Kutyangilisi mu Kulonga

Vikhi Yesu Akalumba

VIDYU: Yesu wa Kalumba Sifika Phala Kulonga Momo Yehova Ezi Kutulava

1. Tala VIDYU. Ni lowo tanga Mateus 6:25-27. Soka kukhanda ya vihilu vye:

1. Sifika sikhi Yesu akavyela sileka kwakuninga Yehova wezi kututekula?

2. Yesu wa kaziva vyuma vinzi kukhanda ya tuzila. Mazi vikhi akalonga kukhanda ya tuzila? Mukonda lya vikhi tuvyela kwakuninga endi wakalonga samboti?

Vikhi Twatuva na Yesu

2. Nga twa leluhisa vye twa kulonga, vathu vakuzimbuluka vye twezi kulonga; vyuma vyasu vya kukovela mu zimbungi zavu.

Namwahi Tuhasa Kukengelesa Yesu

3. Kuvyeli sineni. Kuvyeli vyuma vinzi kukhanda ya vye yivi waziva. Vyela tuhu vye vyali mu mbandu ye mwakulilonga ku sizuwa. Nga walumba simwe sihulu nengelela yindi kutava. Endi ni kahaseli kutava ni lowo watava mwa kasekha, lumba vihulu vikwawu vya kumukwasa kuziva samboti. Endi nga atuvi kali vye wa mu longa ndoyenu mu sivatu sikwawu.

4. Kwasa yo wezi kulonga kulumba mbalasau ya vye akatuva kali na vye ali mukutuva simbweli. Uhasa kulumba momo: Andi ya kumeteka kulilonga lisau ye yivyela kukhanda ya va vakukahinduka, mu zimbulwisi vye akatuva kali kukhanda ya va vakafa.

5. Ziva kulumba vifika vyamboti. Andi ya kulumba simwe sifika, wafanya kulihula momo:

1. Sifika se kasihwinyi kuziva?’

2. Ayo nezi kulonga, wakunyanga kutuva na sifika sasu?’

3. Sifika sasu, sakukwasa yo na kulonga kuzimbuluka vye akutuva ni, akuzimbuluka tuhu sifika?