Poeletšo Ya Kopano Ya Tikologo
Thulaganyo ye e tla dirišetšwa go hlahloba e sa le pele le go boeletša lenaneo la kopano ya tikologo bakeng sa ngwaga wa tirelo wa 2005. Sehlogo se se rego, “Thulaganyo e Mpsha Bakeng sa go Boeletša Mananeo a Kopano” seo se tšwelelago go letlakala 4 la pampiri ye ya ka gare, se hlalosa kamoo poeletšo ye e tlago go dirwa ka gona. Nakong ya poeletšo, arola nako gore go be le nako e lekanego ya go ahla-ahla dipotšišo ka moka. Poeletšo e swanetše go lebiša tlhokomelo tabeng ya kamoo re ka dirišago tsebišo yeo e ilego ya newa.
LENANEO LA MESONG LA LETŠATŠI LA PELE
1. Ke’ng seo se tla re thušago gore re hwetše bohlale bjo bo tšwago go Modimo?
2. Ke boiteko bofe bjoo bao ba lego tikologong ba bo dirilego e le gore ba fihlelele batho ba oketšegilego ka ditaba tše dibotse?
LENANEO LA THAPAMA LA LETŠATŠI LA PELE
3. Ke ka baka la’ng go le bohlokwa gore Bakriste ba dule ba hlwekile ka gare? Se se fihlelelwa bjang?
4. Re ka ipontšha bjang re le bao ba nago le khutšo le bana babo rena?
5. Teka-tekano ke’ng, gomme re ka e bontšha bjang tseleng yeo re dirišago nako ya rena ka yona?
6. Re ithuta’ng mehlaleng ya Saulo le Noage? Ke ditsela dife tšeo ka tšona re ka bontšhago gore re “ikemišeditše go kwa”? (Jak. 3:17)
7. Bakriste ba ka itiša bjang malebana le go phela maphelo a mabedi?
8. Re ka ekiša bjang mohlala wa Paulo tabeng ya go bolela bohlale bja Modimo?
LENANEO LA MESONG LA LETŠATŠI LA BOBEDI
9. Ke ka baka la’ng re swanetše go ba šedi ge re kgetha mediro yeo re e phegelelago, gomme ke’ng seo se tla re thušago go dira bjalo?
10. Ke boiteko bofe bjoo bao ba lego tikologong ba bo dirago e le gore ba be gona dibokeng ka mehla, gomme go dira bjalo go ba hotše bjang?
11. Dihlogo tša malapa di ka aga bjang malapa a tšona?
12. Ke dinyakwa dife tša tikologo tšeo re ilego ra di gopotšwa?
LENANEO LA THAPAMA LA LETŠATŠI LA BOBEDI
13. Ka ge go boletšwe polelong ya phatlalatša, ke mediro efe ya go loka yeo e bego e dutše e tšweletšwa ke bohlale bjo bo tšwago godimo?
14. Ke ka baka la’ng go ipota goba go bota bao ba sa hlahlwego ke bohlale bja Modimo e le bošilo? Ke dikarolong dife moo re swanetšego go ba šedi?
15. Bohlale bja Modimo bo re šireletša mereong efe?
16. Ke ka baka la’ng e le gabohlokwa gore re diriše keletšo yeo e neilwego lenaneong la kopano ya tikologo?