LISAU 03
Tutava Kuvye Bibilya Yiywela?
Bibilya yiywela ku vyuma vinzi vyamboti yihana mana. Wasola kuziva samboti kuvye Bibilya yiywela, kukhanda yikwau hamwe wali na zikhangu. Namwahi livulu lye likulu lihasa kutukwasa kulinu kumbi? Tutava lumwe kuvye Bibilya yiywela? Venzi mutumbu vatava kuvye Bibilya yilonga. Ave me, nave utava?
1. Evi Bibilya yiywela viakamoneka lumwe?
Vathu vakasoneka Bibilya “vakaisoneka na sili sose.” (Eclesiastes 12:10) Bibilya yiywela ku vyuma vya sili na vathu vakamoneka. (Tanga Lucas 1:3; 3:1, 2.) Vathu va vakalilonga sinene navu vatava veti viosi Bibilya yiywela vya sili.
2. Mukonda lya vikhi tuhasa kutava Bibilya ola mwenyomo livulu likulu?
Bibilya yakaywela kali kuvyuma vya kuphala. Hose vakasoneka Bibilya vathu venzi kavakateveli kuvyuma vye yiyu yilonga. Kulinu kumbi na vathu va valilongi sinene vatava kwakuninga evi Bibilya yiywela vya sili. Mbimbi ya Suku “yiywela sili kulinu kumbi na kuphala ya vizuwa.”—Salmo 111:8.
3. Mukonda lya vikhi tuhasa kutava ku vye Bibilya yiywela kukhanda ya kuphala ya vizuwa?
Mu Bibilya muli umbangi wa Suku wa “vyuma vya kuphala viakamoneka khali.” (Isaías 46:10) Vyuma vinzi vakasoneka mu Bibilya andi lya yiviu kumoneka. Bibilya yakazimbwila kali momo tumbu likukakhala kulinu kumbi. Amuni twakulilonga vimwe vyuma Bibilya yakalonga. Kumona momo vyuma viose Bibilya yakaywela viakamoneka, vitukasumwisa!
LILONGI WEKHA
Tala momo vathu vakalilonga sinene vatava ku vye Bibilya yiywela. Lilongi wekha kukhanda ya umbangi wa Suku.
4. Vathu vakalilonga sinene navu vatava ku umbangi wa Bibilya
Kumivu za munyima vathu vakakhala kusoka veti kuli simwe suma sakwata tumbu. Tala VIDYU:
Tala vye mukanda wa Jó wakaywela khali ku mivu za munyima. Tangyenu Jó 26:7. Vyelienu kukhanda ya sihulu se:
Bibilya yiti kakwisi sesi sakwata tumbu. Mukonda lya vikhi vye vikukasumwisa?
Vathu vaneya mu kuziva samboti momo mwezi kuhita nvula 1.800. Bibilya yakazimbula vyuma viasu vieni vye kahehi. Tangyenu Jó 36:27, 28. Vyelienu kukhanda ya vihulu vye:
Mukonda lya vikhi umetekelu wa nvula ukusakumwisa?
Evi twavula mu kutanga, viweza ufelelu wave ku Bibilya?
5. Bibilya yakaywela kali kahehi ku vyuma vya mukomu
Tangyenu Isaías 44:27–45:2. Vyelienu kukhanda ya sihulu se:
Mukuhita 200 za mivu mukuhumuka kwa Babilonia, vikhi Bibilya yakaywela kali?
Evi viakahita munyima vileka kwakuninga Silu, Ñgana ya Perisiya, na masulali endi, yivu vakahumuna mbonge ya Babilonia. A vye viakahita 539 H.Y.K.A.a Kwakakhala mulonga wakakhala kulava mbonge, mazi Silu akazikuli nzila phala meya kuhita akasange mavitu ali wasi. Mukonda lya vye, kakwakavingili zikono zinzi phala kukovela mu mbonge na kuyihumuna. Linu kumbi hahiti 2.500 mivu mazi tuhasanga visendelu vituhu, kahesi manzu. Tala vye Bibilya yakaywela kali kahehi.
Tangyenu Isaías 13:19, 20. Vyelienu kukhanda ya sihulu se:
Namwahi umbangi wo wakahita?
Visendelo vya Babilonia
6. Bibilya yakaywela kali vyuma tukumona kulinu
Izimbwila yiti tuli “kuvizuwa vyasuka kwene.” (2 Timóteo 3:1) Tala vye Bibilya yakazimbwila ku vizuwa vyetu vini vye.
Tangyenu Mateus 24:6, 7. Vyelienu kukhanda ya sihulu se:
Vikhi Bibilya yakaywela kuvyuma vye vikumoneka ku vizuwa vyetu?
Tangyenu 2 Timóteo 3:1-5. Vyelienu kukhanda ya vihulu vye:
Bibilya yiti vathu vakukhala namwahi ku vizuwa vyetu?
Vikhi wezi kumona mu kuhita?
AVAWE VETI: “Bibilya livulu likulu kalivieli sili.”
Mukusoka kwave, sili siki uli nasu ku Bibilya?
VIKHI WATUVA
Walilonga uti evi viakahita munyima na vathu vakalilonga sinene na umbangi wa Suku uli mu Bibilya, viose vileka kuninga tuhasa kutava ku Bibilya.
Kuzimbuluka
Evi Bibilya yiywela viakamoneka?
Vikhi vathu vakalilonga sinene naviu vilumba mbandu na Bibilya?
Utava uti Bibilya yihasa kutuzimbwila vye vikumoneka kuphala? Mukonda lya vikhi utava kuvye?
KENGA WEKHA
Kuli vimwe vyuma mu Bibilya viakatondala?
“Será que a Bíblia está de acordo com a ciência?” (Mu jw.org)
Vyuma vikhi Bibilya yakasika yiti vikukahita ku vizuwa vialinu kumbi?
“6 profecias bíblicas que estão se cumprindo hoje” (A Sentinela, 1 de Maio de 2011)
Tala momo Bibilya yakasika suma sakambeli kuhita ku utuminu wa Uñgana wa Grêcia.
Vyuma Bibilya yiywela vya kuphala ya vizuwa viakakwasa umwe muyala. Ziva siwa momo Bibilya yakamukwasa.
“Eu não acreditava que Deus existia” (A Sentinela No. 5 2017)
a H.Y.K.A. vilomboloka Hose Yesu Khali Akamonekeni. H.Y.A. vilomboloka Ha Yesu Akamoneka.