Ditsebišo

◼ Mpho ya puku ya February: Motho yo a Phagamego Kudu yo a Kilego a Phela. March: Tsebo e Išago Bophelong bjo bo sa Felego. Go tla dirwa maiteko a kgethegilego bakeng sa go thoma dithuto tša legae tša Beibele. April le May: Dimakasine tša Morokami le Phafoga! Sepediša poroutšha ya Seo Modimo a se Nyakago, ka morero wa go thoma dithuto tša legae tša Beibele.

◼ Molebeledi yo a okamelago goba motho yo mongwe yo a kgethilwego ke yena o swanetše go bala ditšhelete tša phuthego ka March 1 goba kapejana ka mo go ka kgonegago ka morago ga moo. Tsebišang phuthego ge se se dirilwe ka morago ga ge pego e latelago ya tša ditšhelete e badilwe.

◼ Mongwaledi le molebeledi wa tirelo ba swanetše go hlahloba modiro wa babulamadibogo ka moka ba ka mehla. Ge e ba go e-na le ge e le ofe yo a nago le bothata bja go fihlelela diiri tše di nyakegago, bagolo ba swanetše go rulaganya gore a newe thušo. Bakeng sa ditšhišinyo, hlahlobang lengwalo la ngwaga la S-201. Bona gape le pampiri ya ka gare ya Tirelo ya Rena ya Mmušo ya August 1986, dirapa 12-20.

◼ Mongwaledi o swanetše go kgonthišetša gore Komiti ya tša Meago ya Tikologo e tsebišwa ka maemo a bagoeledi ka moka bao ba kolobeditšwego bao ba rometšego difomo tša Kingdom Hall Volunteer Worker Questionnaire (S-82). Ge e ba go e-na le diphetogo ka boemo bja moithapi, go swana le ge motho a huduga goba a kgethilwe bjalo ka mohlanka wa bodiredi goba mogolo, go swanetšwe go tlatšwe difomo tše difsa ka pela-pela gomme di romelwe. Ge e ba aterese ya go romela poso goba nomoro ya mogala ya moithapi e fetoga, goba ge e ba a se sa hlwa a le boemong bjo bobotse ka phuthegong, bagolo ka pela-pela ba swanetše go tsebiša Komiti ya tša Meago ya Tikologo ka lengwalo.

◼ Hlokomelang dithulaganyo tša boradia tšeo di gašwago ka Internet le ka poso tša go kgopela tšhelete bakeng sa bana babo rena ka boikgakanyo bja gore ke ya go thuša bahlaselwa ba dikotsi. Neng le neng ge go e-na le maemo ao a nyakago gore go bopše komiti ya tlhakodišo gore go newe thušo ya dilo tše di bonagalago bakeng sa Dihlatse tša Jehofa, bana babo rena bao ba ikarabelago ba tla tsebišwa. Meneelo bakeng sa dinyakwa tše bjalo e swanetšwe go romelwa go Jehovah’s Witnesses, Private Bag X2067, Krugersdorp, 1740.

◼ Polelo e kgethegilego ya phatlalatša bakeng sa sehla sa Segopotšo sa 2002 e tla newa ka Sontaga, April 14. Sehlogo sa polelo e tla ba se se rego, “Boloka ‘Letšatši le le Boifišago’ le le Kgaufsi Monaganong!” Go tla newa thulaganyo ya polelo. Diphuthego tšeo di nago le ketelo ya molebeledi wa tikologo goba kopano mafelo-bekeng ao di tla ba le polelo e kgethegilego bekeng ya ka morago ga yeo. Ga go na phuthego e swanetšego go ba le polelo e kgethegilego pele ga April 14, 2002.

◼ Mo nakong ye tokišetšo ya peeletšo ya setlamo e fedišitšwe, eupša re tla tšwela pele re romela dipeeletšo ka moka tša setlamo tšeo di lego gona go fihla ge nako ya tšona e fela. Dipeeletšo tša poso di sa hwetšagala, eupša ke feela bakeng sa batho bao ba lego mafelong a kgole moo ba sa kgonego go ikgokaganya le phuthego.

◼ Go thoma ka tokollo ya April 1, 2002, Morokami—Wa Mongwalo o Mogolo o tla hwetšagala ka se-Zulu e le kgatišo ya gabedi ka kgwedi. Diphuthego di swanetše go romela dikgopelo tša tšona ka fomo ya Kgopelo ya Dimakasine tša Phuthego (M-202).

March 2, 2002, e tla ba Letšatši la rena le le kgethegilego la Dimakasine. Nakong e fetilego ba bantši ba ile ba thabela go ba le karolo medirong ya Letšatši le le kgethegilego la Dimakasine. Re kgothaletša bohle go thoma go rulaganya gona bjale e le gore ba be le karolo ka mo go tletšego lenyaga. Diphuthego di swanetše go romela dikgopelo tše kgethegilego tša dimakasine ka pela-pela ka mo go ka kgonegago.