Mo Modimo a re wa go Nyaka, aa Kgane

1-2. Ke ntshitshire yifeng yo Makreste ya go tlala ma ghulanang nayo?

O FO nagana ka sekepe sa gore se mong gare ga sedingwana se segolo. Maphoto ya lewatle ma fo ya ma se tšukatšukisa. Phela mo motho a sa ro berekisa tshipi yela ya go maka gore sekepe se sa thogathoge, sekepe sone se nyoko fo ya se khunghulega. Tshipi yone yi nyoko maka gore sekepe sone se sa rwalagane mo sedingwane sone se fo ya se kwata.

² Mo go na le tso o ghulanang natso, o ka fo tikwa go tshwana le ka mokgo sekepe sela ne se maka ka gona. Wa kwa nkare le wene baa go tšukatšukisa. Neng-neng ke wene yewa o tshepa o tiyisiye gore Jehova wa nyakanana fote wa go thega; ka motshwana ke wene yela wa tiputsisa gore ‘ayitsano wa mpona gore ke gahlana le tsa mošaga mang?’ (Pis. 10:1; 13:1) Tla re fo re monghanago ke yewa, o go teya ka mantsu ya mangwana ya go go kgomoletsa le wene wa šala o tikwa o le mothonyana. (Diy. 17:17; 25:11) Mara go kamaka le gona go fo boya go re ko-ko. O ka thomisa le go nagana gore Jehova o go tseya nkare ke wene setlakati le gore aa sa go nyaka. Mo o lebanne le ntshitshire, o ka maka byang gore le wene o sime go fo tshwana le tshipi yela ya go tshwara sekepe gore se sa thogathoge? Gabutšibutši, o ka maka byang gore o nape o yi tshepa taba ya gore Jehova wa go nyaka fote wa go thega?

3. Pisalema 31:7 le 136:1 di re tšhutisa ying ga taba ya Jehova ya go nyakanana le go tshepega gage, fote ke ntaba re ka re Jehova ke mong wona mošupetso wa mekgwa yowa ya go bafala? (Lebelela le sethombhe.)

³ Mokgwa wo mongwana wo wo ka go gelepang gore o dule o simme o boye o ro loma le meno mo o gomele ke dintshitshire, ke go gopola taba ya gore Jehova o nyakanana tsa mannete. (Bala Pisalema 31:7; 136:1.) Mantsu ya gore “go nyakanana tsa mannete” ma fo šupetsa gore mo motho a re o nyaka ye mongwana, a yi tsa lekgono fela. Jehova ke konokono mo di tla ga taba ya go šupetsa go nyakanana tsa mannete. Gabutšibutši Bhayibele yi mo hlatolla go le wa go “nyakanana ka matla.” (Ek. 34:​6, 7) Fote mo Bhayibele yi bolabola ka Jehova yi re: “O ba nyaka ka matla bo ba gore ba bitsa wene.” (Pis. 86:5) O fo nagana gore mangwalo yawa ma rela gore king: Ye lune, phela Jehova a ka sa ro tsoga a lahliye malata yage ya gore maa tshepega! Mo o ka fo dula o gopola taba ya gore Jehova wa tshepega tsotsone di nyoko go tiyisa ka dinako tsa mo o kayakayisa ke mathatha.—Pis. 23:4.

O SA LEBALE GORE GO NYAKANANA GA JEHOVA KE FANDHIŠI YA TSO RE DI TŠHUTANG KA HO BHAYIBELENG

4. Ke dilo difeng tsa gore ke fandhiši ya tso Bhayibele yi di tšhutisang fote ke ntaba re di tshepa re tiyisiye? Re beyisele.

