Masalimo

24 Dziko lapansi ndi zonse zili mmenemo ndi za Yehova,+

Nthaka ndi yake pamodzi ndi onse okhala panthakapo.+

 2 Iye anakhazika dziko lapansi molimba panyanja,+

Ndipo analikhazikitsa mwamphamvu pamitsinje.+

 3 Ndani angakwere m’phiri la Yehova?+

Ndipo ndani anganyamuke kukalowa m’malo ake opatulika?+

 4 Aliyense wopanda mlandu m’manja mwake ndi woyera mumtima mwake,+

Amene sanaone Moyo wanga ngati wopanda pake,+

Kapena kulumbira mwachinyengo.+

 5 Ameneyo adzalandira madalitso kuchokera kwa Yehova,+

Adzalandira chilungamo kuchokera kwa Mulungu wa chipulumutso chake.+

 6 Umenewo ndiwo m’badwo wa amene amafunafuna Mulungu,

M’badwo wa anthu ofunafuna nkhope yanu, inu Mulungu wa Yakobo.+ [Seʹlah.]

 7 “Tukulani mitu yanu, inu zipata,+

Ndipo dzitukuleni, inu makomo akale lomwe,+

Kuti Mfumu yaulemerero ilowe!”+

 8 “Kodi Mfumu yaulemerero imeneyi ndani?”+

“Ndi Yehova, wanyonga ndi wamphamvu,+

Yehova wamphamvu mu nkhondo.”+

 9 “Tukulani mitu yanu, inu zipata,+

Tukulani mitu, inu makomo akale lomwe,

Kuti Mfumu yaulemerero ilowe!”+

10 “Kodi Mfumu yaulemerero imeneyi ndani?”

“Ndi Yehova wa makamu. Iye ndiye Mfumu yaulemerero.”+ [Seʹlah.]