Monnaka o F’lo Tšhentšha “Ke sa mo Tšhomayelela”

Ke belegiwwe ka 1952 hala Romania. Mmane ke mo a kolobetsiwwe go le Hlatse mara ke mo a sa tseyele nnete gedimo, byalo a sanka ka ya megahlanong ya Sekreste. Go tokegela gana hone, Romania ne yi Lawola ke mmušo wa go gatelela batho, mmereko wa go tšhomayela wa Dihlatse le go phrinthiwa ga dipuku ne ba go rakele. Byalo ga 36 ya mengwaga ya lephelo laka ne ke sa tšibi Jehova gore ke mang kela so Bhayibele yi se tšhutisang. Mara ka 1988, mo ke dula ga toropo ya Satu-Mare le monnaka, István, go makegiye selo se sengwana sa gore se tšhentšhiye lephelo laka.

Sememo sa Gore a Sanka ka se Gana

Tšatši le lengwana mmane o yye a n’vakašela. O yitseri: “Ke ya go bona mmangwane wago. Ke ntaba o sa sepele le nna? Ka nthago ga mone re nyoko ya ditolo ggoši.” Ka gore ne go se na so ne ke se maka ke yye ka dumela.

Mo re segela mo mmangwane a dulang, re krayye go na le mogahlano wa Dihlatse Tsa Jehova, wa gore ne go na le gana hala ga nkokwane (9) ya batho. Ke di kwelele gore mmane se o tseyela nnete gedimo, ke Hlatse ya gore yi na le matšato fote. Ne ke jabodiye la go sa hlayisegi tšatši lone.

Mo mogahlano wo fela, ye ne a gapa letheto o yye a tla gaka ke mokane a titšibisa gore ke yene mang. O yitseri “Lebitso laka ke nna János.” “Ke di bonne gore ne o theetsele di go baba. Ayitsano di go jabodisiye tso o di kwileng lekgono?” Ke mmutsiye gore ke ro thoma go ba ga mogahlano wa go tshwana le wowa, ke nyaka go boya fote. O mputsisiye gore “Wa di nyaka tsa go tšhuta Bhayibele?” A ka jikajika ke napiye ke dumela ka nako yonone. Ke di tšibiye gore Modimo ke yene a n’gogeleng ga batho bowa.

Ka motshwana wa gona, János o yye a n’gahlanisa le Ida, o napiye a thomisa go ntšhutisa Bhayibele. Mara ne ke tshosa ke gore monnaka István, o nyoko re king mo a di tšiba gore ke tšhuta Bhayibele le Dihlatse Tsa Jehova. Ke liketsiye ga tleletlele gore ke bolabodisane naye ka taba yowa, mara ne a sa kwane le tso ne ke mmotsa tsona. Ne ke di tšiba gore ne a sa jabodise ke tso ne ke di maka.

Le mo go le ka mokgonone, ke yye mahlong ke kene ke tšhuta Bhayibele ke mokane ka kolobetsiwa ka August 1989. Ka nthago ga kanne ya dikgwedi, Mmušo wo ne wo lawola hala Romania wo yye wa felela ke matšhika ke mokane bo ne ba lawola ba ba bolaya.

Ke Yye ka Phigisiwa ka Matla

Re yye ra thomisa go lokologa mo go fela ka mmušo wo ne wo lawola. Dihlatse Tsa Jehova ba yye ba di dumelela gore di gahlane le go tšhomayela di lokolugiye. Mara nna ne ke sa lokologa le ka go nyana ka gore ne ke sa phigisiwa. István o yitseri gaka, “A ke na taba le so o se dumelang solanka o sa ye gwe tšhomayeleng ka mutši le mutši.”

Mara ne nka sa lisetsi go tšhomayela. (Mebereko 4:20) Byalo ke yye ka ntsha maahlo dikwakweng mo ke maka mmereko wowa. Mara tšatše’nngwana monghana wa István o yye a mpona ke tšhomayela ka mutši le mutši ke mokane a segela a botsa monnaka István. Mo ke segela gaye monnaka o yye a llakatsanya a re “O poyidisa nna le ba geru!” O yye a ntsha thipa a yi beya mo molaleng waka ke mokane a ntshosetsa ka gore o nyoko mpolaya mo nka sa lisetse go tšhomayela.

Ke yye ka bolabola le István, ke mmotsa gore ke mo nyaka ka matla. Tsotsone di yye dya maka gore a kgibe tsa senakonyana. Byalo mo ke gana go ya mošadhong wa lešaga lage wa gore ne wo le wa sedumedi, o yye a kwata ka matla fote. Tsotsone dya maka gore a nhlabe ka mantsu ya go baba.

Sa go kwisa go baba, ke tiyisele go hlupegisiwa ke István 13 ya mengwaga. Ga mengwaga yone ka moka ne a ntshosetsa ka gore o nyoko nhlala. Ka dinako tse dingwana ne a fela a nkhiyela sekwalo a gana ke kena ka ntlong. Fote ne a fela a re ke pake dijumbha tsa ka ke sepele.

