Jehova ‘o Maka Gore re Jabole ka Matla’

1-2. (a) Ke seyemo sefeng so ba go tlala ba lebanneng naso lekgono? (b) Re nyoko handahanda ka ying ga hlogotaba yowa?

BATHO ba go tlala lekgono ba re ba ka mpa ba tlopoga le hlogo go fo re ba tipone ba jabodiye. Mara le mo ba kene ba liketsa sela le sela, ba sa na ba šošopanne ka gore a baa jabola. Gabutšibutši batho ba go tlala ba kgongwele fote ba bona nkare a go na so se ko tsogang se lukiye. Re ra le mong batho ba Jehova, taba yowa le bona ya ba hlupa. Ka taba la gore re phela ga “dinako tsa mafelelo,” re dula re di yemele tsa gore re ko gahlana le seyemo sa gore ‘gwa thathafa go lebana naso.’—2 Thim. 3:1.

² Ga hlogotaba yowa, re nyoko fo re handahanda ka dilo tsa gore di ka kgufula taba ya rune ya go jabola le gore re ka gelepa king gore re jabole fote. Mara re soko ya kgole, tla re lebeleleneng gore ke mang ye a ka re gelepang gore re jabole tsa mannete.

KE MANG YE A KA MAKANG GORE RE JABOLE TSA MANNETE?

3. Re tšhuta ying ga dilo tso Jehova a di makiyeng? (Lebelela le dithombhe.)

³ Jehova ke mo a fo dula a jabodiye go tlugisela go ba yene. Fote o nyaka gore le rune re jabole. Nka taba lo a makiyeng dilo tsa go tlala tsa go re jabodisa. Mo re beyisa, re ya jabola mo re bona lefase lowa la rune la gore le na le dikhala tsa go tlala tsa mohlobohlobo, re jabodisa ke mo re bona diphoolwane di kgana fote re fo kwa re booga mo re ja tsa go ja tso re kwanang natso ka matla. Ye lune, ka nnete Modimo o re nyaka tsa mannete fote o nyaka re tikwise ka lephelo!

Baby elephant: Image © Romi Gamit/Shutterstock; penguin chicks: Vladimir Seliverstov/500px via Getty Images; baby goats: Rita Kochmarjova/stock.adobe.com; two dolphins: georgeclerk/E+ via Getty Images

4. (a) Jehova o di kgona byang tsa go dula a jabodiye le mo a kene a bona mohlupego ho lefaseng? (b) Jehova o re gelepa ka mokgo mang? (Pisalema 16:11)

⁴ Le mo yi le gore Jehova ke “Modimo wa gore o jabodiye,” o di bona gabutši dilo tso di re kwisang go baba le mohlupego wa lefase lowa. (1 Thim. 1:11) Mara aa yikela dilo tsowa gore di make gore go jabola gage go kgunyele. Wa di tšiba gore tso tsa mohlupego ke tsa senakonyana—ke yene ye a beyyeng letšatši lo di nyoko tšhipang ka lona. Fote o tiyisela a kene a lefisiye pelo go segela letšatši lo a nyoko fetsang go ya go yye ka tsa go re kwisa go baba le mohlupego. Mara tsa gana byalo, Jehova wa di kwisisa gore re kikirisana le tsa mošaga mang fote o nyaka go re gelepa. O re gelepa byang? Taba ye nngwana ke gore o makiye gore re jabole. (Bala Pisalema 16:11.) Tla re lebeleleneng ka mokgo go tšiba Jehova go makiyeng gore Jeso a jabole.

5-6. Ke ntaba Jeso a jabodiye?

⁵ Wa tšiba, Jeso ke motho wa gore o jabodiye mong go jabola gare ga batho ka moka bo Jehova a ba makiyeng. Ke ntaba? Lebelela dilo tsowa ka dipedi. (1) “Jeso o tshwana le Modimo wa gore re ka sa kgone go mmona” fote o tseyele ga Papage ga dilo ka moka. (Makol. 1:15) (2) Jeso o fetsiye nako ya go lefa ka matla a na le Papage, Yene wa gore tsa go jabola re di tapa gage.

