Holwa ke Bidio ya No Blood—Medicine Meets the Challenge

O tseba gakaaka’ng ka dikgetho tšeo di lego gona tabeng ya dihlare tša go alafša ntle le madi? Na o a tseba gore ke tše dife tše dingwe tša dikalafo tšeo di sa akaretšego tšhelo ya madi le kamoo di šomago ka gona? Bogela bidio ye gomme o bone ge e ba o tseba dikarabo tša dipotšišo tše di latelago.—Ela hloko: Ka ge bidio e akaretša ditiragalo tše kopana tša go bua, batswadi ba swanetše go diriša temogo ge ba tšea phetho ya ge e ba bana ba bona ba banyenyane ba swanetše go e bogela.

(1) Lebaka le legolo leo ka lona Dihlatse tša Jehofa di ganago tšhelo ya madi ke lefe, gomme molao woo wa motheo o hwetšwa kae ka Beibeleng? (2) Ke’ng seo re se kganyogago ge go tliwa tlhokomelong ya tša kalafo? (3) Ke tshwanelo efe ya motheo yeo balwetši ba nago le yona? (4) Ke ka baka la’ng e le mo go kwagalago le mo go bontšhago boikarabelo go gana go tšhelwa madi? (5) Ge motho a lahlegelwa ke madi a mantši, ke dilo dife tše pedi tša pele tše akgofilego tšeo dingaka di swanetšego go di dira? (6) Ke dikotsi dife tša tša maphelo tšeo di tswalanago le ditšhelo tša madi? (7) Ke ditlabakelo dife tše dingwe tšeo dingaka tša go bua di nago le tšona bakeng sa go fokotša go lahlega ga madi nakong ya go bua? (8) Ke’ng seo o swanetšego go nyaka go se tseba mabapi le kalafo e nngwe yeo e lego gona ye e sa akaretšego tšhelo ya madi? (9) Na go bua mo gogolo le mo go raraganego go ka dirwa ntle le go tšhelwa madi? (10) Ke’ng seo palo e oketšegago ya dingaka e ikemišeditšego go se direla Dihlatse tša Jehofa, gomme ke’ng seo mafelelong e ka bago mokgwa o amogelegago wa kalafo bakeng sa balwetši ka moka?

Go amogela dikalafo le ge e le dife tše di bontšhitšwego mo bidiong ke phetho ya motho ka noši e theilwego letswalong.—Bona Morokami wa June 15, 2004, matl. 22-4, 29-31, le Morokami wa October 15, 2000, matl. 30-1.