⁴ Mokgwa wo mongwana wo wo ka go gelepang gore o sa thogathoge mo o kene o kikirisana le mathatha, ke gore o sa lebale gore go nyakanana ga Jehova ke fandhiši ya tso o di tšhutiyeng ka ho Bhayibeleng. Go tla ying ho monaganong mo o kwa mantsu yawa ya gore “fandhiši ya tso o di tšhutiyeng ka ho Bhayibeleng”? Nakwenngwana go tla tso o di dumelang tsa gore o di tšhutiye ka Lentsung la Modimo. Mo re beyisa, o šele o tšhutiye gore lebitso la Modimo ke Jehova, Jeso ke Morwayi wa Modimo wa gore go fo ba yene a ntoši, bo ba kgwileng a ba tšibi selo le gore lefase go nyoko ba pharadeyisi fote batho ba nyoko phela ga lona go ya go yye. (Pis. 83:18; Mmo. 9:5; Joh. 3:16; Kut. 21:​3, 4) Mo o šele o di bona gore dilo tsowa ke nnete, o napa o di tshepa o tiyisiye. Ke ntaba mara? Ka taba la gore o šele wa di bona gore tso o di tšhutiyeng di tšwa mong tšhikong ya nnete. Tla re lebeleleneng gore mo re ka fo tseya taba ya gore Jehova wa nyakanana go le fandhiši ya tso re di tšhutang ka ho Bhayibeleng go ka re gelepang gore re rothothe taba ya gore go tseya gore Jehova aa di bone tso re kikirisanang natso kela aa na taba le gore di ya re phukulusa.

5. Re hlatollele gore di ka kgonega byang gore motho a ganane le dilo tso ba di tšhutisang tsa matsaka.

⁵ Mo o sa thomisa go tšhuta Bhayibele o gelepiye king gore o gane dilo tsa matsaka tso ba di tšhutisang? Di ka makega gore o yye wa gelepa ke go tshwanisa tso ba go tšhutisiyeng tsona kerekeng le tso Bhayibele yi di tšhutisang. Nagana ka mošupetso wo mongwana ke wowa: Tla re fo re ne o tseya gore Jeso ke Modimo wa Matšhika ka Moka. Mara mo o šele o tšhutiye Bhayibele o yye wa tiputsisa gore, ‘Ayitsano tso ba di tšhutisang ke nnete?’ Mo o šele o tšhutiye tso Bhayibele yi di tšhutisang ka taba yone, o napiye o di bona tsa gore Jeso a yi Modimo. Ke mokane wa tlatega tsela tsa matsaka ku kgole, wa phetša ka nnete yowa ya go tšwa Mangwalong ya gore: Jeso ke “letšibula la dilo ka mokana ga tsona,” “Morwayi wa Modimo a ntoši.” (Makol. 1:15; Joh. 3:18) Phela, ke nnete gore dilo tsa matsaka tso ba di tšhutisang di ka ‘tsika’ la go šinya go ba mong letogo gore re di tomole. (2 Makor. 10:​4, 5) Mara ka nthago ga mo o tšhutiye nnete, tso o di tšhutiyeng ku nthago tsa matsaka a sanka wa boyela ga tsona.—Mafil. 3:13.

6. Ke ntaba o sa yi kamake taba ya gore Jehova “o nyakanana tsa mannete go ya go yye”?

⁶ O ka berekisa mokgwa wa go tshwana le wonola mo di tla ga taba ya tso Bhayibele yi di tšhutisang ka go nyakanana ga Jehova. Mo o kene o kikirisana le ntshitshire ke mokane o thomisa go kamaka taba ya gore Jehova o go nyaka ka matla, tiputsise gore, ‘Ayitsano ke tshwere yona?’ Tshwanisa tso di makang gore o kamake gore Jehova o go nyaka ka matla le mantsu ya ma leng ga Pisalema 136:1—temanyana ya hlogotaba yonowa. Ke ntaba Jehova a re go nyakanana gage ke ga “mannete”? Ke ntaba mantsu ya gore “o nyakanana tsa mannete go ya go yye” ba ma ngwadiye ba boyelela go šinya go ba ga 26 ga pisalema yone? Re šele re di bonne gore taba ya gore Jehova o nyakanana tsa mannete ke fandhiši ya tso Bhayibele yi di tšhutisang, go fo tshwana le tso o di tšhutiyeng ka Bhayibeleng tsa gore ne di sa go thathafele gore o di dumele. Ye naa, taba ya gore Jehova o go tseya nkare ke wene mpsya ya mokgobo kela aa go nyake, a yi phili. Napa o ro yi tšhinghela taba yone go fo tshwana le mo o re go ka mpa go thusuge mo go thusugang mo o ganana le tse dingwana tso di tšhutisiwang tsa matsaka!

