Kgopotšo go Mongwaledi le Molebeledi wa Tirelo

Ngwaga o mongwe le o mongwe tsebišo e lego tokollong ya February ya Tirelo ya Rena ya Mmušo e laela mongwaledi le molebeledi wa tirelo go “hlahloba modiro wa babulamadibogo ka moka ba ka mehla.” Morero wa tlhahlobo ye ke ofe? Ke go bona bao ba nyakago go thušwa gore ba fihlelele diiri tše di nyakegago pele ngwaga wa tirelo o fela.

Babulamadibogo ba ka mehla ba letetšwe gore ba diriše diiri tše 1 000 bodireding ngwaga o mongwe le o mongwe. Mafelelong a February, babulamadibogo ba bangwe ba hwetša gore ba šaletše morago, gomme se se ka lebiša go nyameng. Bagolo ba ka fela ba thuša babulamadibogo, ba ba nea kgothatšo le ditšhišinyo tše di holago. Se se ka dira phapano magareng ga gore babulamadibogo ba fihlelele ka katlego seo ba letetšwego gore ba se fihlelele ka ngwaga goba gore ba tlogele modiro wa bobulamadibogo.

Babulamadibogo ba tla leboga e le ka kgonthe go kgomega ga bagolo tabeng ye. Phuthego le yona e tla holwa ke go ba le babulamadibogo bao ba thabilego bodireding bja bona, ba kgomaretše ka go botega kabelong ya bona.