Ditaba Tša Pušo Ya Modimo

Afrika Borwa: Go tlaleletša go tšeo di šetšego di tsebišitšwe, Phuthego ya Sea Park le ya Mfazazane (ka bobedi di Lebopong la ka Borwa la Natala) le tšona di thabetše go neelwa ga Diholo tša tšona tše difsa tša Mmušo ka October. Se se dira palo-moka ya Diholo tša Mmušo tše hlano tše di neetšwego mafelo-bekeng a October 1 le 2, 1994. Ditebogo di swanetše go lebišwa go bohle ba ba thušitšego meagong ye.

Albania: Go fihleletšwe tlhora e mpsha ya bagoeledi ba 353 ka July gotee le tlhora e mpsha ya dimakasine tše di sepedišitšwego. Bagoeledi ba phuthego ba dirile palo-gare ya diiri tše 22,4 bodireding gomme ba swara dithuto tša magae tša Beibele tše 1 073.

Cameroon: Go hlomilwe ofisi e mpsha ya lekala ka July, yeo e bilego sammaletee le tlhora e mpsha ya bagoeledi ba 21 323.

Greenland: Bagoeledi ba ba begilego tirelo ya tšhemo ba dirile palo-moka ya 134 ka July. Ye e be e le tlhora e mpsha.

Zaire: Gaešita le ge go lebeletšanwe le boemo bjo bo nyamišago bja bafaladi ba makgolo a dikete ba ba tsenago ka Zaire, go fihleletšwe tlhora e mpsha ya bagoeledi ba 83 442 ka July. Banababo rena ba dirile boiteko bjo bobotse kudu bja go thušana, gomme ba bolela gore mediro ya kimollo e tšwago ka ntle e lebogwa kudu.