Diboka Tša Tirelo Tša February
Beke e Thomago ka February 3
10 mets:Ditsebišo tša phuthego le Ditsebišo tše di kgethilwego ka go Tirelo ya Rena ya Mmušo. Bontšha dipontšho tša go sepetšwa ga dimakasine tše di theilwego ditokollong tša gona bjale. Kgothaletša go nea bohlatse ka sehlopha mafelo-bekeng.
20 mets:“Lokišetša Thero ya Gago Bakeng sa February.” (10 mets.) Dipotšišo le dikarabo. (8 mets.) Dipontšho tše di lokišeditšwego gabotse tša tše pedi goba tše tharo tšeo di šišintšwego tšeo di šomago kudu tšhemong ya gabo lena. (2 mets.) Kgothaletša bohle go ithuta le go diriša thero e tee goba tše fetago moo.
15 mets:“Adama le Efa,” pukung ya Go Boledišana, matlakala 25-7. (5 mets.) Polelo ya matseno ye e theilwego tabeng ye e lego ka tlase ga sehlogwana se se rego “Na Adama le Efa e be e le feela batho ba go eleletšwa (ba nonwane)?” (6 mets.) Pontšho ya leeto la go boela leo le dirwago go motho yo mogoeledi a mo tlogeletšego potšišo e rego “Na Sebe sa Adama e be e le thato ya Modimo le morero wa Modimo?” (4 mets.) Kgothaletša go dirišwa ga karolo ya “Ge e ba o Mongwe a Bolela Gore—” ya puku ya Go Boledišana e le ditaba tše go ka boledišanwago ka tšona maetong a go boela. Bontšha mehlala e mengwe.
Kopelo 30 le thapelo ya go phetha.
Beke e Thomago ka February 10
10 mets:Ditsebišo tša phuthego, go akaretša le dithulaganyo tša tirelo tša beke. Kgothaletša gore go dirwe maiteko a oketšegilego a go dira maeto a go boela bekeng ye le kgweding ye. Seboka se sa Tirelo se tla hlalosa le go bontšha dithero tše nne tše di šomago tšeo di ka šomišwago ge go boelwa go batho ba ba thabelago. Kgetha e tee goba tše pedi tše di ka dirišwago bekeng ye.
20 mets:“Go Thoma Poledišano ge o Boela.” (3 mets.) Polelo ya matseno yeo e akaretšago dintlha tše di lego go dirapa 1 le 2. (15 mets.) Dipontšho tše di lokišeditšwego gabotse tša e nngwe le e nngwe ya dithero tše tharo tše di lego go dirapa 3-5. Ge nako e dumela, ka morago ga pontšho e nngwe le e nngwe go ka newa ditlhaloso tše di lego mabapi le kamoo dithero tše di šomago ka gona. (2 mets.) O diriša dikgopolo tše di lego go serapa 6, nea bohle kgothatšo ya go lokišetša le go diriša bonyenyane e tee ya dithero tše di šišintšwego bakeng sa go thoma dipoledišano le bao ba bontšhitšego kgahlego.
15 mets:“Na o ka Kgona go Bula Madibogo?” Poledišano magareng ga mogolo le bagoeledi bao nakong e fetilego ba ilego ba tšea bobulamadibogo bja go thuša le bao ba nyakago go ngwadiša gape ka March le April. Bagoeledi ge ba akaretša dintlha sehlogong se, ba hlalosa lebaka leo ka lona ba nyakago go ba babulamadibogo ba go thuša. Ba bolela ka ditšhegofatšo tšeo ba bilego le tšona gomme ba hlalosa diphetogo tšeo ba ilego ba swanelwa ke go di dira bakeng sa go fihlelela diiri tše di nyakegago. Poledišano e gatelela lethabo la go tšea bobulamadibogo bja go thuša gomme e kgothaletša bohle go nagana ka tokelo ye ya tirelo ge e ba maemo a bona ka noši a dumela. Kgothaletša phuthego go thoma gona bjale go rulaganya go ba le karolo e tletšego letšatšing le le kgethegilego ka April 11.
Kopelo 114 le thapelo ya go phetha.
Beke e Thomago ka February 17
10 mets:Ditsebišo tša phuthego, pego ya ditšhelete le ditebogo tša meneelo ye e išitšwego go Mokgatlo. Reta banababo rena ka thekgo ye ba e neago ya tša ditšhelete bakeng sa dikgahlego tša Mmušo.
20 mets:“Kgonthišega Gore o a Boela.” Dipotšišo le dikarabo. Ka morago ga go ahla-ahla serapa 5, bontšha leeto la go boela mothong yo a bego a tlogeletšwe pampišana. Poledišano e lebiša thutong ya Beibele yeo e theilwego pukung ya Phela ka mo go sa Felego. Ka morago ga go ahla-ahla serapa 6, bontšha leeto la go boela le le dirwago mothong yo pele a gannego puku. Ka morago ga pontšho, botšiša mogoeledi lebaka leo ka lona a ilego a dira phetho ya go boela go motho yo yo ketelong ya pele a sa kago a amogela puku.
15 mets:“Go Fihlelela Dinyakwa tša Puno ka Lethabo.” Kakaretšo ya dipotšišo le dikarabo ya dirapa 1-16. Gatelela mehola ya go ikopanya le Komiti ya Meago ya Selete pele go ka thongwa ka modiro wa go aga Holo ya Mmušo. Thuša bohle go bona bohlokwa bja go diriša mahumo ao a neetšwego ka bohlale ka go reka ka kelohloko, go dira dilo tše bonolo, le go ba le tshepedišo e botse ya tša ditšhelete.
Kopelo 133 le thapelo ya go phetha.
Beke e Thomago ka February 24
10 mets:Ditsebišo tša phuthego, go akaretša dithulaganyo tša tirelo ya tšhemo bekeng ye, gotee le Ditaba tša Pušo ya Legodimo.
15 mets:“Go Thekga Babulamadibogo.” Dipotšišo le dikarabo gotee le poledišano. Gatelela ditšhegofatšo tšeo di hwetšwago ke phuthego ka moka ge babulamadibogo ba newa thekgo e nyakegago. Boledišana le babulamadibogo, o gatelele kamoo ba thušitšwego ke bagolo le ke ba bangwe ka phuthegong bodireding bja bona.
20 mets:“Go Fihlelela Dinyakwa tša Puno ka Lethabo.” Poledišano ya dirapa 17-37 tša letlakala la ka gare ka banababo rena ba babedi bao ba bilego le karolo modirong wa go aga Holo ya Mmušo lefelong la gabo lena ge e ba ba le gona. Go nyakega ga baithapi ba ba oketšegilego go swanetše go gatelelwa gotee le tlhaloso ya tshepedišo ye e swanetšego go latelwa ge go tlatšwa Kingdom Hall Construction Worker Questionnaire. Hlalosa gore ke bafe bao ba swanelegelago go romela difomo tše. Akaretša le diphihlelo tše botse tšeo di ka bago di ile tša thabelwa medirong ya go aga lefelong la gabo lena.
Kopelo 43 le thapelo ya go phetha.