⁶ Phela Jeso o jabodisa ke gore o dula a maka tso Papage a reng a di make. (Diy. 8:​30, 31; Joh. 8:29) Byalo, ka taba la gore o dula a tshepega, tsotsone di maka gore Jehova a mo yamogele.—Mat. 3:17.

7. Re ka maka byang gore re kraye go jabola ga mannete?

⁷ Le rune re ka jabola tsa mannete mo re ka fo ya mahlong re tšiba Jehova. Mo re ka fetsa nako re tšhuta ka Jehova re boya re mo yekisela, re nyoko jabola lela la gore a re tšibi gore re ka kena ka kaye. Fote re nyoko fo kwa re fufuma ka mojabolo mo re maka tso Modimo a di nyakang le go fo tšiba gore wa re yamogela.a (Pis. 33:12) Byalo, re re king mo nkare re fela re vakašela ke taba ya go fo tikwa re sa jabola kela yi napa yi ro boya le ka masaka? Ayitsano tsotsone di rela gore Modimo aa re yamogele? Dho! Re fo ba batho ba go sa yenela fote ka dinako tse dingwana re kwa go baba, re ya kgongwela le go kgahleletsega. Jehova o di kwisisa gabutši tsone. (Pis. 103:14) Mara gana byalo, tla lebeleleneng gore ke dilo difeng tso di makang gore re sa jabole le gore re ka maka ying gore re thogo jabola fote.

PHELA O KA DI KGONA GO DULA O JABODIYE

8. Mathatha ya lephelo ma ka re yama ka mokgo mang?

⁸ Mo re na le mathatha. Ayitsano o lebanne le taba ya go hlupegisiwa, kotsi ya hlago, tlala, bolwele kela go tsofala? Mathatha yawa ma ka maka gore re kgongwele, ka matlamatla mo go se na so re ka se makang gore re tšhentšhe seyemo sa rune. Phela le Bhayibele a yi yi gane taba ya gore “mo pelo yi baba yi maka gore motho a kgongwele.” (Diy. 15:13) Mogolo ye mongwana ye ba reng ke Babis, wa gore ka kanne ya mengwaga fela o yye a hlokofalela ke bhuti wage le babelegi bage ba le ka babedi, o re: “Ke f’lo tikwa ke le ntoši fote ke tseya gore a go na ye a ka n’gelepang. Ka dinako tse dingwana, ne ke šekela ka matla ka taba la gore a ke ya kgona go fetsa nako ya go tlala ke na le babelegi baka le bhuti nakwela ba sa phela.” Ke nnete gore mathatha ya lephelo ma ka re tapa matšhika ma boya ma re šiya re kgongwele.

9. Re ka gelepa king gore re jabole fote? (Jeremiya 29:​4-7, 10)

⁹ Re ka gelepa king gore re jabole fote? Re ka jabola stereka mo re ka lisetsa go šekedisa ke dilo tsa gore re ka sa kgone go di tšhentšha re boye re leboge dilo tso re nang natso. Lefase lowa le kutšetsela taba ya gore lephelo la rune le tshwanele le šupetse gore dilo ka moka di mothebenene gore re thogo jabola. Mara yone a yi nnete. Mo re beyisa, Jehova o yye a botsa Majuda ya gore ne go le mabhantiti ku Bhabhilona gore ma yamogele seyemo sone fote ma make so ma ka se kgonang gore ma jabolele lephelo gana hone ma leng. (Bala Jeremiya 29:​4-7, 10.) Taba yowa yi re tšhutisa ying? Barena, liketsa go yamogela seyemo so o leng ga sona o boye o leboge dilo tsa gabutši tso di makegang lephelong lago. O sa lebale gore Jehova a ka sa go lahle—o nyoko go gelepa. (Pis. 63:7; 146:5) Effie, wa gore o yye a makegela ke kotsi ya gore yi mo šiyye a golofele, o re: “Jehova, ba geru le magageru ka phutegong ba yye ba n’gelepa le go nthega. Byalo, ke bonne gore ne di ko ba di šupetsa nkare a ke na danki mo nka fo lahla tewu. Ke nyaka go šupetsa Jehova le banghana baka gore ke leboga mo ba n’gelepiye ka matla.”