7. Ke mangwalo mafeng ya mangwana ya go šupetsa gore Jehova wa go nyaka?

⁷ Bhayibele yi na le dilo tsa go tlala tsa go šupetsa gore Jehova wa re nyaka. Mo re beyisa, Jeso o butsiye bo ba mo latelelang gore: “Lune le phala ditiyane tsa go tlala.” (Mat. 10:31) Jehova ka boyene mong o yye a botsa batho bage gore: “Ke nyoko go tiyisa, eya, ke nyoko go gelepa, ke nyoko go ngangarela ka letsogo laka la go ja la go loka.” (Jes. 41:10) Kwang gore mantsu yawa ma yediye ka mokgo mang. Jeso a sanka a hlaya gore ‘Lune nkare le phala ditiyane tsa go tlala,’ le Jehova aa hlaya gore ‘Nko zama gore ke go gelepe.’ Mara, ba re: “Lune le phala ditiyane tsa go tlala” fote “ke nyoko go gelepa.” Mo o kene o kikirisana le ntshitshire ke mokane o thomisa go kamaka taba ya gore Jehova o go nyaka ka matla, mangwalo ya mošaga wone ma nyoko go gelepa gore o kwe o boye o di bone gore mo a re wa go nyaka, aa kgane. Mangwalo yawa ma tšwa mong tšhikong ya nnete. Mo o ka fo rapela Jehova wa mmotsa ka dilo tso o di kamakang o boya o ghayela ka mangwalo yawa, o ko thogo hlaya mantsu ya ma leng ga 1 Johane 4:​16, ya gore: “Re ya di tšiba tsa gore Modimo o re nyaka ka matla fote re ya di tshepa.”a

8. King so o ka se makang mo nkare ka dinako tse dingwana o fela o kamaka gore Jehova wa go nyaka?

⁸ King mara so o ka se makang mo nkare ka dinako tse dingwana o sa fo kamaka taba ya gore Jehova wa go nyaka? O fo tshwanisa ka mokgo o tikwang le tso o šeleng o di tšiba ka yene. Phela mo re ka fo ya ka gore re tikwa byang, nnete re ko yi bonela kgole mara taba ya gore Jehova wa re nyaka ke mong yona nnete ya gore re yi tšhutiye ka Bhayibeleng. Mo nkare a re yi tshepe taba ya gore Jehova wa re nyaka, tsotsone di ra gore re takisa maahlo mokgwa wo a tšibegang ka wona wa gore wa nyakanana.—1 Joh. 4:8.

GHAYELA KA TABA YA GORE ‘PAPA O GO NYAKA KA MATLA’

9-10. Anthe Jeso ke mo a ra gore king mo a šinya a hlaya mantsu ya ma leng ga Johane 16:​26, 27 ya gore: “Papa o le nyaka ka matla”? (Lebelela le sethombhe.)

⁹ Re ka tšhuta tsa go tlala ka taba ya go nyakanana ga Jehova mo re ka fo ghayela ka mantsu yaa Jeso a ma butsiyeng bo ba mo latelelang, ya gore: “Papa o le nyaka ka matla.” (Bala Johane 16:​26, 27.) Jeso aa f’lo hlaya mantsu yane go fo re a tšikinye mapostola yage. Gabutšibutši temanyana yowa yi re wunyullela gore ka nako yonone Jeso ne a sa bolabole ka mokgwa wo mapostola yage ma tikwang ka wona. Mara ke mo a bolabola ka taba ye nngwana go leng taba ya go rapela.

