Jerusalema le Tempele ya Salomo

EBE e bitšwa ‘motse o phadimago’ le “Mošatê wa kxoši e kxolo.” (Ps 48:2; 50:2; Dillo 2:15) Jerusalema e be e le motse-mošate wa setšhaba sa Modimo. (Ps 76:2) Ka morago ga gore Dafida a e tšeele ba-Jebusi gotee le go e dira motse-mošate, e ile ya bitšwa “Motse wa Dafida,” goba ya fo bitšwa “Tsione.”—2Sam 5:7.

Gaešita le ge e be e se lefelong le lebotse kudu, Jerusalema e ile ya hwetša botumo bja yona ka gobane Modimo a be a beile leina la gagwe fao. (Doit 26:2) E be e le lefelo la bodumedi le la taolo la setšhaba.

Jerusalema e bophagamong bja dimithara tše 750 bogareng bja dithaba tša Judea. Beibele e bolela ka ‘bophagamo’ bja yona le barapedi ba yona ba ‘rotogela’ gona. (Ps 48:2; 122:3, 4) Motse wa bogolo-golo o be o dikaneditšwe ke meedi: Moedi wa Hinomo wo o lego ka bodikela le borwa le moedi wa lefula wa Kidirone ka bohlabela. (2Dikx 23:10; Jer 31:40) Mothopo wa Gihonia wo o lego Moeding wa Kidirone le Rogele go ya ka borwa o be o tšweletša meetse a hlwekilego, e lego ao a bego a le bohlokwa kudu-kudu nakong ya ditlhaselo tša manaba.—2Sam 17:17.

Seswantšhong se se lego go letlakala 21, Motse wa Dafida o swailwe ka mmala o mohwibidu. Ge go buša Dafida le Salomo, motse o ile wa nabela thokong ya leboa go akaretša le Ofele (mmala o motala) le Thaba ya Moria (mmala o motala-lerata). (2Sam 5:7-9; 24:16-25) Salomo o agetše Jehofa tempele e botse karolong yeo ya thaba. Akanya mašaba a barapedi ao a lebilego ‘thabeng ya Jehofa’ go yo keteka menyanya ya ngwaga le ngwaga! (Sak 8:3) Magahlano a ditsela ao a bontšhitšwego go letlakala 17 a ile a thuša maetong a bjalo.

Tempele ya Salomo, yeo e bego e kgabišitšwe ka gauta le mafsika a bohlokwa, e be e le e nngwe ya meago e bitšago tšhelete e ntši kudu yeo e ilego ya agwa. Sa bohlokwa kudu, dithulaganyo tša yona di neilwe ke Jehofa. Bjalo ka ge o bona mo seswantšhong, kgaufsi le tempele go be go e-na le malapa a magolo le meago ya taolo. Ke ga bohlokwa gore o ithute ditaba tša yona ka botlalo. 1Dikx 6:1–7:51; 1Kor 28:11-19; Ba-Heb 9:23, 24.

[Mongwalo wa ka tlase]

[Lepokisi go letlakala 21]

Ge nako e dutše e e-ya, Jerusalema e ile ya katologela ka bodikela le ka leboa. Dikgoši tša Judea ka morago ga Salomo di ile tša oketša maboto le dikgoro. Nyakišišo e tšwelago pele ya boepi bja marope e ka hlabiša seetša mabapi le lefelo la kgonthe le bogolo bja dikarolo tše dingwe tša maboto. Motse o ile wa fedišwa ka 607 B.C.E. gomme wa ba lešope ka nywaga e 70. Mo e ka bago nywaga e 80 ka morago ga go boa ga ba-Juda, Nehemia o ile a thoma ka modiro o mogolo wa go aga maboto a Jerusalema lefsa.

[Seswantšho go letlakala 21]

(Bakeng sa mongwalo o beakantšwego ka mokgwa wa kgatišo, bona kgatišo ka boyona)

Jerusalem/Solomon’s Temple

TIKOLOGO YA TEMPELE MEHLENG YA SALOMO

Dikarolo tša Tempele

1. Sekgethwa-kgethwa

2. Sekgethwa

3. Mathudi

4. Boase

5. Jakine

6. Aletare ya Mphiri

7. Mogopo o Mogolo wa Mphiri

8. Dikoloyana

9. Nywakwana ya ka Thoko

10. Nywako ya go Jela

11. Lapa la ka Gare

TIKOLOGO YA TEMPELE

Thaba ya Moria

Nywako ya go Jela

Dikoloyana

Nywakwana ya ka Thoko

Sekgethwa Boase

-kgethwa Sekgethwa Mathudi Aletare Lapa la

Jakine ya Mphiri ka Gare

Dikoloyana Mogopo o

Mogolo wa Mphiri

Ofele

Lepatlelo?

Kgoro ya Meetse?

MOTSE WA DAFIDA

Thaba ya Tsione

Motse-mošate wa Dafida

Kgoro ya Sediba

Leboto la Manase?

Sebo sa Hananaele

Sebo sa Hammea

Kgoro ya Dinku

Kgoro ya Kgolego

Kgoro ya Bahlapetši

Kgoro ya Dipitsi

MOEDI WA KIDIRONE

Leboto la ka Tlase?

Gihoni

Mošima wa meetse wa ka morago

MOEDI WA TYROPOEON

Kgoro ya Morole (Dithobolo) (Maloko)

Rogele

Kgoro ya Moeding

MOEDI WA HINOMO

Kgoro ya Sekhutlong

Sebo sa Dibešong

Morako o Mogolo

Kgoro ya Efuraimi

Lepatlelo

Kgoro ya Motse wa Kgale

Morako wa Pele wa ka Leboa

KAROLO YA BOBEDI

Kgoro ya Dihlapi

[Seswantšho]

Ofele

Ngwako wa Morwedi wa Farao

Motse-mošate wa Salomo

Ngwako wa Sekgwa sa Libanoni

Ngwako wa Dikokwane

Ngwako wa Sedulo sa Kahlolo

Thaba ya Moria

Lapa le Legolo

Tempele

[Seswantšho go letlakala 20]

Tikologong ya ka pele ke moo “Motse wa Dafida” o bego o agilwe gona. Tempele e be e agilwe lefelong le le bataletšego (ka morago)

[Seswantšho go letlakala 20]

Seswantšho sa computer sa “Motse wa Dafida” wa bogologolo gotee le tempele ya Salomo