Diboka Tša Tirelo Tša February
Beke e Thomago ka February 7
15 mets: Ditsebišo tša phuthego le Ditsebišo tše di kgethilwego go tšwa go Tirelo ya Rena ya Mmušo. Bontšha thero ya dimakasine yeo e theilwego ditokollong tša gona bjale. Boeletša dintlha tše dikgolo go Letlolo la Dipotšišo.
18 mets: “Tsošang Kgahlego Mmušong wa Modimo wa Khutšo.” Poledišano ya sehlogo le batheetši. Dipontšho tše pedi. Ka morago ga go hlahloba serapa 2, bontšha kamoo go ka sepedišwago pampišana ka gona go mong wa ntlo yo a swaregilego. Dira gore mogoeledi a botšiše ka tlhompho potšišo yeo e tlago go thea motheo bakeng sa leeto la go boela. Bontšha thero yeo e lego go serapa 3 yeo go yona mong wa ntlo a bontšhago kgahlego gomme mogoeledi a diriša puku ya Phela ka mo go sa Felego. Gape, motheo o swanetše go thewa bakeng sa leeto la go boela.
12 mets: “Na le Hlompha Lefelo la Lena la Borapedi?” Polelo ka mogolo yeo e theilwego sehlogong se se lego ka go Morokami wa June 15, 1993. Diriša tsebišo maemong a phuthego ya gabo lena. Ge e ba go e-na le bothata bjo itšego bjo go swanetšwego go bolelwa ka bjona, nea keletšo e swanetšego ka bohlale.
Kopelo 137 le thapelo ya go phetha.
Beke e Thomago ka February 14
10 mets: Ditsebišo tša phuthego. Pego ya tša ditšhelete. Bolela mantšu a Mokgatlo a tebogo bakeng sa meneelo yeo e rometšwego gomme o rete phuthego bakeng sa go thekga ga yona ka potego dinyakwa tša phuthego ya gabo lena. Kgothaletša go tšea karolo modirong wa tšhemo mafelo-bekeng. Gape hlalosa dithulaganyo tša Letšatši le le kgethegilego la Dimakasine ka April 9 gomme o kgothaletše bagoeledi gore ba thome go lokišetša gona bjale ka go otara dimakasine tše di oketšegilego.
20 mets: “Tutuetšang Kgolo ka Maeto a go Boela ao a Nago le Morero.” Poledišano ka dipotšišo le dikarabo. E-ba le pontšho ya leeto la go boela yeo e theilwego therong yeo e lego go serapa 3. Gatelela go nyakega ga go ba le temogo tabeng ya go se akaretše taba e ntši kudu nakong ya ketelo, gomme o gatelela bohlokwa bja go tutuetša kgahlego ketelong ya nakong e tlago.
15 mets: “Ba xo Hloiwa ke Dithšaba Tšohle.” Polelo ka mogolo yo a nago le phihlelo.
Kopelo 122 le thapelo ya go phetha.
Beke e Thomago ka February 21
5 mets: Ditsebišo tša phuthego. Ditaba tša Pušo ya Modimo.
15 mets: “Tumišang Leitšibolo la Jehofa!” Kakaretšo ya sehlogo ka dipotšišo le dikarabo. Polelo e borutho ya phišego ka mogolo, yeo e kgothaletšago bohle go ngwala lelokelelo la batho bao ba tlago go ba laletša go ba gona Segopotšong le polelong ye e latelago ya phatlalatša ya ka mehla. Bontšha dintlha tšeo di dirilwego go serapa 7. E-ba le mogoeledi yo a batamelago motho yo a tsenago ka Holong ya Mmušo gomme a gaša mahlo gohle. Mogoeledi o lemoga gore monna yoo o kgothaleditšwe gore a be gona ke motswalo yo a dulago motseng o mongwe. Mogoeledi o laletša monna go tla go dula le yena le lapa la gagwe e le gore ba tle ba kgone go badišana le yena Beibele le go opela le yena ka pukung ya dikopelo. Mogoeledi o ithapela go araba dipotšišo lege e le dife tšeo monna yoo a ka bago a e-na le tšona ka morago ga seboka. Phetha karolo ye ka go bega nako yeo phuthego e tlago go bina Segopotšo ka yona.
10 mets: Beibele—Mothopo wa Rena o Phalago Yohle wa Kgothatšo. Puku ya Go Boledišana, matlakala 224-8. Polelo ka mogolo. Ba bantši ka phuthegong le ka ntle ba nyaka kgothatšo. Bontšha kamoo mogoeledi yo mongwe le yo mongwe ka phuthegong a ka dirišago Lentšu la Modimo ka gona go kgothatša ba bangwe.
15 mets: “Ke mo go Holago Gakaakang go Anega Seo Jehofa a se Dirilego!” Poledišano ya dipotšišo le dikarabo ya dirapa 1-11 ya sehlogo sa ka pampiring ya ka gare. E-ba le ditlhaloso tše pedi tšeo di lokišeditšwego ka banababo rena bao ba nago le lenaneo la motho ka noši goba la lapa la go bala puku. Ba kgopele gore ba bolele selo se sengwe seo ba thabetšego go ithuta sona.
Kopelo 208 le thapelo ya go phetha.
Beke e Thomago ka February 28
5 mets: Ditsebišo tša phuthego. Lenaneo la mpho ya dipuku bakeng sa March.
15 mets: “Ke mo go Holago Gakaakang go Anega Seo Jehofa a se Dirilego!” Poledišano ka dipotšišo le dikarabo ya dirapa 12-20 ya pampiri ya ka gare. E-ba le ditlhaloso tše pedi tšeo di lokišeditšwego go tšwa go batheetši bao ba holegilego ka go bala puku ye.
15 mets: “Thekga Lenaneo la Seboka sa Phatlalatša la Phuthego ya Geno ka mo go Tletšego.” Polelo, eupja e ka akaretša potšišo e tee goba tše pedi tšeo di lebišitšwego go batheetši. Hlalosa kamoo batho bao ba thabelago bao ba bago gona Sebokeng sa Phatlalatša ka lekga la pele ba ka dirwago gore ba ikwe ba amogelega. E-ba le tlhaloso e tee yeo e lokišeditšwego go tšwa go mogoeledi yeo e hlalosago kamoo a hotšwego ka gona ke go ba gona Sebokeng sa Phatlalatša ka mehla.
10 mets: “Itišeng Malebana le Botho bjo bo Fošagetšego.” Polelo.
Kopelo 197 le thapelo ya go phetha.