Hle di nee Molebeledi wa Sekolo

LETLAKALA LA DIKARABO LA TLHAHLOBO E NGWALWAGO YA SEKOLO SA BODIREDI SA PUŠO YA MODIMO DITABENG TŠEO DI LEGO GO BEIBELE; DIHLATSE TŠA JEHOFA—BAGOELEDI BA MMUŠO WA MODIMO [jv-SE]; ‘MANGWALO KA MOKA A BUDULETŠWE KE MODIMO GOMME A A HOLA’ [si-SE]; TSEBO E IŠAGO BOPHELONG BJO BO SA FELEGO [kl-SE]; DIHLOGO TŠA POLEDIŠANO TŠA BEIBELE (Kgatišo ya 1993) [td-SE] LE MMALO WA BEIBELE WA BEKE LE BEKE, O AKARETŠAGO DIKABELO TŠA DIBEKE TŠA MAY 6 GO YA GO AUGUST 19, 1996.

DITAELO: Yo mongwe le yo mongwe o swanetše go ba le dipotšišo bakeng sa tlhahlobo bjalo ka ge go bontšhitšwe ka go Tirelo ya Rena ya Mmušo. Kgonthišetša gore bohle ba ba ratago go tšea karolo ba na le pampiri ya go ngwalela. Ka gona molebeledi wa sekolo o swanetše go bontšha ge go fihlile nako ya go thoma. Tlhahlobo e lekaneditšwe go metsotso e 25 feela, yeo ka morago ga yona molebeledi wa sekolo a balago dipotšišo le dikarabo ka go hlaboša (goba a laletšago batheetši gore ba tšee karolo dipotšišong tše dingwe). O swanetše go lebiša tlhokomelo dipotšišong tšeo e lego tše thata kudu, a thuše bohle go kwešiša dikarabo gabotse. Morutwana yo mongwe le yo mongwe a ka hlahloba letlakala la gagwe, a fo swaya karabo e nngwe le e nngwe e nepagetšego ka leswao. Matlakala a ka se ke a bokanywa. Ga se ka mehla go kgonegago go nea dikarabo ka moka tšeo di swanago le tše di lego letlakaleng la dikarabo; ka gona karabo le ge e le efe e swanetšego e bile e dumelelana le kwešišo ya rena ya gona bjale e a amogelwa, le ge e ba ntlha yeo e se gona letlakaleng la dikarabo. Phuthego ga e a swanela go newa letlakala la dikarabo gore e le bale go fihlela ge e ngwadile tlhahlobo, fela molebeledi wa sekolo a ka le diriša e le tlhahlo dintlheng tšeo a ratago go di gatelela phuthegong. Ke Beibele feela yeo e ka dirišwago nakong ya tlhahlobo.

TLHOKOMEDIŠO GO BALEBELEDI BA SEKOLO: Nomoro yeo e sekamišitšwego yeo e lego ka pele ga tšhupetšo e emela beke yeo e latelago tlhahlobo ya nakong e fetilego, yeo taba yeo potšišo ye e theilwego go yona e bego e swanetše go akaretšwa.

Araba le lengwe le le lengwe la mafoko a latelago ka Therešo goba Maaka:

1. Gaešita le ge re kgona go nea mo gontši goba mo gonyenyane, ke ga Mangwalo go kgopela e le ka kgonthe tokelo ya go thuša banababo rena ba botegago ba Bakriste bao ba ikhwetšago ba hloka dinyakwa tša bophelo. (2 Ba-Kor. 8:1-4) [16, jv-SE letl. 314 ser. 2]

2. ‘Gogo wa Magogo’ ke tšhupetšo ya seswantšhetšo ya mebušo ya lefase. (Hesek. 38:2) [12, Mmalo wa Beibele wa beke le beke; bona w91-SE 8/15 letl. 27 ser. 2.]

3. Go etša ge Ohola e be e le mogolwago Oholiba bjalo ka ge go ngwadilwe go Hesekiele kgaolo 23, ka mo go swanago Bokatholika bja Roma ke mogolwago Boprotestanta, gomme mekgatlo ye ka bobedi e itšhilafaditše ka go dira bootswa bja moya le mebušo ya tša kgwebo le ya tša bopolitiki ya lefase. [6, Mmalo wa Beibele wa beke le beke; bona w89-SE 4/1 letl. 30.]

