Go Sepediša Ithute go Morutiši yo Mogolo

◼ “Na o nagana gore lefase e be e tla ba lefelo le lekaone ge nkabe batho ba be ba phela ka go dumelelana le mantšu a? [Bala Mateo 7:12a. Ke moka o dumelele karabo.] Puku ye e hupere dithuto tše dintši go tšwa go morutiši yo mogolo kudu yo a kilego a phela.” Gatelela diswantšho le ditlhaloso tša tšona go kgaolo 17.

◼ “Batswadi ba bantši lehono ba leka go tsenya ganyenyane-ganyenyane ditekanyetšo tše di holago baneng ba bona. Na o nagana gore se se bohlokwa? [Dumelela karabo. Ke moka o bale Diema 22:6.] Ela hloko gore batswadi ba kgothaletšwa go thoma go tlwaetša bana ba bona e sa le ba banyenyane. Puku ye e hlametšwe go ba thuša go dira bjalo.” Gatelela diswantšho le ditlhaloso tša tšona dikgaolong 15, 18 goba 32.

◼ “Gantši batswadi ba makatšwa ke dipotšišo tšeo bana ba bona ba di botšišago. Tše dingwe tša dipotšišo tšeo go ka ba thata go di araba, na ga go bjalo? [Dumelela karabo. Ke moka o bale 2 Timotheo 3:14, 15.] Mmago Timotheo le makgolo wa gagwe ba mo rutile go tloga bjaneng seo Mangwalo a se bolelago. Puku ye e ka thuša batswadi gore ba dire se se swanago bakeng sa bana ba bona lehono.” Gatelela diswantšho tše sego kae le ditlhaloso tša tšona dikgaolong 11 le 12 goba 34 go ya go 36.