Dikoronika Tsa Mathomo

20 Mo mongwaga wo thomisa, ka nako ya mo magoši ma ya ntweng, Jowabho+ a yeta masole mahlong fote a fetsa ka naga ya Maamoni; a tla a dukulugela Rabha,+ Dafita a kene a šele Jerusalema.+ Jowabho a hlasela Rabha, a fetsa ka yona.+ 2 Ke mokane Dafita a tseya fapo ya modimonyana ye ba reng ke Malekhamo ho hlogong, a kraya gore fapo yone ke mo yi kala talente* ka yyoši ya gholdi, fote ke mo ba yi kgabisiye ka matlapa ya go tura; ba yi beya hlogong ya Dafita. Fote a tseya le dilo tsa go tlala gana mone mutšing.+ 3 A tseya batho ba mutši wone a maka gore ba bereke+ go fefa matlapa, ba bereke ka dilepe tsa go makiwa ka tshipi le dilo tse dingwana tsa go galefa tsa go makiwa ka tshipi. Tsowa ke tso Dafita a di makiyeng ka mitši ka mokana ga yona ya Maamoni. Dafita le masole ka mokana ga wona ba fetsa ba boyele Jerusalema.

4 Ka nthago ga dilo tsowa, Maisrayele ma lwa le Mafilisita ku Ghezere. Ka nako yonone, Sibhekayi+ wa Lehuša a bolaya Sipayi wa gore ke mo go le setlogolwane sa Refayime,+ fote Mafilisita ba ma hlula.

5 Gwa ba le ntwa ye nngwana le Mafilisita, ke mokane Elhanano morwayi wa Jayiri a bolaya Lahimi wa gore ke bhuti wa Gholiyate+ wa Leghathe, wa gore phate ya lerumo lage ke mo yi lekana le phate ya sebhongholwane sa batho ba go loga.+

6 Gwa ba le ntwa fotefote ku Ghathe,+ gana hone ke mo go na le monna wa gore ke mo go le ye mogolo ka mokgwa wa gore a wa tlwayelega,+ ke mo a na le kobodi ya menwana ga letsogo le lengwana le le lengwana le kobodi ya dinwana ga loto le lengwana le le lengwana, a na le 24 ya yona mo yi felele; le yene ke mo go le setlogolwane sa Marefayime.+ 7 Ke mo a fo ya mahlong a rogelela+ Maisrayele. Byalo Jonathane morwayi wa Šimeya+ bhuti wa Dafita a mmolaya.

8 Batho bowa ke mo go le ditlogolwane tsa Marefayime+ ku Ghathe,+ ba bolayye ke Dafita le malata yage.