THUTO 25

Ke ka Baka la Eng Modimo a re Bopile?

Kgatišo ya go Phrinthiwa

Beibele e re bophelo bja batho ke bjo ‘bokopana e bile bo tletše ka mathata.’ (Jobo 14:1) Na ge Modimo a be a re bopa o be a nyaka gore re tle re phele ka yona tsela yeo? Ge e ba go se bjalo, gona ke ka baka la’ng a re bopile? Na re ka tla ra tsoga re phetše ka tsela yeo Modimo a nyakago re phela ka yona? Ekwa gore Beibele e araba dipotšišo tše bjang ka tsela yeo e kgahlišago.

1. Jehofa o nyaka gore re phele bjang?

Jehofa o nyaka gore re ipshine ka bophelo. Ge Modimo a be a bopa batho ba mathomo e lego Adama le Efa, o be a ba beile phakeng e botse yeo e bego e le lefelong leo le bitšwago Edene. Ke moka o ile “a ba šegofatša gomme a re go bona: ‘Tswalang le ate le tlale lefase le be le le fenye.’” (Genesi 1:28) Jehofa o be a nyaka gore Adama le Efa ba be le bana, ba dire lefase ka moka paradeise, goba phaka e botse, e bile ba hlokomele le diphoofolo. Jehofa o be a nyaka gore ba ipshine ka bophelo ba sa babje, e bile ba phele go ya go ile.

Le ge dilo di ile tša senyega, eupša Modimo o sa nyaka gore batho ba tle ba phele ka tsela yeo.a (Jesaya 46:10, 11) Modimo o sa nyaka gore batho bao ba mo kwago ba phele go ya go ile, ba ipshine e bile ba se be le mathata.—Bala Kutollo 21:3, 4.

2. Re ka dira eng gore re ipshine ka bophelo gona bjale?

Jehofa o re bopile re na le kganyogo ya go nyaka go mo tseba le go mo hlankela. (Bala Mateo 5:3-6.) O nyaka gore re be le segwera se sebotse le yena, re ‘sepele ditseleng tša gagwe ka moka, re mo rate,’ le go mo hlankela ‘ka dipelo tša rena ka moka.’ (Doiteronomio 10:12; Psalme 25:14) Ge re ka dira dilo tše, re tlo ipshina ka bophelo le ge re na le mathata. Ge re hlankela Jehofa, re a tseba gore re phelela eng.

ITHUTE KA MO GO TSENELETŠEGO

Ekwa gore tsela yeo Jehofa a bopilego lefase ka yona e bontšha bjang gore o re rata kudu, o be o kwe le gore Beibele e re ke ka baka la eng a re bopile.

Adama Efa ba lebeletše phaka e botse yeo e bego e le legae la bona, yeo e bego e tletše ka mehlare, matšoba le diphoofolo.

3. Jehofa o nyaka gore re ipshine ka bophelo

Bapalang BIDIO ye, gomme le boledišaneng ka potšišo e latelago:

BIDIO: Ke ka Baka la Eng Modimo a Bopile Lefase?—Karolwana (1:41)

Ke ka baka la’ng Modimo a ile a bopa lefase?

Balang Mmoledi 3:11, gomme le boledišaneng ka potšišo e latelago:

Ge Jehofa a be a bopa batho o be a nyaka gore ba phele nako e kaakaa’ng, le gore ba phele bjang?

4. Jehofa o sa nyaka gore batho ba ipshine ka bophelo

Balang Psalme 37:11, 29 le Jesaya 55:11, gomme le boledišaneng ka potšišo e latelago:

Re tseba bjang gore Jehofa o sa nyaka gore re ipshine ka bophelo?

A. Ntlo yeo e senyegilego. Marulelo a yona a a wa, mafasetere a thubegile, le jarata ya yona e tletše ka ditšhila. — Ntlo yeo e senyegilego kudu e ka lokišwa gape. Ka mo go swanago, ka ge batho ba sentše lefase, Modimo o tlo le lokiša gape gore batho bao ba mo kwago ba phele go lona

B. Yona ntlo yeo e bego e senyegile e lokišitšwe, e botse, e bile jarata ya yona e kgahliša le go feta. — Ntlo yeo e senyegilego kudu e ka lokišwa gape. Ka mo go swanago, ka ge batho ba sentše lefase, Modimo o tlo le lokiša gape gore batho bao ba mo kwago ba phele go lona

5. Go hlankela Jehofa go dira gore re tsebe gore re phelela eng

Go tseba gore re phelela eng go dira gore re thabe kudu. Bapalang BIDIO ye, gomme le boledišaneng ka potšišo e latelago:

BIDIO: Ke Ile ka Thoma go Tseba Gore ke Phelela Eng (5:03)

Bidiong ye, Terumi o ile a holega bjang ka morago ga gore a tsebe gore re phelela eng?

Balang Mmoledi 12:13, gomme le boledišaneng ka potšišo e latelago:

Ka ge Jehofa a re diretše dilo tše dintši kudu, re ka bontšha bjang gore re a mo leboga?

MOTHO YO MONGWE A KA GO BOTŠIŠA GORE: “Botsebotse re phelela eng ka gore go a swana re a hwa?”

O ka mo araba bjang?

O ITHUTILE ENG?

Jehofa o nyaka re thabela bophelo go ya go ile gona mo lefaseng, e bile re se na mathata. Ge re mo hlankela ka dipelo tša rena ka moka, re kgona go tseba gore re phelela eng le ge re na le mathata.