10. Ke ntaba re ka dula re jabodiye le mo re na le mathatha?

¹⁰ Le mo re kene re na le mathatha kela mo rune kela ba mutši wa rune ba makegela ke dilo tsa go befa, re dula re jabodiye.b (Pis. 126:5) Ke ntaba? Ka taba la gore go jabola ga rune, a gwa tithega ka seyemo so re leng ga sona. Maria, wa gore ke mošupatsela o re: “Mo o na le mathatha, taba ya gore o dula o jabodiye a yi rele gore o di teyisa moya ka mokgo o tikwang. Mara, di rela gore a wa lebala tso Jehova a go tshepisang tsona. Papa wa rune o nyoko re gelepa gore re dule re jabodiye le mo re ka ba re mannye ke tsa mošaga mang.” O sa lebale barena gore le mo di ka re manya go segela kaye, mathatha ya rune ka mokana ga wona go fo ba ya senakonyana—ma fo tshwana le magata ya gore ma bonala santeng mo go tšutla moya, jikijiki o kraya ma nyamalele go sa sa bonala le gore go fitiye motho howa. Go se botala, Jehova o nyoko tlosa dilo ka mokana ga tsona tsa gore di re kwisa go baba le go re kgongwetsa.

11. Mošupetso wa Pawulo wa lepostola wo go tiyisa ka mokgo mang?

¹¹ Byalo re re king mo nkare re thomisa go tiputsisa gore ayitsano mathatha ya ma re welang, nje a ma leye ke taba ya gore Jehova aa sa re yamogela? Wa tšiba, re ka gelepa ke go nagana ka malata ya mangwana ya go tshepega ya Jehova ya gore le wona ma yye ma lebana le seyemo sa go thathafisa mohlolo. Tseya ka mošupetso wa Pawulo wa lepostola. Jeso o mo hlawodiye gore a tšhomayele ditaba tsa go bafala ga “ditšhaba, magoši le barwayi ba Israyele.” (Meber. 9:15) Ye lune, phela yone ke taba ye kgolo! Mara, Pawulo ke mo a kene a na le mathatha ya go tlala. (2 Makor. 11:​23-27) Ayitsano mathatha ya go fo tla ma pepulanne yaa Pawulo ne a lebanne nawo ne ma rela gore Jehova aa sa mo yamogela? Le ka gonyana! Gabutšibutši, gore Pawulo a šinye a kgone go tiyisela ga mathatha yage ne go le ka taba la gore Jehova ne a mo gelepa. (Marom. 5:​3-5) O fo nagana ka seyemo so o leng ga sona. Le wene o tiyisela o kene o tshepega le mo o kene o lebanne le dintshitshire tsa gore di ka go kata fase. Byalo, le wene o ka tshepa o tiyisiye gore Jehova wa go yamogela.

