Ditsebišo
◼ Mpho ya dipuku ka November: Beibele—Na ke Lentšu la Modimo Goba la Motho? ka moneelo wa R2,60. December: Motho yo a Phagamego Kudu yo a Kilego a Phela ka moneelo wa R8,00. January: O ka Hwetša Bjang Khutšo ya Kgonthe le Polokego? ka moneelo wa R2,60. February: O ka Phela ka mo go sa Felego Paradeiseng mo Lefaseng ka moneelo wa R8,00. Dipuku tše dinyenyane ke R4,00.
◼ Bangwaledi ba swanetše go nea dikarata tše dingwe tša Boiponahatso ba Tšebeletso ea Bopula-maliboho (S-202) feela bakeng sa babulamadibogo bao ba hudugelago phuthegong ya bona ba e-tšwa mašemong ao a lego ka tlase ga lekala la Afrika Borwa. Hle elang hloko lengwalo la rena la October 23, 1989 le la April 1, 1991 tabeng ye. Le gona, pele ga ge le romela fomo ya S-206 bakeng sa go tsebiša Mokgatlo ka babulamadibogo bao ba tšwago lelokelelong, hle boeletšang ditaelo tše di lego fomong ka šedi gomme le arabe dipotšišo ka moka tše di sepedišanago le taba.
◼ Bjale diphuthego di ka otara di-bound volume tše di gatišitšwego gape tša Watchtower tša nywaga ya 1983 le 1984. Hle le se ke la romela diotara tša nywaga ya ka morago ga 1984 go fihlela ge tsebišo e tšwelela go Tirelo ya Rena ya Mmušo.
◼ Ka mehla re amogela dikgopelo tšeo di tšwago go banababo rena bao ba ratago go boloka tšhelete go Mokgatlo le go e ntšha ge ba e nyaka. Re manyami gore Mokgatlo ga o kgone go amogela ditšhelete lege e le dife tša kadimo. Lega go le bjalo, re ka amogela meneelo e lebanego le meneelo yeo e ithekgilego ka maemo. Ge e ba o nyaka ditaba ka botlalo mabapi le thulaganyo ya meneelo yeo e ithekgilego ka maemo, o ka ikopanya le mongwaledi wa phuthego goba o ngwalele Ofisi ya Ra-matlotlo lekaleng la lefelong la geno.
◼ Bjale diphuthego di ka otara temana ya ngwaga ya 1993 yeo e hwetšagalago ka tefo ya R12,00 ka e tee ka se-Afrikaans, Seisemane, Sesotho, se-Xhosa le se-Zulu. Tefo e tla lefišwa molatong wa dipuku. Diphuthego tšeo di nago le tlhaelelo melatong ya tšona ya dipuku di swanetše go romela tšhelete le diotara tša tšona. Go šišinywa gore diphuthego ka moka di bee temana e mpsha ya ngwaga ka January 1, 1993.
◼ Diphuthego di swanetše go thoma go otara Go Hlahloba Mangwalo ka Mehla—1993 go tloga ka December 1 otareng ya tšona ya ka mehla. Dipukwana di tla hwetšagala ka se-Afrikaans, Sefora, Segerika, Seisemane, Sejeremane, se-Kwanyama, Sepedi, Sepotokisi, Sesotho, Setaliana, se-Tsonga, Setswana, se-Venda, se-Xhosa le se-Zulu. Go fihlela ge dipuku tše di hwetšagala gomme di rometšwe, di tla tšwelela e le “Li tla Romeloa” go di-invoice tša phuthego. Dipukwana tša Go Hlahloba Mangwalo ka Mehla ke tšeo di otarwago go ya ka palo ya bao di ba swanetšego gomme di tla lefišwa molatong wa dipuku ka disente tše 85 ka e tee, e lego tefo ya bagoeledi. Babulamadibogo ba ka mehla le ba ba kgethegilego bao ba tsenego lelokelelong pele ga July 1, 1992 ba ka amogela kopi e tee e sa lefelelwego gomme ba hwetša dikopi tše di oketšegilego ka disente tše 55 ka e tee. Diphuthego tšeo di se nago molato le Mokgatlo goba tšeo di nago le tlhaelelo molatong wa tšona wa dipuku di swanetše go romela tšhelete le otara ya tšona. Go swanetše go ngwalwa ka thoko ga fomo ya Tefello le Kōpo ea Phokoletso (S-AB-20) moo go bontšhwago dikopi tše di sa lefelelwego tše di newago babulamadibogo. Re kgothaletša setho se sengwe le se sengwe sa lapa gore se be le kopi ya pukwana ye. Tše di swanetše go otarwa ka phuthego.
◼ Re boeletša tsebišo yeo e ilego ya tšwelela ka go Tirelo ya Rena ya Mmušo nywageng e sego kae e fetilego. Go ile gwa dirwa diphošollo tše itšego ka pukung ya Phela ka mo go sa Felego. Ge e ba o e-na le kopi yeo e gatišitšwego pele ga 1990, hle ela hloko se se latelago: Go na le phetogo kgopolong yeo e lego mabapi le ba-Sodoma bao go boletšwego ka bona go matlakala 178-80. Phetogo ye e tšweletše ka pukung ya Seremo sa Kutollo, letlakala 273 le ka go Morokami wa June 1, 1988, matlakala 30-1. Ge e ba o sa dutše o diriša kgatišo ya pejana, hle ngwala phetogo ye koping ya gago go kgonthišetša gore o fetišetša tsebišo e nepagetšego go barutwana ba gago ba Beibele.
◼ Bethele e nyaka balokiši ba dikoloi ka go akgofa. Ngwanabo rena lege e le ofe yo a ka itirago yo a hwetšagalago o swanetše go ikopanya le Mokgatlo kapejana ka mo go kgonegago.
◼ Dikhasete tše Difsa tša Video Tšeo di Lego Gona:
Seisemane: Purple Triangles (Taba ya lapa la ga-Kusserow leo phihlelo ya lona e tšweletšego tokollong ya September 1, 1985 ya Morokami. E tšweleditšwe ke seteišene sa Brithania sa thelebišene gomme Mokgatlo wa Watchtower wa reka ditshwanelo tša go e aba. Phuthego le batho bohle: R40,00; babulamadibogo: R35,00.)