Ba Thušeng Gore “ka Mohla o Mongwê” ba kwe
1 “Re tlo buša rè Xo kwa ka mohla o mongwê tabeng yeo.” (Dit. 17:32) Yeo e bile karabelo ya ba bangwe go e nngwe ya dithero tša Paulo tše di tumilego Mmotong wa Mars. Ka mo go swanago lehono, ba bangwe ba rata go kwa mo gontši ka molaetša wa Mmušo wo re o abelanego le bona ketelong ya rena ya pele.
2 Karolo e kgolo ya go ruta ga rena re e dira ge re boela go ya go hlagolela kgahlego. Go lokišetša gabotse go tla re thuša go hwetša mafelelo a mabotse. Letlakala 50 la Buka ea Tataiso ea Sekolo le eletša gore: “Taba ea pele ke hore u be le lintlha tse tšehetsang boitsebiso li hlakile kelellong. Leka ho fihlela hore na ke hobane’ng ha ntho e le joalo. Bona haeba u ka bolela ka mantsoe ao e leng a hao. E-ba le kutloisiso e ntle ea bopaki ba Mangolo. Lokela ho sebelisa mangolo ka mokhoa o molemo.”
3 Ge e ba o sepedišitše puku ya “Beibele—Na ke Lentšu la Modimo Goba la Motho?,” mo gongwe o ka bolela selo se se swanago le se:
◼ “Nakong e fetilego ge re be re boledišana, re ahla-ahlile mabaka ao ka ona re ka botago Beibele. Puku yeo ke go tlogeletšego yona e rotoša potšišo e rego, ‘Ke ka Baka La’ng o Swanetše go Bala Beibele?’ [Bala matseno go letlakala 5 gomme o dumelele karabo potšišong ya mafelelo.] Beibele e re botša gore kgaufsinyane Modimo ka boyena o tla rarolla mathata ka moka a nolago moko a batho gomme e re hlahla tseleng yeo re swanetšego go sepela go yona gore re thabele ditšhegofatšo tša nakong yeo ya lethabo. [Bala Psalme 119:105.] Puku ye e reretšwe go ba thušo thutong ya Beibele ya motho ka noši le ya lapa. Ke tla thabela go go bontšha kamoo o ka e dirišago ka gona.”
4 Diketelong tšeo go tšona o tlogetšego pampišana e rego, “Lebaka Leo ka Lona o ka Botago Beibele,” o ka bolela se:
◼ “Ka moka ga rena re kgahlegela seo bokamoso bo se huperego. Ge o lebelela maemo a gona bjale a lefase, o nagana gore go tla direga’ng? [Dumelela karabo.] Lege motho a ka akanya feela ka seo se tlago go direga, Modimo o tseba gabotse seo se tlago go direga. [Bala Jesaya 46:10.] Mo gongwe o ka makatšwa ke go lemoga gore Beibele e bolela e sa le pele gore kgaufsinyane re tla thabela ditšhegofatšo tša lefase le lefsa la paradeise. [Bala serapa sa boraro go letlakala 4.] E re ke go botše mo gontši ka kholofetšo ye e botse.”
5 Ge e ba o boela moo o thomilego thuto ya Beibele gona, mohlomongwe o ka leka matseno a:
◼ “Matšatšing a sego kae a fetilego ke bontšhitše kamoo re ithutago Beibele ka gona re diriša puku ya Beibele—Na ke Lentšu la Modimo Goba la Motho? Re ahla-ahlile dirapa tše sego kae go kgaolo 13, tšeo di bontšhitšego kamoo Beibele e ka fetošago bophelo bja motho ka gona. Ka ge re holofeditše, a re tšwetše poledišano ya rena pele. Na o ka rata go tla le kopi ya gago ya puku gotee le Beibele ya gago?” Thoma poledišano moo le e kgaoditšego gona, le ahla-ahla dirapa 4-6 tša kgaolo 13. Dira dithulaganyo tša go boa go tla go tšwetša poledišano pele.
6 Ga go na lehumo le le fetago tsebo e nepagetšego ya Lentšu la Modimo leo re ka le fetišetšago go ba bangwe. Tsebo e bjalo e ka ruta ka go boifa Jehofa gomme ya kgothaletša batho go sepela tseleng ya gagwe yeo e tlišago ditšhegofatšo tša ka mo go sa felego.—Die. 2:20, 21.