12. Go ka makega ying mo nkare a re kgone go berekela Jehova ka mokgo ne re nabela ka gona?

¹² Mo re sa kgone go berekela Jehova ka mokgo ne re nabela ka gona. (Diy. 13:12) Taba ya gore ga Jehova re mo nyaka ka matla fote re mo leboga re sa fetsi ga tso a re makelang tsona, yi re tšhofa gore re be le tso re nyakang go di segelela ga tso tsage. Le mo go le ka mokgonone, mo nkare tso re nyakang go di segelela a re kgone go di maka ka taba la seyemo sa rune, tsotsone di ka re kgongwetsa ka matla. (Diy. 17:22) Mošupatsela ye mongwana ye ba reng ke Holly o re: “Ne ke nyaka go ya Sekolong sa Batšhomayedi ba Mmušo gore ke thogo tšhomayela ga dinaga tse dingwana kela ke gelepe ga mmereko wa go yaga hala Ramapo. Mara seyemo se yye sa tšhentšha fote ne ke sa sa kgona go segelela le mong ka ssoši sa dilo tsowa. Ke f’lo kwa ke fediye matla. Wa tšiba di ya tshwatisa mo o nyaka go maka dilo, mara di sa kgonege.” Malata ya go tlala ya Jehova ma tikwa ka mokgonowa mo ma sa kgone go maka tso ma nabelang go di maka ga mmereko wa Jehova.

13. Mo nkare seyemo sa rune se ya re kgerela ga dilo tso re ka di makang, re ka tipeyela dilo difeng tso re ka di segelelang?

¹³ Re ka gelepa king gore re jabole fote? O sa lebale gore Jehova aa re kgopele gore re make tsa go re feta. Jehova o re tseyela gedimo le mo re na re sa kgone go maka tso di makang ke ba bangwana. Jehova o nyaka gore re tšibe mo re kgerang fote re tshepege. (Mmik. 6:8; 1 Makor. 4:2) O hlupega ka matla ka dilo tso re di naganang, ka mokgo re tikwang le mekgwa yo re tšibegang ka yona go phala tso re kgonang go di maka. Mara nje di ko ba di kwagala gore re nyake go maka tsa go re feta hala Jehova yene a sa di yemela tsotsone?c Le ka go twii! Byalo, mo nkare seyemo sago a se go dumelele gore o make mmereko wo ne wo wo nabela ga tso tsa Modimo, barena o fo liketsa go maka wa gore wo tshwanela seyemo so o leng ga sona. Mo re beyisa, o ka gelepa ka go lokotša bo ba gore ba sa gola kela wa tiyisa magageru ya gore ma šele ma gudiye. Nakwenngwana o ka vakašela ye mongwana, kela wa mo fowunela kela wa mo romela molayetsa gore o thogo mo tiyisa. Phela Jehova o jabola stereka mo o maka tso o di kgonang fote o nyoko go rufa ka go maka gore o jabole! Fote o sa lebale gore go se botalanyana, re ko ba re thulegele ke mašuba ya go tlala ya go berekela Jehova ka mekgwa ya gore ne re sa yi lore le go yi lora! Holly wa gore re šele re bolabodiye ka yene, o notelele ka gore: “Ke fo kgiba ke mokane ka tipotsa gore, ‘Ye lune, ke nyoko phela go ya go yye.’ Mo ke gelepa ke Jehova, nko thogo segelela tse dingwana tso ne ke nabela go di maka ga lefase la nyuwane.”

14. Ke selo sefeng se sengwana sa gore se ka maka gore re sa sa jabola?

¹⁴ Mo re tshepela ga tšheleta kela dilo tse dingwana gore di re jabodise. Re ka fo fela re bona ba bangwana ho ga inthanete ba go šupetsa nkare ba jabodiye ka taba la gore ba dula ba tikwisa mo bo sile. Le rune re ka thomisa go tshepa gore mo re ka fo maka tso di re jabodisang, ra reka so re se nyakang le go tintsha re ya kaye-kaye mafaseng, re nyoko jabola tsa mannete. Le sa re kwele thooko barena, a wa sinya selo mo o tikwisa ka dilo tsa mošaga wowa. Phela Jehova o nyaka tsona tsa gore re tikwise ka dilo tsa go bafala tso a re makeleng tsona. Le mo go le ka mokgonone, batho ba go tlala ba gore ba liketsiye go tijabodisa, mo nako yi kene yi ya ba yye ba di bona tsa gore dilo tso ne ba tseya gore di nyoko maka gore ba jabole, a dya maka ka mokgonone. Eva, wa gore ke mošupatsela o re, “Mo nkare o phelela go tijabodisa, a go na selo so se nyoko go kgotsofatsang.” Mo re ka fo dulela go tijabodisa runebeng ka moka nako yowa, re nyoko šala re phontšiye go tshwana le lebilo la koloyi.

