Diboka Tša Tirelo Tša March
Beke e Thomago ka March 4
10 mets: Ditsebišo tša phuthego. Ditsebišo tše di kgethilwego go tšwa go Tirelo ya Rena ya Mmušo.
15 mets: “Retang Jehofa ‘ka Mehla.’” Dipotšišo le dikarabo. Bala dirapa 2-5 ge nako e dumela. Nea kgothatšo e agago bakeng sa modiro wa bobulamadibogo bja go thuša le bja ka mehla.
20 mets: “Tsebo ya go Tseba Modimo wa Therešo e Iša Bophelong.” Ahla-ahla dithero tše di šišintšwego. E-ba le pontšho e tee goba tše pedi.
Kopelo 78 le thapelo ya go phetha.
Beke e Thomago ka March 11
10 mets: Ditsebišo tša phuthego. Pego ya tša ditšhelete.
20 mets: “Holwa ke Sekolo sa Bodiredi sa Pušo ya Modimo sa 1996—Karolo 3.” Polelo ka molebeledi wa sekolo. Kgothaletša bohle bao ba ka kgonago go ngwadiša le go phetha dikabelo tša bona ka potego. Hlalosa ka mo go kwalago melao ya go bitša maina a Beibele, go etša ge e hwetšwa ka pukung ya ‘Mangwalo ka Moka,’ matlakala 325-6, dirapa 27-8.
15 mets: Dirang Dilo Gotee le le Lapa. Tate o bolela le lapa la gagwe ka mokgwa wo e sego wa tlwaelo ka go nyakega ga botee, yeo e theilwego go Morokami wa September 1, 1993, matlakala 16-19. Lebiša tlhokomelo thutong ya lapa le modirong wa boebangedi. Bontšha kamoo malapa a mehleng yeno a aroganago ka gona ka ge a diriša nako e nyenyane a le gotee gomme a se na se a swanago ka sona. Go ithuta Lentšu la Modimo le go tšea karolo gotee bodireding ke tšhegofatšo lapeng la Bokriste. Gatelela go nyakega ga gore tate a rulaganye dilo tše gabotse le gore mma a be le tirišano. Bana ba swanetše go kgahlišwa ke mediro ya moya, ba šome kgaufsi le batswadi. Lapa le tla kopana gomme le tla matlafatšwa bakeng sa go lebeletšana le dikgateletšo tše di oketšegago tša lefase.
Kopelo 211 le thapelo ya go phetha.
Beke e Thomago ka March 18
10 mets: Ditsebišo tša phuthego. Bao ba swarago dithuto ba swanetše go kgothaletša ba bafsa bao ba tšwelago pele gabotse thutong ya bona ya Beibele go katanela go ba bagoeledi ba ba sa kolobetšwago. Batswadi le bona ba ka thuša bana ba bona go ba bagoeledi. Boeletša tshepedišo e boletšwego yeo e lokeleditšwego ka go Go Rulaganyetšwa go Dira Bodiredi bja Rena, matlakala 97-100.
15 mets: Letlolo la Dipotšišo. Polelo ka mogolo. Ahla-ahla mabaka ao a re tutueletšago go ba ba neago, ka ge a hlalositšwe ka go Morokami wa January 15, 1992, matlakala 16-17.
20 mets: “Thušang ba Bangwe go Hwetša Tsebo e Išago Bophelong.” Ahla-ahla dithero tšeo di šišintšwego bakeng sa go dirišwa maetong a go boela. Akaretša pontšho e tee goba tše pedi. Gatelela pakane ya go thoma dithuto.
Kopelo 130 le thapelo ya go phetha.
Beke e Thomago ka March 25
15 mets: Ditsebišo tša phuthego. Ahla-ahla “Dikgopotšo tša Segopotšo.” Hlalosa lebaka leo ka lona go lego bohlokwa go ya go sona. (Bona Morokami wa February 15, 1985, matlakala 16-18.) Hlahloba dithulaganyo tša go thuša batšofadi, bao ba babjago le ba bafsa gore ba be gona. Bolela ka dithulaganyo tša modiro o oketšegilego wa tirelo ya tšhemo bekeng yona ye e-tlago. Boeletša gape sehlogo se se rego, “Moo go Amogela Baeng go Bontšhwago go Batho Bao ba sa Tsebjego,” seo se lego go letlakala 32 la tokollo ya Awake! ya September 22, 1995.
15 mets: Ahla-ahla Dintlha tše dikgolo tša 1996 Yearbook of Jehovah’s Witnesses. Sehlopha sa lapa se boledišana ka tše dingwe tša dikarolo tše di kgahlišago mabapi le modiro wa rena wa lefase ka bophara tšeo di akareditšwego go matlakala 3-5 le 33. Ba dumela gore ba tla leka go bala matlakala a sego kae a Yearbook letšatši le lengwe le le lengwe ba le gotee ka morago ga go hlahloba temana ya Beibele yeo e abetšwego ka pukung ya Go Hlahloba Mangwalo ka Mehla.
15 mets: “Go Lokišetša—Senotlelo se se Išago Katlegong.” Dipotšišo le dikarabo. Bolela gore re tla be re sepediša peeletšo ya Morokami ka April le May. Dirang ditokišetšo gona bjale ka go otara dimakasine tše di oketšegilego, le hwetše dipampišana tše sa ngwalwago tša peeletšo gomme le rulaganyetše go thekga dithulaganyo tša phuthego tša modiro wa Letšatši la Dimakasine.
Kopelo 7 le thapelo ya go phetha.