Yili Akutumina Tumbu Lye?

MBIMBI YA SUKU YIYWELA ITI

“Lyabu mwene akutumina tumbu lyose.”​—1 Nzwau 5:19.

“Mona wa Suku weya . . . phala kumana byuma bya Lyabu.”​—1 Nzwau 3:8, Tradução do Novo Mundo.

KUZIBA BYE BIKUKWASA

Kuziba mukonda lya bikhi tumbu lyasula na vithombo.​—Usolokelo 12:12.

Kukhala nakuziba kwakuninga tumbu lyakuwaha ku phala.​—1 Nzwau 2:17.

TUTABA LUMU KUBYE MBIMBILIYA YIZIMBULA?

Tutaba, mukonda lya vithombo bye:

• Utuminu ua Lyabu ukuhwa. Yehova wasola kumana utuminu wa Lyabu munu mutumbu. Suku akuziha Lyabu na kumana byose ezi kulumba.​—Heveleu 2:14, Tradução do Novo Mundo.

• Suku wahanda Yesu Kilistu phala kutumina tumbu. Unguvulu wa Lyabu wabiha mazi Yesu kamuku ali. Suku wahanda Yesu phala kutumina, mukonda “wali nasali satulenge na zikhukhunyu, akabanone humalamba.”​—Salumu 72:13, 14.

• Suku kakusi. Mbimbiliya yi­ywela na sili sose yiti: “Suku kahasi kukusa.” (Heveleu 6:18) Yehova Suku ya sili, byose aywela endi avilumba! (Yizaya 55:10, 11) Amomo tukhalenu na sili sakuninga “nguvulu ya tumbu lye bakwiya bamukayi.”​—Nzwau 12:31.