Mwenyu Wakanzila Kwahi?

Bibilya yiti Suku akalumba vyuma vieni viose. (Salmo 36:9) Utava kuvye? Avamwe kavezi kutava. Nga ka Suku aku akatulumba, hi katwesi nevi twakanzila mu tumbu. Mazi nga Suku akatulumba, endi waziva mukonda lya vikhi akatuhaka mu tumbu.a Bibilya yiywela momo mwenyu wakameteka. Wakutala uti avye yuyu yiywela vya sili.

1. Vyuma vili kolu na hosi vya kanzila kwahi?

Bibiliya yiti: “Mukumeteka Suku wakalumba kolu na hosi.” (Gênesis 1:1) Ava vakalilonga sinene navu vatava kwakuninga, tumbu lyali na sizuwa vakalilumba. Mazi namwahi tumbu lya kameteka? Suku wakalumba vyuma viose vili mu tumbu na zinkhono zendi.—Gênesis 1:2.

2. Mukonda lya vikhi Suku akalumba tumbu?

Bibilya yiti: “[Suku] kakalumbili tumbu phala kukhala mwemomo, wakalilumba phala vathu kutunga mwene.” (Isaías 45:18) Suku wakalumba samboti tumbu phala vathu kukhala na mwenyu kauhwi. (Tanga Isaías 40:28; 42:5.) Vathu vakalilonga sinene veti tumbu lya waha, lyali na vyuma viose tuvinga phala kukhala na mwenyu.

3. Mukonda lya vikhi vathu kavalififili na zisitu?

Yehova akalumba tumbu na zisitu na miti. “Akalumbi muthu mu sihanga sendi.” (Tanga Gênesis 1:27.) Vikhi vathu vali navyu zisitu kavesi? Etu tuhasa kukengelesa Suku. Suku ali na sali, kasoleli kumona vathu kuhita na lamba. Netu mwemomo twali. Etu tusola kwiva tuselu na kutala vyuma viamboti na kutuva malizu. Zisitu kazihasi kulumba vyeni vye. Suma salanda, twezi kulumba vyuma zisitu kavalumbi: kusimanya yo akatulumba.

LILONGI WEKHA

Twakutala vyuma vitatu: (1) Vye vilekesa kwakuninga Suku yindi akalumba mwenyu. (2) Evi Bibilya yiywela vya sili. (3) Vilinga vathu vali navyu, vitulonga momo Suku atokala.

4. Mwenyu kwali yo akaulumba

Muthu nga alumbi suma sa waha, vathu vamusakilila sinene. Mazi kukhanda yikwau, muthu mweni yo wakakengelesa khali vye vili mu tumbu. Amuni, muthu yo akulumba vye vili mu tumbu liose, katuhasi kumusakilila? Talyenu VIDYU. Vyelienu kukhanda ya sihulu se:

VIDYU: Tutava Kwakuninga Kwali Suku (2:43)

• Vikhi vathu vakalumba mazi vakakengelesa vye vili mu tumbu?

Inzu yose kuli yo ayitunga. Amuni, yili akalumba vyuma viose? Tangyenu Hebreus 3:4. Vyelienu kukhanda ya vihulu vye:

• Vyuma vikhi vili mu tumbu usola sinene?

• Utava uti Suku akalumba tumbu na vyuma viose vili mwene? Mukonda lya vikhi utava kuvye?

Wakaziva kali?

Mu jw.org tuhasa kusanga mu mbundu yiywela: “Teve um Projeto?” na “Opiniões sobre a origem da vida”.

“Inzu yosi kuli yo ayitunga, mazi Suku yindi akalumba vyuma viose”

5. Evi Bibilya yiywela kukhanda ya momo Suku akalumba vyuma, vya sili

VIDYU: Kwali yo Akalumba Tumbu?—Sithimbu (3:51)

• Bibilya yilonga yiti tumbu na vyuma viose vili mweni, vakavilumba mu semana yimuheka?

• Mukusoka kwavi, avye Bibilya yiywela vya sili? Mukonda lya vikhi usoka momo?

Tangyenu Gênesis 1:1. Vyelienu kukhanda ya sihulu se:

• Vathu vakalilonga sinene vatava kwakuninga, tumbu lyali na sizuwa vakalilumba. Avye vuvu valonga vimuheka na vye wavula mu kutanga mu Bibilya?

Vamwe vathu vezi kusoka veti Suku wakalumba suma simuheka, asu sikavali vyuma vikwau. Tangyenu Gênesis 1:21, 25, 27. Vyelienu kukhanda ya vihulu vye:

• Bibilya yilonga kwakuninga Suku wakalumba suma simuheka, asu sikavali vyuma vikwau, nañgu zisitu, zimbizi na vathu? Ni Bibilya yilonga kwakuninga Suku wakalumba viose vili na mwenyu?

6. Vathu kavalififili na vyuma vikwau Suku akalumba

Vathu kavalififili na zisitu. Tangyenu Gênesis 1:26. Vyelienu kukhanda ya sihulu se:

• Etu tuhasa kuleka sali mukonda twalififa na Suku. Avye vikulonga viti kuti Suku atokala?

VIKHI WATUVA?

Suku akalumba tumbu na viose vili mweni.

Kuzimbuluka

• Bibilya yilonga yiti tumbu lya keya namwahi?

• Bibilya yilonga kwakuninga Suku wakalumba suma simuheka, asu sikavali vyuma vikwau, nañgu zisitu, zimbizi na vathu, ni yilonga kwakuninga Suku wakalumba viose vili na mwenyu?

• Mukonda lya vikhi vathu kavalififili na zisitu?

KENGA WEKHA

Tala vimwe vyuma vyali mu tumbu vileka kwakuninga Suku kwene ali.

“O que a natureza ensina?” (Despertai!, setembro de 2006)

Tala momo vitata vahasa kulonga vana vavu kwakuninga Suku akalumba vyuma viose.

“Jeová criou todas as coisas” (2:37)

Katuhasi kutava tuti vyuma vya keya vyuvyene, kukhanda yikwau tuti Suku akavilumba.

“Será que deus usou a evolução para criar os diferentes tipos de seres vivos?” (Mu jw.org)

Vathu vakalilonga sinene vakasanga vifuha vya zisitu zakafa kali kahehi. Vikhi vakamona ku vifuha vye?

A Origem da Vida—Cinco Perguntas Que Merecem Resposta (brochura)