4. Dihlatse tša Jehofa di oketšegile ka palo go fihlela moo di fetago palo ya baagi ba ditšhaba tše dintši tše di ikemetšego. [7, jv-SE letl. 278 ser. 2]

5. Ka ge e le hlogo ya lapa, monna o swanetše go kwewa ke mosadi wa gagwe ge a ganetša borapedi bja therešo. [4, td-SE 19B]

6. Jakobo 4:17 le Hesekiele 33:7-9 di dumelelana ka go bontšha gore ke tsebo ya go tseba seo Modimo a se nyakago go rena yeo e re dirago gore re ikarabele go yena. [10, Mmalo wa Beibele wa beke le beke; bona w93-SE 4/1 letl. 7 ser. 1.]

7. Daniele o itlhatsetše e le moporofeta wa therešo ka go hlalosa seo se bolelwago ke seswantšho sa toro ka morago ga ge Kgoši Nebukadinetsara a mo hlaloseditše yona. [15, Mmalo wa Beibele wa beke le beke; bona Daniele 2:7-9, 26.]

8. Meetse ao a elelago go tšwa tempeleng yeo e bonwago ponong, ao a hlaloswago go Hesekiele 47:1, a emela matla a go hlwekiša a kolobetšo. [14, Mmalo wa Beibele wa beke le beke; bona w88-SE 9/15 letl. 27 ser. 20.]

9. Go e na le gore batho e be ba reretšwego e sa le pele, re neilwe kgetho ya go hlankela Jehofa goba go se mo hlankele. (Joh. 3:16) [8, td-SE 41A]

10. Ga se mo go swanetšego go ganetša dithuto tša bodumedi bja maaka. (Mat. 23:15, 23, 24; 15:4-9, 14) [12, td-SE 3B]

Araba dipotšišo tše di latelago:

11. Ke ka ditsela dife moo Charles Taze Russell a bontšhitšego gore o be a ela hloko mantšu a Jesu mabapi le go tsoma Mmušo pele? (Mat. 6:33) [8, jv-SE letl. 283 ser. 6]

12. Ke bohlatse bofe bjo bo sa belaetšego bjo dikopano tša Dihlatse tša Jehofa di bo neago? [3, jv-SE letl. 254 dir. 2, 3]

13. Ke ka tsela efe Dihlatse tša Jehofa tše tloditšwego le bagwera ba tšona, ba swanetšego go swana le Hesekiele? (Hesek. 11:25) [1, Mmalo wa Beibele wa beke le beke; bona w88-SE 9/15 letl. 16 ser. 3.]

14. Ke ka baka la’ng diboka tša go kgetholla bafsa ka phuthegong di ile tša kgaotšwa ka 1938? [1, jv-SE letl. 246 ser. 2]

15. Ke kgonthišetšo efe yeo re nago le yona ya gore bohle bao ba lego mabitleng a kgopotšo ba tla tsošwa? [15, td-SE 44A]

16. Leina la Modimo, e lego Jehofa le bolela’ng? [13, kl-SE letl. 25 ser. 7]

17. Ge Mokriste wa therešo a thoma go diila, ke mang yo a nago le boikarabelo bjo bogolo bja go nea thušo ya dilo tše di bonagalago, gomme motheo wa Mangwalo ke ofe karabong ya gago? [12, jv-SE letl. 305 ser. 1]

18. Ke’ng seo se nyakegago gore dithapelo tša rena di kwewe ke Modimo? [6, td-SE 40A]

19. Ke moporofeta ofe yo a ilego a šupa lefase e le “kgokolo,” (NW) gomme ke kae ka Mangwalong moo se se ngwadilwego gona? [8, kl-SE letl. 17 ser. 14]

20. Go tsoma Mmušo pele ge e le gabotse go bolela’ng? [10, jv-SE letl. 295 ser. 1]

Nea lentšu goba mantšu a nyakegago go tlaleletša le lengwe le le lengwe la mafoko a latelago:

21. Tabeng ya go phethagatšwa ga Hesekiele 21:31, mmušo o “phaxamilexo” wa ․․․․․․․․ o ile wa “kokobetšwa” ka go senywa ka ․․․․․․․․, gomme mebušo e “kokobetšexo” ya ․․․․․․․․ e ile ya “xodišwa” ka go e dumelela gore e laole lefase ka ntle le go šitišwa ke ․․․․․․․․ wa seswantšhetšo wa Modimo. [5, Mmalo wa Beibele wa beke le beke; bona w88-SE 9/15 letl. 19 ser. 16.]

