Dikgopotšo tša Kopano ya Selete

Mabapi le dikopano ka December, hle gopolang tše di latelago:

Gaešita lege boemo bo ile bja kaonefala le nywaga, re sa dutše re lemoga gore banababo rena ba bantši ba ba se nago dikabelo tše ba swanetšego go di šetša kopanong ba a ema-ema nakong ya mananeo. Ka gona, re rata go kgothaletša bohle gore ba dule fase nakong ya mananeo gomme ba hlwaye tsebe tsebišong e rolwago.

Gore o hwetše mehola e mentši lenaneong go nyakega gore o be gona bakeng sa kopelo ya go bula le thapelo le go dula go fihlela kopelong le thapelong ya mafelelo letšatšing le lengwe le le lengwe. Ba bangwe ba na le mokgwa o mobe wa go tloga pele ga kopelo ya mafelelo le thapelo e le gore ba pheme pitlagano ya dikoloi.

Re kgonthišegile gore bohle ba ba tlago go ba gona ba tla rata go latela dikeletšo tše tše di kgethegilego.