¹⁰ Jeso ke mo a sa tšwa go botsa malata yage gore ma rapele ma berekisa lebitso lage mara ma sa rapele yene. (Joh. 16:​23, 24) Phela taba yone ke mo ba tshwanele ba yi tšibe. Ka nthago ga mo Jeso ba šele ba mo tsusiye, malata yage ma ka fo ba ma yye ma liketsega go mo rapela. Akere Jeso ne go le monghana wa bona. Ba ka fo ba ba tiputsiye gore, ka taba la gore Jeso ne a ba nyaka ka matla a ka fo kwa a nyaka go theetsela tso ba di kgopelang a boya a kgopela Papage gore a ba gelepe. Mara Jeso o yye a ba botsa gore ba sa nagane ka mokgonone. Ke ntaba? Ka taba la gore o ba butsiye gore: “Papa o le nyaka ka matla.” Phela taba yonone yi wela ga tse dingwana tsa gore ke fandhiši ya tso Bhayibele yi di tšhutisang ka thapelo. Lebelela gore taba yone yi ka bereka byang ho gago: Mo o kene o tšhuta Bhayibele, o napiye o mo tšiba gabutši ga Jeso o boya o mo nyaka ka matla. (Joh. 14:21) Mara go fo tshwana le malata ya ku botala le wene o ka rapela Modimo o sa kamake o di tšiba tsa gore “O [go] nyaka ka matla.” Mo o dula o rapela Jehova o šupetsa gore mantsu yane wa ma tshepa.—1 Joh. 5:14.

DI NYAKA O TŠIBE SO SE MAKANG GORE O KAMAKE

11. Ke ntaba Sathane a ka hlakela mo re ka fo kamaka taba ya gore Jehova wa re nyaka?

¹¹ Anthe tso tsa go kamaka gore Jehova o re nyaka ka matla di nyarela le lefeng? O ka fetola ka gore dilo tsowa ka mokana ga tsona di na le ye ba reng ke Sathane fote yone ke nnete ye nngwana yo re yi tšibang. Diyabolo o “nyaka go [re] kgwisa”, fote o nyoko ro hlakela mo re kamaka gore Jehova o re nyaka ka matla. (1 Pet. 5:8) Phela ka taba la gore Jehova o re nyaka ka matla, tsotsone di mo tšhofiye gore a re lepolle—go leng taba ya gore Sathane o nyaka re yi tseye yi sa re tshwanele. (Maheb. 2:9) Mara ke mang wa gore o nyoko jabola mo re kamaka taba ya gore Jehova wa re nyaka? Ke Sathane. Fote re ko ba re jabodisa mang mo re ka fo kgongwela lela la go šinya re lisetsa go berekela Jehova? A go na ye mongwana, ke Sathane. Sathane o nyaka gore re nagane gore Jehova aa re nyake. Mara gabutši Jehova o re nyaka tsa nkare ke moka. Gabutšibutši, Sathane ke yene wa gore Jehova aa nyake le go mmona. Mara ga “mathayithayi” yaa a nang nawo, o liketsa ka matla gore re kwe nkare ke rune ba gore a ba nyake le go re bona fote Jehova o kwa nkare re nkga go tshwana le neketšane mo a re bona. (Maef. 6:11) Mo re di bona tso lenaba la rune le liketsang go di maka, re nyoko dula re tikemisele go ‘lwa le Diyabolo.’—Jak. 4:7.

12-13. Taba ya gore ba re belegiye re sa yenela, yi tšhela letsogo ka mokgo mang ga taba ya gore re kamake gore Jehova o re nyaka ka matla?

¹² Wa tšiba go na le se sengwana so se ka makang gore re kamake gore Jehova o re nyaka ka matla. King sosone mara? Taba ya gore ba re belegiye re na le senyama. (Pis. 51:5; Marom. 5:12) Senyama sone se hlafolannye senghana sa batho le Modimo. Fote se kwaletsiye ka mokgo re naganang, ka mokgo re tikwang le go sa tikwe gabutši ho mmeleng.

