Masalimo

43 Ndiweruzeni+ inu Mulungu,

Weruzani mlandu wanga+ motsutsana ndi mtundu wosakhulupirika.

Ndipulumutseni kwa munthu wachinyengo ndi wochita zosalungama.+

 2 Pakuti inu ndinu Mulungu wanga, ndinu malo anga achitetezo.+

N’chifukwa chiyani mwanditaya?

Ndikuyenderanji wachisoni chifukwa choponderezedwa ndi mdani wanga?+

 3 Tumizani kuwala kwanu ndi choonadi chanu.+

Zimenezi zinditsogolere.+

Zindifikitse kuphiri lanu lopatulika ndi kuchihema chanu chachikulu.+

 4 Ndidzapita paguwa lansembe la Mulungu,+

Kwa Mulungu amene amandikondweretsa ndi kundisangalatsa.+

Ndipo ndidzakutamandani ndi zeze, inu Mulungu, Mulungu wanga.+

 5 N’chifukwa chiyani ukutaya mtima, moyo wangawe?+

Ndipo n’chifukwa chiyani ukusautsika mkati mwanga?

Yembekezera Mulungu,+

Ndipo ndidzamutamanda pakuti iye ndiye mpulumutsi wanga wamkulu ndi Mulungu wanga.+