gore batho ba go tlala ba go dula ga dipoleke tse dinyana le ga dipoleke tsa magayeng tsa Saskatchewan ba yye ba kwa ditaba tsa go bafala mong la mathomo. Mo re beyisa, ga toropo ye nngwana ya gore yi thooko, mosadi ye mongwana wa ga Graham o yye a ngwalela gore o kgopela dikgatiso tsa go bolabola ka Bhayibele ka nthago ga mo a theetsele letheto lone. Mogageru George o hlayye gore nakwela a kgopela go gelepiwa ne di šupetsa nkare ke mong taba ya gore yi yakgoswiye ka matla tsa gore re yye ra šinya re mo romela puku ya Studies in the Scriptures ka mokana ga yona. Go se botala mmane yela wa ga Graham ne a šele a sabalatsa molayetsa wa Mmušo kgole le gaye.

NNETE YA GO DI PHALA KA MOKA

Sewokamelo sa March 1, 1925, ne se na le hlogotaba ya gore yi tseyediwa gedimo ka matla ya gore yi re, “Setšhaba sa Nyuwane ke Sowa.” Ke ntaba hlogotaba yowa yi tseyediwa gedimo ka matla? Bo ba go Tšhuta Bhayibele ne ba šele ba di tšiba tsa gore Sathane o lawola madimona, sedumedi sa matsaka, memmušo le dibhizinisi tsa lefase lowa. Dilo tsowa ka mokana ga tsona di lawola ke yene. Mara, “lelata la go tshepega la gore fote le hlalefiye” le yye la berekisa hlogotaba yone go gelepa magageru gore ma thogo kwisisa taba ya gore malata ya Jehova ya ku legedimong le ho lefaseng yi ro ba mong ngata ka yyoši. A ba kene felo ga tsa lefase lowa la Sathane fote ba bereka ggoši go thega Jehova fote ba tšhinghela Sathane le bo ba mo latelelang. (Mat. 24:45) Go tokegela gana hone, lelata le hlatolliye gore Mmušo wa Modimo wo thomisiye ka 1914 fote ka wona mongwaga wonone, go yye gwa ‘thomisa ntwa ku legedimong’ fote Sathane le madimona yage ba yye ba ba raka ku legedimong gana byalo ba ho lefaseng.—Kut. 12:​7-9.

Ba bangwana ne di ba thathafela gore ba yamogele taba yone. Gore ba thogo yamogela taba yowa, hlogotaba yela yitseri: “Mo nkare go na le bo ba balang Sewokamelo sowa ke mokane ba sa dumelelane le tso ba di hlayang, ba fo lefisa pelo fote ba tshepe Jehova mo ba kene ba ya mahlong ba mmerekela ka go tshepega.”

Mara Tom Eyre wa gore ne a tšibega go le motho wa go tsama a sabalatsa dikgatiso tsa go bolabola ka Bhayibele (gana byalo ba re ke mošupatsela) wa go tšwa Britain, o bolabodiye ka mokgo ba go tlala ba go Tšhuta Bhayibele ba yyeng ba tikwa ka gona ka hlogotaba yela, o re: “Magageru ne ma jabodisa ke hlatollo ya Kutullo 12. Mo re thomisa go kwisisa gore Mmušo wa Modimo wo lawola ku legedimong, ne re jabolele go botsa ba bangwana ka ditaba tsowa. Tsotsone di makiye gore re nyake go tšhomayela go phala mathomisong fote di re gelepiye go bona gore Jehova o nyoko maka dilo tsa go bafala ku mahlong.”

GO TŠHOMAYELA KA JEHOVA

Lekgono Dihlatse Tsa Jehova di le tšiba ka matla lengwalo la Jesaya 43:​10, la gore: “‘Lune ke lune dihlatse tsaka. Ka nnete ke lune malata yaka ya gore ke ro ma hlawola.’” Mara mo go soko bane go ba 1925, lengwalo lowa ne ba sa le berekisi ka matla ga dikgatiso tsa rune. Mara tsotsone di yye dya tšhentšha. Phela ka 1925, Sewokamelo se yye sa bolabola ka lengwalo la Jesaya 43:10 ga hlogotaba 12 le 11 ga makazini wone!

Mafelelong ya August 1925, bo ba go Tšhuta Bhayibele ne ba gahlanne ggoši mogahlanong ku Indianapolis, Indiana. Mogageru Rutherford ne a ngwadiye molayetsa wa go yamogela divakaši. Molayetsa wone ne ba wo phrinthiye ga letheto la mogahlano. Ne wo re: “Re tlile ga mogahlano wowa wo mogolo gore re kraye . . . matšhika ya go tšwa ga Morena ya gore re thogo boyela tšhomong re na le matšato ya go tšhomayela le ya go ba dihlatse tsage.” Ga mogahlano wone wa go tseya mabala ya matšatši, bo ne ba le gana hone ba ba hlohletsele gore ba ye mahlong ba tšhomayela ka Jehova go gongwana le go gongwana.