15. Re ka tšhuta ying ga Kgoši Solomoni?

¹⁵ Re ka tšhuta se sengwana ga tso di makegeleng Kgoši Solomoni mo di tla ga taba ya maphomela ya go kwisa go baba ya go tijabodisa. O yye a liketsa gore a kraye go jabola ka go kgotsofatsa tso a di nabelang tsa go tshwana le go tikwisa ka tsa go ja tsa go natefa, dikoša tsa go natefa le dilo ka mokana ga tsona tsa gore a di turi lona. Mara o f’lo šala a sa kgotsofala. O yitseri: “Lihlo a le kgotsofale ka tso le di bonang; le tsebe a yi kgotsofale ga tso yi di kwang.” (Mmo. 1:8; 2:​1-11) Dilo tso lefase lowa le naganang gore di ka maka gore re jabole tsa mannete di fo tshwana le tšheleta ya mokokotelo. Di šupetsa nkare o ka di tseyela gedimo; mara di maka ying naa.

16. Mo re neya ba bangwana, tsotsone di ka re gelepa byang gore re jabole fote? (Lebelela le dithombhe.)

¹⁶ Re ka gelepa king gore re jabole fote? Jeso o re tšhutisiye gore ‘mo re neya batho ba bangwana dilo, di jabodisa ka matla go phala mo ba neya rune.’ (Meber. 20:35) Mogolo ye mongwana ye ba reng ke Alekos o re: “Ke liketsa go maka dilo tse dinyana gore ke thogo gelepa ba bangwana. Mo ke ba gelepa, a ke nagane ka tso di nyakang ke nna mong fote tsotsone di maka gore ke jabole.” Ke dilo difeng tso wene o ka di makelang ba bangwana? Mo o bona ye mongwana a tshwere bothatha, ke ntaba o sa liketsi go mo tiyisa? Le mo o ka sa kgone go lukisa bothatha byage, mara o ka mo kgomoletsa ka go mo theetsela o kene o šupetsa gore o mo kwela go baba o boye o mo gopotse gore tso di mo robang a di bošele ga Jehova. (Pis. 55:22; 68:19) Fote o ka mo gopotsa gore Jehova aa mo lahla. (Pis. 37:28; Jes. 59:1) O ka boya o ro mo makela se sengwana sa go tshwana le go mo yapegela tsa go ja kela wa mmotsa gore ‘ye morena, koriye re teyela ke moya.’ Mo meme gore a ye nago tšhomong, tsotsone di nyoko maka gore a jabole. Lisetsa Jehova a go berekise gore o tiyise ba bangwana. Phela mo re ka berekisa nako ya rune gore re gelepe ba bangwana, tsotsone di nyoko maka gore re jabole tsa mannete!—Diy. 11:25.

17. Mo nkare re nyaka go jabola tsa mannete, di nyaka re make ying? (Pisalema 43:4)

¹⁷ Wa tšiba re ka jabola tsa mannete mo re ka fo ya mahlong re šutela thina ka matla le Papa wa rune wa ku legedimong. Phela Bhayibele yi re tshepisa gore Jehova ke yene ye a ‘makang gore re jabole ka matla.’ (Bala Pisalema 43:4.) Byalo, le mo re ka fo ba re na le mathatha, a re ya tshwanela go šekela kela go tšhoga. Koriyeneng mahlong barena, re tshepele ga Jehova, Yene wa gore go jabola re go tapa gage!—Pis. 144:15.