LISAU 18
Namwahi Tuhasa Kuziva zi Kilistau za Sili?
Mu tumbu liose vathu venzi vezi kuywela veti tuzi Kilistau. Mazi kavesi na ufelelo ku vyuma vimuhekha. Kukhanda yikwau, kavalanduli vyuma vimuhekha. Amuni namwahi tuhasa kuziva zi Kilistau za sili?
1. Kilistau yilomboloka vikhi?
Kilistau ndongi ya Yesu, ni tuti va vezi kulandula Yesu. (Tanga Atos 11:26.) Namwahi tuhasa kuziva tuti ayo ndongi ya Yesu? Yindi vene Yesu wakaywela heti: “Ni mwapama mu zimbimbi zami mwakukhala mu zindongi zami.” (João 8:31) Avye vilomboloka kwakuninga Kilistau za sili zafanya kulumba vye Yesu akalonga. Viose Yesu akakhala kulumba na kulonga vya kakhala kunzila mu Bibilya. Kulinu kumbi zi Kilistau za sili nazu mwemomo vatokala kulumba.—Tanga Lucas 24:27.
2. Namwahi zi Kilistau za sili vezi kuleka sisola?
Yesu wakaywela momo ku zindongi zendi: “Mukalisola umwe na mukwenu, nañgu momo yimi ñgumisola.” (João 15:12) Namwahi Yesu akasola zindongi zendi? Yesu wakahita masimbu na zindongi zendi, akavakwasi kupama. Yesu wakahana mwenyu wendi ku zindongi. (1 João 3:16) Kulinu kumbi, zi Kilistau za sili navu valumba vye vili mu Bibilya, ha valileka sisola umwe na mukwau.
3. Milimu zikhi zi Kilistau za sili vezi kulumba?
Yesu wakahana zimwe milimu ku zindongi zendi. Endi “wakavatuma kulonga kukhanda ya Uñgana wa Suku.” (Lucas 9:2) Zi Kilistau za munyima kazakakhele kulonga tuhu mu sikungulwila. Mazi vakakhala kulonga wekha kweshoko kwakakhala vathu na kumanzu avu. (Tanga Atos 5:42; 17:17.) Kulinu zi Kilistau za sili navu vezi kulonga Bibilya kweshoko kwali vathu na kumanzu a vathu. Avuvu vali na sisola ku vathu vakwau. Wamona avuvu vezi kusanguluka ku zikhono vezi kulumba phala kulonga Bibilya ku vathu vakwau.—Marcos 12:31.
LILONGI WEKHA
Tala momo tuhasa kuziva Kilistau za sili nava kavezi kulandula vituminu vya Yesu.
4. Avuvu vasoli kuziva sili sali mu Bibilya
Zi Kilistau za munyima vakakhala kuhana mukomo ku mbimbi ya Suku, kuyilonga ku vakwau na kulileka sisola umwe na mukwau
Vamwe vathu vezi kuywela veti tuzi Kilistau. Mazi kavezi kuhana mukomo ku sili sa Bibilya. Talyenu VIDYU. Vyelienu kukhanda ya sihulu se:
Vikhi zimwe zingeleja vezi kulonga, kavyalififili na vye Yesu akalonga?
Yesu wakalonga sili sa mbimbi ya Suku. Tangyenu João 18:37. Vyelienu kukhanda ya sihulu se:
Mukusoka ku zimbimbi za Yesu, namwahi tuhasa “kuziva zi Kilistau za sili”?
5. Avuvu vakakhala kulonga sili sali mu Bibilya
Zi Kilistau za munyima vakakhala kuhana mukomo ku mbimbi ya Suku, kuyilonga ku vakwau na kulileka sisola umwe na mukwau.
Hose Yesu khandi akayili kolu, wakahana zimwe milimu ku zindongi zendi zali kali mukuhita kate kulinu kumbi. Tangyenu Mateus 28:19, 20 na Atos 1:8. Vyelienu kukhanda ya sihulu se:
Kate kwahi milimu za kulonga mizimbu za Suku zakusukila?
6. Avuvu vezi kulumba vye vezi kulonga
Vikhi vya kakwasa umwe muyala vashana veti Tom kutava kwakuninga wakasanga zi Kilistau za sili? Talyenu VIDYU. Vyelienu kukhanda ya vihulu vye:
Mu vidyu twatala, vikhi vya kalumbisa Tom kusa zingeleja?
Vikhi vya kakwasa Tom kutava kwakuninga wasanga sili?
Zimbimbi zetu kazesi na mukomo winzi nañgu vilinga vyetu. Tangyenu Mateus 7:21. Vyelienu kukhanda ya vihulu vye:
Vikhi vya landa mukomo winzi kwa Yesu? Vye twezi kuywela ni vilinga vyetu?
7. Vali na sisola umwe na mukwau
Zi Kilistau za munyima vakakhala kuhana mukomo ku mbimbi ya Suku, kuyilonga ku vakwau na kulileka sisola umwe na mukwau.
Zi Kilistau za sili vahasa lumwe kuhana mwenyu wavu phala kukwasa ziphangi zavu? Talyenu VIDYU. Vyelienu kukhanda ya vihulu vye:
Mu vidyu, vikhi vya kalumbisa Lloyd kusola kuhana mwenyu wendi phala kukwasa phangi yendi Johansson?
Mukusoka kwavi, avye Lloyd akalumba vileka kwakuninga endi Kilistau ya sili?
Tangyenu João 13:34, 35. Vyelienu kukhanda ya vihulu vye:
Namwahi zi Kilistau za sili vafanya kuleka sisola umwe na mukwau, ola va kavaka tumbu limuheka aku?
Namwahi vahasa kulileka sisola ha kwali vita?
AVAMWE VETI: “Tuya yeshoyo ngeleja oyo. Suma salanda kutava Yesu.”
Sivatu sikhi sa mu Bibilya uhasa kuleka, siywela momo tuhasa kuziva Kilistau za sili?
VIKHI WATUVA
Zi Kilistau za sili vezi kulumba vye Bibilya yilonga, vezi kulileka sisola umwe na mukwau, vovo vezi kulonga Bibilya ku vathu vakwau.
Kuzimbuluka
Evi zi Kilistau za sili vezi kulumba na kulonga, vyezi kunzila kwahi?
Vilinga vikhi vileka zi Kilistau za sili?
Milimu zikhi zi Kilistau za sili vezi kulumba?
KENGA WEKHA
Ziva wekha kukhanda ya vathu va vezi kulumba zikhono phala kulandula Yesu na vituminu vyendi.
Tala vye vya kakwasa umwe mukhetu akakhala Madri, kusa ngeleja na kusanga vathu vamusola.
“Elas Respondiam Minhas Perguntas Usando a Bíblia” (A Sentinela, 1.º de abril de 2014)
Tala momo zi Kilistau za sili vezi kuleka sisola ku ziphangi zavu vavingi sikwasu.
Ajuda Humanitária a imãos em áreas de desastres—Trecho (3:57)
Tanga phala uzivi momo zi Kilistau za linu zezi kukengelesa zi Kilistau za munyima.
“O que identifica os Cristãos verdadeiros?” (A Sentinela, 1.º de março de 2012)