¹³ Phela senyama sowa ke sona se makang gore re hlakahlakane, re tikwe re na le molato, re šekele, re fo kwa re sa titshepi fote re tšeba. Re ka fo tikwa ka mokgonone mo re sinya. Mara tsotsone di ka fo re tlela ka taba la gore re ya di tšiba tsa gore a re ya yenela fote mo Modimo a maka batho ke mo a sa ba makela gore ba be ka mokgonone. (Marom. 8:​20, 21) Go fo tshwana le mo lebilo la koloyi le phontšiye le maka gore koloyi yi sa taboge ka mokgo yi tshwaneleng, le rune ka taba la gore a re ya yenela re ka sa kgone go maka dilo ka go felegelela ka mokgo ne re tshwanele re di make ka gona hala re le batho ba go yenela. Phela a di makatse mo ka dinako tse dingwana re fela re kamaka taba ya gore Jehova o re nyaka ka matla. Mo taba yone yi re vakašela di nyaka re sa lebale gore Jehova ke ‘Modimo ye mogolo wa gore fote wa makatsa, yene wa gore bo ba gore ba mo nyaka ka matla ba boya ba theetsela melawo yage o ba nyaka tsa mannete.’—Neh. 1:5.

14. Mo re ghayela ka sehlabelo sa Jeso, tsotsone di ka re gelepa ka mokgo mang gore re lisetse go kamaka taba ya gore Jehova o re nyaka ka matla? (Maroma 5:8) (Lebelela le lebhokisi la gore “Pasopa Gore o sa ‘Fokole ke go Kwana le go Sinya.’”)

¹⁴ Ke nnete gore ka dinako tse dingwana re fela re kwa nkare go nyakanana ga Jehova a go re tshwanele. Fote mo re fo yi beya pha, go nyakanana gage a go re tshwanele, tsotsone ke tsona di makang gore go nape go be ga mayemo ya gedimo. Phela Jehova aa re nyake ka taba la gore re ro teya dipiki. Le mo go le ka mokgonone, Jehova o re lepolliye gore a thogo re tshwarela ga tso re di sinnyeng ka taba la gore mo a re wa re nyaka, aa timakisi. (1 Joh. 4:10) O sa lebale gore Jeso ne a sa tlela go phonisa batho ba go yenela mara ne a tlele ba go sinya. (Bala Maroma 5:8.) Phela aa šiyo wa gore a ka di kgona go maka dilo a sa kekemisi fote Jehova aa yemela gore re di khwaye ka moka. Mo re di bona gore go sa yenela go ka maka gore re kamake taba ya gore Jehova o re nyaka ka matla, tla re tikemiseleneng go lwa le mokgwa wone wa go sa loka.—Marom. 7:​24, 25.

KGETA GO FO DULA O TSHEPEGA

15-16. Mo re ka fo dula re tshepega ga Jehova, king sa gore re ka se tshepa re tiyisiye, fote ke ntaba? (2 Samuwele 22:26)

¹⁵ Jehova o nyaka gore re segelele sepheto sa gabutši ka go ‘dula re le thina naye.’ (Dot. 30:​19, 20) Mo re ka fo maka ka mokgonone, re nyoko tshepa re tiyisiye gore o nyoko dula a tshepega. (Bala 2 Samuwele 22:26.) Solanka re dula re tshepega ga Jehova, re ka sa kamake le ka gonyana gore o nyoko re gelepa gore re tiyisele le mo re ka phukulusana le seyemo sa mošaga mang.

¹⁶ Re šele re bolabodiye gore re na le dilo tsa go tlala tso di re tšhofang gore re nape re sime mo re kene re kikirisana le dintshitshire tsa go re thuwela. Re di tšiba gabutši gore Jehova o re nyaka ka matla fote o nyoko re thega. Phela tsone ke tso Bhayibele yi di tšhutisang. Mo re ka fo thomisa go kamaka, re ka gopola tso re šeleng re di tšiba mo di tla ga taba ya gore Jehova o re nyaka ka matla, re sa yi ka gore re tikwa byang ka nako yonone. Koriyeneng mahlong re sa kamake le ka go twii nnete yo Bhayibele yi yi tšhutisang ya gore mo Jehova a re wa re nyaka, aa kgane.