Ge Go Lokišetšwa Segopotšo

Na o mongwe le o mongwe, go akaretša seboledi, o tsebišitšwe nako e lebanego le lefelo la monyanya? Na seboledi se na le senamelwa?

Na go dirilwe dithulaganyo tše di tiilego bakeng sa go hwetša diswantšhetšo le go di bea mo di swanetšego ka nako e swanetšego?

Na go dirilwe dithulaganyo tša gore tafola e lokišwe e sa le pele ka lešela le le hlwekilego la tafola le palo e lekanego ya digalase le dipoleiti?

Go dirilwe dithulaganyo dife tša go hlwekiša Holo ya Mmušo pele ga nako? Na go lokišeditšwe ditlabakelo tše di swanetšego tša medumo ge e ba go hirilwe holo?

Na bahlokomedi le bao ba sepedišago diswantšhetšo ba neilwe dikabelo? Na go rulagantšwe seboka le bona pele ga Segopotšo bakeng sa go boeletša mediro ya bona? Neng? Ke mogato ofe wo o tlago go latelwa go kgonthišetša gore bohle ba hlanketše ka mo go kgotsofatšago?

Na dithulaganyo tša go thuša banababo rena le dikgaetšedi bao ba tšofetšego le bao ba golofetšego di phethilwe? Na go dirilwe dithulaganyo tša go išetša motlotšwa lege e le ofe yo a ka bago a babja goba a sa kgone go ba gotee le phuthego diswantšhetšo?