Yesu Yili?

Yesu vamuziva mu tumbu liose. Ola mwemomo vamwe vali na zikhangu kukhanda ya Yesu. Vathu vakwau vezi kulonga mambu kukhanda ya yindi. Mazi vikhi Bibilya yitulonga kukhanda ya Yesu?

1. Yesu yili?

Yesu mungelu unene. Suku wakalumba Yesu andi yakulumba vyuma vikwau. Hose akamana kulumba Yesu, akalumbi wheka kolu na vyuma vikwau. Bibilya yiti “endi umetekelu wa vyuma viose.” (Colossenses 1:15) Bibilya yiti Yesu “mona umuheka” wa Suku mukonda endi yindi tuhu Suku akalumba yindi vene. (João 3:16.) Yesu wakakalakala na tata yendi Yehova, akamukwasi kulumba vyuma viose. (Tanga Provérbios 8:30.) Yehova na Yesu tuhalu. Yesu wezi kuhana umbangi wa Suku phala vathu na mingelu. Mukonda lya vye, Bibilya yimushana yiti “Mbimbi.”—João 1:14.

2. Vikhi Yesu akeya mukulumba munu mu tumbu?

Ku 2000 za munyima, Yehova wakalumba suma sinene. Kuhana zikhono zendi, kutuma mwenyu wa mona endi muthimba ya umwe mukhetu tushana tuti Maliya. Vye-vye vya kamoneka Yesu akeyi hanu hosi. (Tanga Lucas 1:34, 35.) Yehova wakatuma Yesu munu mu tumbu phala kuyovola vathu.a Yesu wakalumba viose vileka kwakuninga endi mona wa Suku. Avye vya kakwasa vathu kuziva kwakuninga Yesu endi “Kilistu, mona wa Suku ya mwenyu.”—Mateus 16:16.

3. Kulinu kumbi Yesu ali kwahi?

Yesu wakafa mazi Yehova akamuhinduli. Kulinu kumbi wali ñgana kolu. “Suku wakamuhana mu komu unene.” (Filipenses 2:9) Mu tumbu liose, owo alandi Suku, hakwiya Yesu.

4. Yesu ka Suku aku

Bibilya yiti Yesu mungelu unene kolu. Ola mwemomo endi ezi kulumba vye Yisi atumina. Namwahi twaziva? Talyenu VIDYU phala kuziva vye Bibilya yilonga kukhanda ya Yesu na Suku ya zikhono zose.

VIDYU: Yesu Suku? (3:22)

Zitestu twakutanga zilekesa kwakuninga Yehova na Yesu ka vathu vamuhekhaku. Tangyenu vivatu ha muyweli kukhanda ya vihulu vye:

Tangyenu Lucas 1:30-32.

• Nañgu momo twatanga, Yesu sikhi sa Yehova Suku?

Tangyenu Mateus 3:16, 17.

• Aha Yesu vakakhala mu kumubatizala, mbimbi yakavula kolu yakaywela vikhi?

• Mukusoka kwavi, mbimbi yasu yali?

Tangyenu João 14:28.

• Monzu yili alandi, mona ni yisi?

• Yesu wakashana Yehova hati Tata. Avye vitulonga vikhi?

Tangyenu João 12:49.

• Yesu wakalonga kwakuninga yindi Suku? Amuni navi usoka uti Suku na Yesu muthu umuheka?

5. Vikhi vileka kwakuninga Yesu yindi akakhala Mesiya?

VIDYU: Umbangi Wose Wakamoneka Kwa Yesu (3:03)

Tangyenu umbangi wo mu Bibilya. Vyelienu kukhanda ya vihulu vye:

Bibilya yakaywela kali ko Yesu vakwiya mukumuvala. Tangyenu Miqueias 5:2.b

• Umbangi wo wakamoneka?—Mateus 2:1.

Bibilya yakaywela kali momo Yesu akwiya akafa. Tangyenu Salmo 34:20 na Zacarias 12:10.

• Umbangi wo wakamoneka limwe?—João 19:33-37.

• Avamwe vezi kusoka veti Yesu akalumbisa umbangi wo kumoneka. Usoka uti ase sili?

• Mukusoka kwavi, avye vikulonga kwakuninga Yesu yili?

VIKHI WATUVA

Yesu mungelu unene kolu. Mona wa Suku, wakamuhana phala kuyovola vathu.

Kuzimbuluka

• Mukonda lya vikhi Bibilya yiywela yiti Yesu “umetekelu wa vyuma viose”?

• Vikhi Yesu akalumba andi yakwiya hanu hosi?

• Namwahi twaziva tuti Yesu yindi muthu Yehova akahanda phala kuyovola vathu?

KENGA WEKHA

Tala vyuma vikwau vilekesa kwakuninga Yehova wakahana Yesu phala kukwasa vathu.

“Será que as profecias da Bíblia provam que Jesus era o Messias?” (Mu jw.org)

Tala momo Bibilya yiywela kwakuninga Yesu mona wa Suku.

“Por que Jesus é chamado de Filho de Deus?” (Mu jw.org)

Bibilya yilonga yiti Suku na Yesu na nzumbi ikola ka va muhekhaku.

“Jesus é Deus?” (A Sentinela, 1.º de abril de 2009)

Mukhetu yo hose akalilonga samboti kukhanda ya Yesu, mwenyu wendi wakawaha.

“Uma judia explica por que reavaliou sua fé” (Despertai!, maio de 2013)