22. Karolo ya puku ya ․․․․․․․․ ge e le gabotse ke ․․․․․․․․ e ngwadilwego e sa le pele, yeo e lebišago ntweng ya go lwela matla ya mebušo e megolo go theoša le nywaga-kgolo. [15, si-SE letl. 138 ser. 1]

23. Polelwana “Dafida mohlanka wa-ka” go Hesekiele 34:23, e be e ngwadilwe kgale ka morago ga lehu la ․․․․․․․․; ke polelo ya boporofeta gomme e šupa go ․․․․․․․․. [14, si-SE letl. 137 ser. 31]

24. Magareng ga January 1946 le August 1948, batho ba Jehofa ba ile ba neela ․․․․․․․․ le ․․․․․․․․ bakeng sa Dihlatse tše di bego di dula dinageng tše 18 tšeo di bego di hlasetšwe ke ․․․․․․․․. [13, jv-SE letl. 308 dir. 3, 4]

25. Ditiragalo tše bohlokwa kgolong ya moya di ile tša fihlelelwa ka 1931 ge re be re amogela leina ․․․․․․․․, ka 1935 nakong ya ge ․․․․․․․․ le be le tsebja, ka 1950 nakong ya ge ․․․․․․․․ e be e lokollwa le ka 1962 ge re be re e-ba le kwešišo e nepagetšego mabapi le ․․․․․․․․. [4, jv-SE letl. 260 ser. 3–letl. 264 ser. 1]

Kgetha karabo e nepagetšego go le lengwe le le lengwe la mafoko a latelago:

26. Jehofa o leka-lekanya ka mo go phethagetšego dika tša (kgaugelo le bogale; lerato le toka; lerato le botho), ka go rialo ga a šireletše badiradibe ba ka boomo go ditla-morago tša phošo ya bona. [16, kl-SE letl. 28 ser. 17]

27. Bokamoso bja lefase le batho bo akaretšwa ka boripana ka lentšu le tee, (tsogo; topollo; paradeise). [2, kl-SE letl. 8 ser. 8]

28. Jesaya o ile a porofeta nywageng e ka bago (200; 500; 800) pele gore Korese o be a tla fenya motse wa (Jerusalema; Babele; Ninife). [9, kl-SE letl. 18 ser. 17]

29. Leina la Modimo le le kgethegilego le tšwelela ka makga a ka bago (1900; 7000; 300) Mangwalong a Sehebere feela, gantši go feta le ge e le sefe sa direto tša gagwe. [12, kl-SE letl. 24 ser. 5]

30. Go wa ga Babele go ile gwa bolelwa e sa le pele ke (Daniele le Hosea; Joele le Amosi; Jesaya le Jeremia). [9, kl-SE letl. 18 ser. 17]

Tswalanya mangwalo a latelago le mafoko a lokeleditšwego ka mo tlase:

Ps. 22:7, 8, 18; Ps. 78:40, 41; Jes. 55:10, 11; Dan. 1:8, 11-13; 1 Ba-Kor. 9:16

31. E le go gatelela bohlokwa bja modiro wa go bolela, Watchtower ya 1949 e itše: “Jehofa o dirile boboledi modiro wa bohlokwa kudu woo mang le mang wa rena a ka o dirago lefaseng le.” [1 Ba-Kor. 9:16] [9, jv-SE letl. 292 ser. 4]

32. Bakriste ba bafsa ga se ba swanela go dika-dika go tsebiša ka tlhompho babuši le barutwana-gotee le bona gore ba ka se ke ba gobatša letswalo la bona la go boifa Modimo. [Dan. 1:8, 11-13] [15, Mmalo wa Beibele wa beke le beke; bona w92-SE 11/1 letl. 14 ser. 17.]

33. Morero wa mathomo wa Modimo bakeng sa batho le lefase o tla phethagatšwa. [Jes. 55:10, 11] [2, kl-SE letl. 9 ser. 10]

34. Jesu o ile a swarwa gampe le go tšeelwa diaparo pele a e-hwa. [Ps. 22:7, 8, 18] [10, kl-SE letl. 19 ser. 19]

35. Modimo o na le maikwelo, gomme dikgetho tšeo re di dirago di a mo kgoma. [Ps. 78:40, 41] [6, kl-SE letl. 14 ser. 8]