Ditsebišo

◼ Mpho ya dipuku ka March: Tsebo e Išago Bophelong bjo bo sa Felego ka moneelo wa R3,50. April le May: Peeletšo ya ngwaga ya Morokami e tlago ka poso ka moneelo wa R38,00 bakeng sa dikgatišo tša gabedi ka kgwedi. Peeletšo ya ngwaga ya dikgatišo tša gatee ka kgwedi goba peeletšo ya dikgwedi tše tshelelago ya dikgatišo tša gabedi ka kgwedi ke R19,00. Dipeeletšo tša setlamo ke R24,00 le R12,00 ka go latelana. Dira boiteko bjo bo kgethegilego bja go sepediša dikopi tša dimakasine ge mpho e ganwa. June: Tsebo e Išago Bophelong bjo bo sa Felego ka moneelo wa R3,50.

◼ Molebeledi yo a okamelago goba yo mongwe yo a kgethilwego ke yena o swanetše go bala ditšhelete tša phuthego ka March 1 goba kapejana ka mo go kgonegago ka morago ga moo. Tsebišang phuthego ge se se dirilwe.

◼ Ka ge go tsebišitšwe ka go tokollo ya January 1996 ya Tirelo ya Rena ya Mmušo, polelo e kgethegilego ya phatlalatša bakeng sa sehla sa Segopotšo sa lenyaga e tla neelwa diphuthegong tše dintši ka Sontaga, April 21. Polelo e na le sehlogo se se rego, “Go Dula re se na Bosodi Gare ga Moloko o Kgopamego.” Go swanetše go dirwa boiteko bjo bo kgethegilego bja go laletša bao ba bilego gona Segopotšong ka April 2.

◼ Dipuku tše Difsa tše di Lego Gona:

Go Boledišana ka Mangwalo (phuthego le batho bohle: R5,60; babulamadibogo: R3,70) —Se-Tsonga

◼ Dikhasete tše Difsa tša Bidio tše di Lego Gona:

To the Ends of the Earth (E gatelela histori ya nywaga e 50 ya Gilead; phuthego le batho bohle: R52,00; babulamadibogo: R45,00) —Seisemane

United by Divine Teaching (E gatelela dibopego tše di kgethegilego tša dikopano tša ditšhaba-tšhaba tša 1993/94, e gatelela sehlogo sa kopano se se rego, “Thuto ya Modimo”; phuthego le batho bohle: R52,00; babulamadibogo: R45,00) —Sefora, Seisemane, Sepotokisi