King so se n’gelepiyeng gore ke tiyisele seyemo sa mošaga wowa sa go kwisa baba? Ke rapele Jehova gore a make gore ke kgibe, ka nnete ke di bonne mo a ntiyisa. (Pisalema 55:22) Le phutego le yona yi n’gelepiye ka matla. Bagolo le magageru ya gore ma butšwiye ya basadi ba yye ba nhlohletsela gore ke sa lahle tewu ga mmereko waka wa go tšhomayela. Ba n’gopotsiye tso Bhayibele yi di hlayang ka mekgwa ya basadi ya gore yi tšhentšha banna ba bona le mo ‘ba sa ba tšhomayelela’ ka go sa thogathoge le go dula ba tshepega ga Jehova. (1 Peter 3:1) Mo nako yi kene yi ya mantsu yane ma yye ma mmakegela.

Mo Dilo di Tšhentšha

Ka 2001, István o yye a teya ke setrowuku a šitega go sepela. O dule sepetlele kgwedi ka moka, a boya a fetsa mabekenyana a le ga poleke yo ba ba tlwayetsang gore ba boyele ba sepele. Ka dinako tsotsone ne ke dula ke mo thega. Ne ke mo jisa, ke bolabola naye ke boya ke mo leyela selo se sengwana le se sengwana so ne a se gayela.

Batho ba ka phutegong le bona ne ba fela ba mo vakašela. Ke mokane István o napiye a di bona gore magageru ma tihlupa ka yene fote ma mo nyaka ka matla. Ba go tlala ne ba tla ba re gelepa ka mmereko wa mo gaye. Fote bagolo ne ba dula ba re tiyisa le go re kgomoletsa.

Tsotsone di tikisiye István, ke mokane a thomisa go tisola gore o yye a sa ntshware gabutši. Fote o di bonne gore a gona le mong monghana wage ye a tlileng a tl’le mo hloleng. Ka nthago ga gore ba mo ntshe sepetlele István o yitseri, “Ke nyaka go tšhuta Bhayibele ke be Hlatse ya Jehova.” Ne ke jabodiye la go sa hlayisege tsa go šinya ke ro yela dinepedi!

István o yye a kolobetsiwa ka May 2005. Ka taba la gore ne a sa kgone go sepela, magageru ma yye ma mo tšhofa ka wheelchair ma mo yi sa mo ba kolobetselang gona, ba mo kakola gabutši ba mo tšhela meetšing ke mokane ba mo kolobetsa. István o yye a tšhomayela ditaba tsa Mmušo ka matšato. Ne di njabodisa ka matla go fetsa nako ke na le yene ga mmereko wa go tšhomayela. Ye lune tsone ne di makatsa! O fo nagana—monna wa gore ne a n’ganetsa gore ke ye ke tšhomayele nnete ya Lentsu la Modimo, gana byalo wa nthega fote o tšhomayelela batho ditaba tsa go bafala a jabodiye!

István ne a kwana le Jehova ka matla, ne a fetsa nako a bala fote a tshwara ditemanyana tsa Bhayibele ka hlogo. Ne a kwana le go bolabola le ba bangwana ka mo phutegong ka ditemanyana tso a di badiyeng. Ne a berekisa mašuba yane gore a tiyisane le magageru.

Bolwele bya István bo yye mahlong bo gakala. Ka nthago ga gore a teye ke ditrowuku ka go latetetsana, o yye a sa sa kgona go bolabola ke mokane a fo dula a yetsele. Ayitsano tsotsone di makiye gore a sa sa berekela Jehova? Le ka go nyana! O yye mahlong a bala le go tšhuta ka mokgo a ka kgonang. Mo batho ba tla ba mo vakašela, ne a berekisa fowunu yage a bolabodisana nabo a tiyisa tumelo ya bona. Mogageru ye mongwana o yitseri: “Ke kwana natso tsa go vakašela István. Ke dula ke boyela gaye ke na le matšato fote pelo yi kgehlemele.”

Sa go kwisa go baba, ka December 2015, István o yye a hlokofala. Sosone se nkwisiye go baba ka matla. Mara go bolabola nnete ke tikwa ke bebiye ka gore o hlokofele a tšiba nnete. Mo István a soko bane a hlokofala, o yye a ba monghana wa Jehova. Fote tsotsone di maka gore ke jabole ka matla. István le mmane, gana byalo ba monaganong wa Jehova. Di nyoko jabodisa ka matla mo re šele re ba tlaparela fote, re ba yamogela lefaseng la nyuwane la go loka la Jehova.

Go šele go fitiye mengwaga ya go teya ka ku ga 35, nna le mmane re vakašele mmangwane fote nka sa tsoge ke lebele letšatši lone. Gana byalo ke na le mengwaga ya go teya ka ku ga 70 fote ke mošupatsela wa nako ka moka. Nka sa lebale go leboga Jehova ga dilo ka moka tso a mmakeleng tsona. (Pisalema 116:12) O n’gelepiye gore ke dule ke tshepega le go maka gore ke kgibe mo ke phigisiwa go baba. Ga taba yowa ya go phigisiwa, ke tšhutiye gore seyemo se ka tšhentšha mo nako yi kene yi ya. Le mo dilo tsowa di f’lo tšhoga di makegiye, ke kgonne go tšhentšha monnaka ke sa mo tšhomayelela.