27 “Upange guwa lansembe lamatabwa a mthethe,+ mulitali likhale mamita awiri,* ndipo mulifupi likhalenso mamita awiri. Guwalo likhale lofanana muyezo wake mbali zake zonse 4, ndipo kutalika kwake kuchokera pansi mpaka mʼmwamba likhale masentimita 134.+ 2 Upange nyanga mʼmakona ake+ 4. Nyangazo zituluke mʼmakonawo ndipo ulikute ndi kopa.*+ 3 Kenako upange ndowa zake zochotsera phulusa,* mafosholo ake, mbale zake zolowa, mafoloko aakulu ndi zopalira moto zake. Ziwiya zake zonse uzipange ndi kopa.+ 4 Upangenso sefa wa zitsulo zakopa zolukanalukana, ndipo pasefayo upangepo mphete 4 zakopa mʼmakona ake 4. 5 Ulowetse sefayo chapakati pa guwa lansembe, mʼmunsi mwa mkombero. 6 Guwalo ulipangire ndodo zonyamulira za mtengo wa mthethe ndipo uzikute ndi kopa. 7 Ndodo zonyamulirazo uzizilowetsa mumphetezo mʼmbali zonse ziwiri za guwalo polinyamula.+ 8 Upange bokosi lamatabwa losatseka pansi. Lipangidwe mogwirizana ndi mmene ndakusonyezera mʼphiri.+

10 Udzadzozenso guwa lansembe zopsereza ndi ziwiya zake zonse nʼkuliyeretsa, kuti guwalo lidzakhale lopatulika kwambiri.+