Ithuteng Puku Ya Phela Ka Mo Go Sa Felego Le Ya Go Ba Batee Borapeding

1 Dipampišana, dipukwana (brochure), dimakasine le dipuku—ka moka ga tšona di ka dirišwa go thoma dithuto tša magae tša Beibele le batho bao ba thabelago. Ka baka la go abja ga yona ka gohle le go ipiletša ga yona, puku ya Motho yo a Phagamego Kudu yo a Kilego a Phela e ile ya dirišwa go thoma dithuto. Ka kgonthe o mongwe le o mongwe o swanetše go kgothaletšwa go e bala le go ithuta yona. Re dirile se ka go lokišeletša le go ba gona Thutong ya Puku ya Phuthego ka mehla.

2 Lega go le bjalo, go na le dipuku tše pedi ka mo go kgethegilego tšeo di swanetšego go ithutwa le ba bafsa go ba thuša go kwešiša dithuto tša motheo tša Beibele gotee le ditekanyetšo tša Bokriste tša go phela. Tšona ke: O ka Phela ka mo go sa Felego Paradeiseng mo Lefaseng le Go ba Batee Borapeding bja Modimo o Nnoši wa Therešo. Go kgothaletšwa gore kapejana ka mo go ka kgonegago, bao ba swarago dithuto tša magae tša Beibele ka dipuku tše dingwe ba fetogele go e nngwe ya dipuku tše. Ge e ba thuto e be e swarwa ka puku ya Motho yo a Phagamego, kgothaletša morutwana gore a tšwele pele a ipalela yona ka boyena. Thuto ya Beibele e swanetše go tšwetšwa pele go fihlela ge puku ya Phela ka mo go sa Felego le ya Go ba Batee Borapeding di feditšwe, gaešita lege motho a ka kolobetšwa pele puku ya bobedi e fetšwa. Thulaganyo ye e tla nea morutwana wa Beibele tekanyo e oketšegilego ya temogo le go tsepama moyeng.