Ka Mokibela wa August 29, Mogageru Rutherford o yye a beya polabolo ya gore, “Tla re Keneneng Fase.” Ga polabolo yage o yye a šihlela taba ya gore ke ntaba mmereko wa go tšhomayela wo tseyediwa gedimo, o yitseri: “Jehova o botsa batho bage gore . . . : ‘Ke lune dihlatse tsaka . . . nna ke nna Modimo.’ Ke mokane o ba botsa gore ba make tsowa: “Yemisela batho sefoka.” Phela ho lefaseng a go na batho ba gore ba yemisela batho sefoka mo go se [batho bage], ba gore ba na le moya wa morena ba gore fote ke dihlatse tsage.”—Jes. 43:12; 62:10.

Ka nthago ga polabolo yage, Mogageru Rutherford o yye a bala lephephe le lengwana la gore ne ba re ke “Molayetsa wa Tshepo.” Bo ne ba theetsele polabolo yone ba yye ba dumelelana le so molayetsa wone ne wo se hlaya, wa gore wo yitseri Mmušo wa Modimo ke wona wo ntoši wo re tshepeleng ga wona gore wo nyoko re “rufa ka go beba, go phelega, lephelo, go lokologa le go jabola go ya go yye.” Molayetsa wowa ba yye ba wo phrintha gore ba thogo wo berekisa tšhomong. Ba yye ba sipidisa gana hala ga 40 ya dimiliyoni tsa maphephe yane.

Bo ba go Tšhuta Bhayibele ba tsere mengwaga ya go tlalanyana ba sa tšhentšhi lebitso la bona gore go be la gore Dihlatse Tsa Jehova. Mara ne ba thomisa go kwisisa ka mokgo go leng taba ye kgolo gore ba tšhomayele ka Jehova.

GO BOYELA GA BO BA GORE BAA DI JABOLELA

Ka taba la gore bo ba go Tšhuta Bhayibele gana byalo ne ba tlele ka matla lefaseng ka mokana ga lona, mokgahlo wo yye wa hlohletsela gore ba sa fo sipidisa dikgatiso fela mara ba boyele ga batho bone ba gore ba šupetsa ba jabolela ditaba tsa go bafala. Ka nthago ga letsima la go sipidisa sephephane sa Molayetsa wa Tshepo sa Bulletina sa gore ne se ba botsa gore: “Boyelaneng le vakašele batho ba gore le ba šiyele sephephane sa Molayetsa wa Tshepo.”

Kgatiso ya January 1925 ya Bulletin ne yi bolabola ka mantsu ya ma hlayyeng ke ye mongwana wa go Tšhuta Bhayibele wa go dula hala Plano, Texas ya gore: “Phela ne re makatsa ke gore mo re boyela ga dipoleke tsa gore re yye ra di tšhomayelela ku mathomisong, maphomela ya gona ne ma jabodisa ka matla. Toropo ye nyana ya mo ne ke dula gona ba yye ba yi tšhomayelela ga hlano ga lesome ya mengwaga ya go fela. . . . Go se botala Mogageru wa mosadi Hendrix le mmane waka ba yye ba tšhomayela gana hone fote ba yye ba sipidisa dipuku tsa go tla go phala mathomisong.”

Fote ga naga ya Panama, ye mongwana wa go tsama a sabalatsa dikgatiso tsa go bolabola ka Bhayibele o ngwadiye gore: “Batho ba go tlala ba gore ba yye ba gana go ntheetsela la mathomo mo ke ba vakašela ne ba šele ba tšhentšhiye mokgwa wone wa bona mo ke boyela ga bona fotefote. Ga mongwaga wa go fela ke yye ka fetsa nako ya go tlala ke boyela ga bo ke yyeng ka ba vakašela fote go yye gwa makega dilo tsa go jabodisa mo ke le nabo.”

TSO DI NYOKO MAKEGANG KU MAHLONG

Mo go fela 1925, Mogageru Rutherford o ngwalele mašupatsela a ma hlatollela tso ba di segeleleng ga mmereko wa go tšhomayela le gore ne di nyaka ba make ying. O yitseri: “Ga mongwaga wa go fela, le makiye mmereko wo mogolo ka matla wa go kgomoletsa ba go tlala ba gore ne ba kgongwele. Mmereko wowa wo makiye gore le jabole stereka . . . Ga mongwaga wa go latela le nyoko thulegela ke mašuba ya gore le be Dihlatse tsa Modimo le Mmušo wage la boya la šupetsa gore bo ba mo rapelang tsa mannete ke bomang. . . . Koriyeneng mahlong re berekisa mantsu ya rune gore re thanake Modimo wa rune le Kgoši ya rune.”

Mo mongwaga wa 1925 wo šele wo nyoko fela, magageru ne ma maka dipolane tsa go gudisa meyago ya wona ya hala Brooklyn. Ka mongwaga wa 1926, ne ba nyoko thomisa mmereko wo mogolo wa go yaga wa gore ke la mathomo mokgahlo wo wo yaga.