Masalimo

20 Yehova akuyankheni pa tsiku la nsautso.+

Dzina la Mulungu wa Yakobo likutetezeni.+

 2 Atumize thandizo kuchokera kumalo oyera.+

Akuchirikizeni ali ku Ziyoni.+

 3 Akumbukire nsembe zanu zonse zimene munapereka monga mphatso.+

Alandire mafuta a nsembe zanu zopsereza.+ [Seʹlah.]

 4 Akupatseni zokhumba za mtima wanu,+

Ndipo akwaniritse zofuna zanu.+

 5 Tidzafuula mokondwera chifukwa cha chipulumutso chanu,+

Tidzakweza mbendera zathu m’dzina la Mulungu wathu.+

Yehova akwaniritse zopempha zanu zonse.+

 6 Tsopano ndadziwa kuti Yehova amapulumutsa wodzozedwa wake.+

Amamuyankha kuchokera kumwamba kwake koyera,+

Amamupulumutsa ndi dzanja lake lamanja lamphamvu zopulumutsa.+

 7 Ena akunena za magaleta* ndipo ena akunena za mahatchi,*+

Koma ife tidzanena za dzina la Yehova Mulungu wathu.+

 8 Anthu amenewo athyoka ndipo agwa,+

Koma ife tanyamuka ndipo taima chilili.+

 9 Inu Yehova, pulumutsani mfumu!+

Tsiku limene tidzaitana, Mulungu adzatiyankha.+