Ditsebišo
◼ Mpho ya dipuku ka August: Poroutšha le ge e le efe ya tše di latelago tša matlakala a 32 ka moneelo wa R1,00 ka e tee: ‘Bonang, Dilo ka Moka ke di Dira tše Mpsha,’ Ge Motho yo o mo Ratago a E-hwa, Mmušo Woo o Tlago go Tliša Paradeise, Morero wa Bophelo ke Ofe—O ka o Hwetša Bjang?, Na Modimo Ruri o na le Taba le Rena?, Na o Swanetše go Dumela Boraro Botee? le Thabela Bophelo Lefaseng ka mo go sa Felego! Moo go swanetšego, poroutšha e bjalo ka ya Meoya ya Bahu—Na e ka go Thuša Goba ya go Gobatša? Na ge e le Gabotse e Gona? e ka sepedišwa. September: O ka Phela ka mo go sa Felego Paradeiseng mo Lefaseng ka moneelo wa R8,00 bakeng sa tše dikgolo goba wa R4,00 bakeng sa tša bogolo bja go lekana potla. Diphuthego tše di nago le Go Dira Bophelo bja Lapa la Gago Gore bo Thabiše setokong le tšona di ka sepediša puku ye. October: Dipeeletšo tša ngwaga o tee tše di tlago ka poso tša Phafoga! goba Morokami ka moneelo wa R38,00 bakeng sa dikgatišo tša gabedi ka kgwedi. Peeletšo ya ngwaga o tee ya dikgatišo tša gatee ka kgwedi goba peeletšo ya dikgwedi tše tshelelago ya dikgatišo tša gabedi ka kgwedi ke R19,00. Dipeeletšo tša setlamo ke R24,00 le R12,00 ka go latelelana. Dira boiteko bjo bo kgethegilego bja go sepediša dikopi tša dimakasine ge mpho e ganwa. November: Tsebo e Išago Bophelong bjo bo sa Felego ka moneelo wa R3,50. Go tla dirwa boiteko bjo bo kgethegilego bakeng sa go boela gohle mo go sepedišitšwego se sengwe, ka morero wa go thoma dithuto tša legae tša Beibele.
◼ Go tloga ka August 30, 1996, go ya go August 31, 1996, Mokgatlo o tla ba o bala dipuku ka moka tšeo di lego gona Bethele. Ka baka la go balwa mo, ga go na diotara tša dipuku tša diphuthego tšeo di tlago go šongwa bakeng sa gore di romelwe goba bakeng sa gore di latwe matšatšing ao.
◼ Phuthego e nngwe le e nngwe e tla amogela difomo tše tharo tša Leqephe la ho Tlatsa Manane a Libuka (S-AB-18). Mongwaledi wa phuthego o swanetše go kopana le mohlanka wa dipuku mathomong a August gomme ba bee letšatši la go balwa ga lelokelelo la setoko sa phuthego sa dipuku bofelong bja kgwedi. Dipuku ka moka tše di lego gona setokong di swanetše go balwa e le ka kgonthe gomme dipalo-moka di swanetše go tsenywa fomong ya Leqephe la ho Tlatsa Manane a Libuka. Palo-moka ya dimakasine tšeo di lego gona e ka hwetšwa go mohlanka wa dimakasine. Hle romelang kopi ya ka godimo go Mokgatlo e sego ka morago ga September 6. Bolokang kopi ya khapone difaeleng tša lena. Kopi ya boraro e ka dirišwa e le pampiri ya go ngwalela modiro. Go balwa ga setoko go swanetše go hlokomelwa ke mongwaledi, gomme fomo e tladitšwego e swanetše go hlahlobja ke molebeledi yo a okamelago. Mongwaledi le molebeledi yo a okamelago ba tla saena fomo.
◼ Dikarata tša dipetšhe tša kopano ya 1996 di swanetše go otarwa gomme di tla lefišwa akhaontong ya phuthego ya dipuku ka disente tše seswai karata ka e tee. Diphuthego tšeo di se nago akhaonto le Mokgatlo goba di e-na le tlhaelelo akhaontong ya tšona di swanetše go romela tšhelete le otara ya tšona. Hle otarang ka disola tša tše 20 moo go kgonegago. Dikarata tša dipetšhe di hwetšagala ka se-Afrikaans, Seisemane, Sepedi, Sepotokisi, Sesotho, Setswana, se-Xhosa le se-Zulu. (Hle elang hloko gore bjale tša Setswana le tša Sepedi di gona ka lekga la mathomo.) Tsenyang otara ya lena le diriša fomo ya Literature Order (S-AB-14). Diotara tše di swanetše go fihla go Mokgatlo pele ga November 1, 1996. Ka morago ga moo, re ka se ke ra tlatša diotara tša dikarata tša dipetšhe.
◼ Bagoeledi bao ba rulaganyetšago go thoma tirelo ya bobulamadibogo bja ka mehla ka September 1, 1996, ba swanetše go dira dikgopelo ka ntle le go diega.
◼ Mongwaledi wa phuthego o tla kgoboketša dipego tša tirelo gore a di tsenye fomong ya Pego ya Tlhahlobo ya Phuthego (S-AB-10). Gape o tla ruta ka kelohloko mogolo goba mohlanka wa bodiredi le ge e le ofe yo a ka bago a thuša go kgoboketša pego. Se se tla kgonthišetša go dirwa ga lelokelelo le le nepagetšego la tsebišo e nyakegago e tšwago dikarateng tša Tlaleho ea Mohoeletsi ea Phutheho (S-21). Fomo ya Pego ya Tlhahlobo ya Phuthego (S-AB-10) e swanetše go tlatšwa ka mo go nepagetšego le ka bothakga gomme e hlahlobje ka šedi ke komiti ya tirelo.
◼ Diphuthego di gopotšwa gore di otare sesola se se lekanego sa difomo bakeng sa ngwaga wa tirelo wa 1997. Difomo tše ga se tša swanela go senywa; di swanetše go dirišetšwa feela mošomo o di o reretšwego.