Uñgana wa Suku Suma Sikhi?

BIBILYA YIYWELA YITI

“Suku ya kolu akukalumba uñgana kakwesi yo akukauhumuna.” —Daniel 2:44, Tradução do Novo Mundo.

“Vatuhani mona wa muyala; uñgana wali huphanga yendi.” —Isaías 9:6.

MBOTI YIKHI UKUMONA NGA WAZIVA VYUMA VYE

• Unguvulu wamboti wo . . . Uhasa kukukwasa kukhala samboti kumwenyu wavi kulinu.—Isaías 48:17, 18.

• Unguvulu wamboti wo . . . Wakuniha kukola na kusanguluka mu tumbu lya uhi.—Apocalipse 21:3, 4.

TUTAVA LUMWE KU VYE BIBILYA YIYWELA?

Tutava, mukonda lya vyuma vye:

• Yesu wakaleka vye Uñgana wa Suku wakukalumba. Endi wakalonga zindongi zendi kulomba phala kuwiya Uñgana wa Suku, na kulumba sisola sa Suku hanu hosi. (Mateus 6:9, 10) Yesu nendi wakaleka momo vakukatava lombelo lye.

  Hose akakhala hanu hosi, Yesu wakahana makulya kuva vakakhala na nzala, akasohi va vakavinza, akihinduli va vakafa. (Mateus 15:29-38; João 11:38-44) Yesu Ñgana ya Uñgana wa Suku. Endi wakaleka vye akukalumba ku vathu ku Uñgana wa Suku.—Apocalipse 11:15.

• Evi vyali mu kumoneka mutumbu, vileka kwakuninga Uñgana wa Suku wali kahali. Yesu wakaleka kwakuninga andi ya kuniha kusanguluka hanu hosi kwakukahita vita nzala na vyuma vikwau. —Mateus 24:3, 7.

  Vyuma vye yitu kuvimona kulinukumbi. Wamona twali na ufelelo kwakuninga Uñgana wa Suku wali khali phala kumana vithombo viosi.