Na Dinako tša Diboka tša Lena di tla Fetoga?

 Maemong ao go ona diphuthego tše mmalwa tše di dirišago Holo e tee ya Mmušo di dumelelanego go šielana goba go fetoša dinako tša diboka, se se swanetše go dirwa mathomong a January. Go ikemišetša go sepedišana le thulaganyo e hlomilwego go bontšha go ratana le go naganelana. Gantši go fetošwa ga dinako tša diboka go tla le hola, gwa dira gore go be bonolo kudu go ya dibokeng.

Ka lehlakoreng le lengwe, phetogo e diregago lenyaga e ka ba e sa sepedišane gabotse le lenaneo la gago la modiro. E ka nyaka gore o dire dipeakanyo mokgweng wa gago wa ka mehla o ka bago o šarakanya boemo ka tsela e itšego. Go ikemišetša ga yo mongwe le yo mongwe go ba le tirišano go bontšha tebogo bakeng sa thulaganyo ka moka, e lego se se holago yo mongwe le yo mongwe yo a akaretšwago.

Ee, phetogo e latelago ya dinako tša diboka e ka ba yeo o e ratago. Lebakeng le, o kgothaletšwa go dira dipeakanyo tše di nyakegago tša gago ka noši e le gore o kgone go ba gona dibokeng ka moka tša beke le beke go ya ka lenaneo leo le rulagantšwego ke phuthego. Katanela go kgomarela pono ya mopsalme Dafida yo a itšego: “Ké thabetše ba xo nthêra ba re: A re yeng ngwakong wa Morêna!”​—⁠Ps. 122:⁠1.