Ditaba Tša Pušo Ya Modimo

Afrika Borwa: Diphuthego tše tharo di thabetše go kgakola Diholo tša tšona tša Mmušo tše botse tše difsa. Ke ya Emolweni (ka leboa la Pinetown), Sweetwaters (kgaufsi le Pietermaritzburg) le Lydenburg.

Go šetše go kgakotšwe Diholo tša Mmušo tše lesome-pedi go fihla gabjale lenyaga. Mo nakong ye diphuthego tše masome-pedi-šupa di swaregile ka go aga Diholo tša tšona tša Mmušo. Anke re kgothaletše bohle bao ba swaregilego mešomong ye gore ba tiiše. Re leboga banababo rena ka moka le dikgaetšedi ba ba ratago bao ba šomago ka thata karolong ye ya tirelo.

Albania: Go tloga ka December 1991 go fihla ka December 1992, palo ya bagoeledi e oketšegile go tloga go 24 go ya go 107. Dipalo tša dithuto tša Beibele di hlatlogile go tloga go 4 go ya go 221 lebakeng le le swanago la nako.

Repabliki ya Afrika Bogare: Ka January 20, 1993, mmušo o ile wa phatlalatša molao wo o bego o dumelela go tsošološwa ga mediro e tletšego ya Dihlatse tša Jehofa. Banababo rena moo bjale ba thabela go kgona go diriša Diholo tša bona tša Mmušo le go ba bao ba kgonnego go swara Kopano ya Selete ya “Barwadi ba Seetša” phatlalatša. Go bile le palo-moka ya batho ba 4739 dikopanong tše tshelelago tšeo di bego di swerwe gomme gwa kolobetšwa ba 121.