Diboka Tša Tirelo Tša August
Beke e Thomago ka August 5
10 mets: Ditsebišo tša phuthego. Ditsebišo tše di kgethilwego go tšwa go Tirelo ya Rena ya Mmušo.
20 mets: “Go se Kgaotše go Tsebatšeng Ditaba tše di Lokilego.” Polelo le poledišano le batheetši. Akaretša ditsopolo go tšwa go Insight on the Scriptures, Bolumo 2, letlakala 673, serapa 1.
15 mets: “Goeletša Ditaba tše di Lokilego tša Mmušo ka Diporoutšha.” (Dirapa 1-5) Diriša serapa sa pele polelong ya matseno. Nea ditlhaloso tše di kgothatšago mabapi le mehola ya go diriša poroutšha ya Bophelo Lefaseng le ya ‘Bonang,’ bodireding. Rulaganyetša dipontšho tše nne tše di boeleditšwego gabotse, tšeo di bontšhago kamoo diketelo tša pele le maeto a go boela a swarwago ka gona ka diporoutšha tše. Dira gore mogoeledi wa mofsa yo a thušwago ke motswadi wa gagwe, a bontšhe dithero ka poroutšha ya Bophelo Lefaseng. Bagoeledi mo gongwe ba ka rata go hlama dithero tša bona tša go sepediša diporoutšha tše dingwe ba ekiša tšeo di šišintšwego mo.
Kopelo 136 le thapelo ya go phetha.
Beke e Thomago ka August 12
15 mets: Ditsebišo tša phuthego. Pego ya tša ditšhelete. Akaretša ditlhaloso tše di kgothatšago ka ga “Ditsela tša go ba le Karolo,” ka go Morokami wa December 1, 1993, matlakala 29-31.
15 mets: “Goeletša Ditaba tše di Lokilego tša Mmušo ka Diporoutšha.” (Dirapa 6-8) Nea kakaretšo e kopana ya dikagare tša poroutšha ya Mmušo. Bontšha dithero tše di šišintšwego bakeng sa ketelo ya pele le leeto la go boela. Kgothaletša bohle go boela moo ba sepedišitšego se sengwe.
15 mets: “Meneelo Bakeng sa Modiro wa Mokgatlo wa Lefase ka Bophara e Thekga Katološo.” Polelo ya phišego ka mogolo. Akaretša tše dingwe tša dipalo-palo mabapi le tšwelopele ya modiro wa Mmušo go tše dingwe tša dinaga tšeo di tšweleditšwego, ka ge go begilwe ka go Yearbook.
Kopelo 9 le thapelo ya go phetha.
Beke e Thomago ka August 19
10 mets: Ditsebišo tša phuthego. Ditaba tša Pušo ya Modimo.
15 mets: “Ke Mang yo a Swanelegelago go Dira Boboledi?” Mogolo o ahla-ahla sehlogo le bagoeledi ba babedi goba ba bararo. Gatelela gore re amogela tlwaetšo e phalago tšohle yeo e hwetšagalago, e lego yeo e re hlamago ka mo go tletšego re le badiredi ba Modimo. Ga re na lebaka la go ikwa re sa swanelegele go dira boboledi.
20 mets: “Kamoo go ka Dirwago Barutiwa ka Gona ka Puku ya Tsebo.” Poledišano le batheetši ya dirapa 17-26 tša pampiri ya ka gare ya Tirelo ya Rena ya Mmušo ya June 1996. Rulaganyetša e sa le pele go akaretša diphihlelo tša lefelong leo tša bao ba swarago dithuto ka puku ya Tsebo. Ba ka bolela dipolelo tše di kgothatšago mabapi le kamoo ba ilego ba diriša ditšhišinyo tšeo di hwetšwago ka pampiring ya ka gare le kamoo ba ilego ba thušwa ka gona go swara thuto e tšwelago pele kudu ya legae ya Beibele. Kgothaletša bohle gore ba boloke pampiri ya ka gare gomme ba e boeletše e le bona ka noši nako le nako ge ba thoma thuto e mpsha.
Kopelo 189 le thapelo ya go phetha.
Beke e Thomago ka August 26
15 mets: Ditsebišo tša phuthego. Hlahloba “Lenaneo le Lefsa la Kopano ya Letšatši le le Kgethegilego.” Bega ka tšwelopele tšhemong e sa abjago. Tsebiša phuthego ka dithulaganyo tša September. Boledišana le mogoeledi o tee goba ba babedi mabapi le katlego e thabelwago nakong ya lesolo. Mongwaledi le baswari ba thuto ya puku ba swanetše go kgonthišetša gore dipego ka moka tše di šaletšego tša tirelo ya tšhemo bakeng sa ngwaga wa tirelo wa 1996 di a tlišwa. Gopotša bagoeledi gore ba bege tirelo ya bona ya tšhemo ya August ka bjako.
15 mets: Go Bontšha Kgahlego Ditabeng tša Bana ba Gago tša Sekolo. Polelo ka mogolo. Boeletša tsebišo yeo e lego ka poroutšheng ya Dihlatse tša Jehofa le Thuto, matlakala 2-5, yeo e bontšhago lebaka leo ka lona re lebogago tlwaetšo e holago yeo e newago sekolong. Ahla-ahla kamoo go ka hlalosetšwago barutiši ka bohlale lebaka leo ka lona re etišago dipakane tša moya ka pele-pele go e na le dilo tša lefase tše di phegelelwago. Batswadi ba swanetše go nea barutiši ba bana ba bona kopi ya poroutšha ya Thuto, ge e ba ba se ba hlwa ba dira bjalo. Akaretša dintlha go tšwa go “Mafelelo,” go letlakala 31. Kgothaletša batswadi go diriša ditšhišinyo tše di neilwego ka go Awake! ya September 8, 1988, letlakala 11.
15 mets: Hlahloba Mpho ya Puku ya September. Re tla diriša puku ya O ka Phela ka mo go sa Felego Paradeiseng mo Lefaseng. Hlalosa lebaka leo ka lona go nago le go nyakega ga gore batho ba hwetše tsebišo yeo puku ye e nago le yona. (Bona Morokami wa April 1, 1988, matlakala 25-6, dirapa 17-18.) Lebiša tlhokomelo diswantšhong tše di kgahlišago tšeo di tšwelelago go matlakala 3, 11-13, le 156-8 a puku. Ahla-ahla ditsela tšeo ka tšona diswantšho tše di ka dirišwago bakeng sa go thoma dipoledišano. Dira gore mogoeledi yo a nago le bokgoni a bontšhe thero e kopana a diriša tše dingwe tša ditemana tša Mangwalo tšeo di tšwelelago go matlakala 156-8. Ge e ba phuthego e sa dutše e e-na le dikopi tša Go Dira Bophelo bja Lapa la Gago Gore bo Thabiše setokong, tše le tšona mo gongwe di ka sepedišwa.
Kopelo 113 le thapelo ya go phetha.